backup og meta
មាតិកា
ឧបករណ៍សុខភាព
រក្សាទុក

កុំប្រហែស! កត្តាបីយ៉ាង អ្នកជំងឺទឹកនោមផ្អែមអាច​ប្រឈមនឹង​គ្រោះ​ថ្នាក់​ធ្ងន់ធ្ងរ

ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


អត្ថបទ​ដោយ អឿ អ៊ុយ · កែ Oct 24, 2023

កុំប្រហែស! កត្តាបីយ៉ាង អ្នកជំងឺទឹកនោមផ្អែមអាច​ប្រឈមនឹង​គ្រោះ​ថ្នាក់​ធ្ងន់ធ្ងរ

ទឹកនោមផ្អែមគឺជាជំងឺរ៉ាំរៃដែលបណ្ដាលមកពីជាតិស្ករក្នុងឈាមមានការកើនឡើងខ្លាំង លើសពី១៣០មិលី្លក្រាម/ដេស៊ីលីត្រឈាម នោះក៏ដោយសារតែកោសិកាបេតារបស់លំពែងមិនអាចផលិតអ័រម៉ូនអាំងស៊ុយលីនគ្រប់គ្រាន់ ឬ ផលិតអាំងស៊ុយលីនបានហើយ តែមិនអាចប្រើការ និងមិនអាចដឹកនាំជាតិស្ករទាំងនោះទៅចិញ្ចឹមកាសិការក្នុងរាងកាយ។ ដូច្នេះហើយ អ្នកជំងឺទឹកនោមផ្អែមគ្រប់រូបត្រូវតែស្វះស្វែងថែទាំសុខភាពខ្លួនឯងឲ្យបានល្អ ដោយការគ្រប់គ្រងកម្រិតជាតិស្ករក្នុងឈាម ឲ្យស្របទៅតាមគោលដៅចន្លោះពី ៨០-១២០មិលី្លក្រាម/ដេស៊ីលីត្រឈាម។

កម្មវិធីពិនិត្យជំងឺបម្រុងទឹកនោមផ្អែមអនឡាញ

ចង់គណនារង្វាស់ចង្វាក់បេះដូង ចុចទីនេះ!

តើមានកត្តាអ្វីខ្លះបង្កគ្រោះថ្នាក់ដល់ជីវិត ប្រសិនគ្រប់គ្រងកម្រិតជាតិស្ករមិនបានល្អ?

ប្រសិនបើអ្នកជំងឺមិនអាចគ្រប់គ្រងកម្រិតជាតិស្ករបានល្អទេ ផលវិបាកដែលអាចកើតឡើងមានដូចជា ការឡើងជាតិស្ករជ្រុល ការថយចុះជាតិស្ករជ្រុល និងកើតមានអាស៊ីតសេតូនក្នុងឈាម ដែលផលវិបាកទាំងនេះងាយធ្វើឲ្យអ្នកជំងឺប្រឈមគ្រោះថ្នាក់ដល់ជីវិត។

លោកវេជ្ជបណ្ឌិត ហ៊ួយ បញ្ញា ឯកទេសជំងឺទឹកនោមផ្អែម និង ក្រពេញអ័រម៉ូន​ នៃមន្ទីរពេទ្យព្រះអង្គឌួងមានប្រសាសន៍ថា សភាពគ្រោះថ្នាក់បំផុត នៃរបស់​អ្នកជំងឹទឺកនោមផ្អែមមានគឺ៖

១.ការថយចុះជាតិស្ករជ្រុល

ការថយចុះជាតិស្ករជ្រុលអាចបណ្ដាលឲ្យអ្នកជំងឺជួបផលវិបាកច្រើន តួយ៉ាងគ្រោះថ្នាក់ធ្ងន់ធ្ងរអាចឈានដល់ការសន្លប់ ឬប្រកាច់ជាដើម។ ប៉ុន្ដែករណីដែលអ្នកជំងឺមិនមានបញ្ហាបេះដូង បើជាតិស្ករចុះក្រោម ៧០មិលី្លក្រាម/ដេស៊ីលីត្រឈាម អ្នកជំងឺអាចទទួលអារម្មណ៍ដឹងដោយរោគសញ្ញាផ្សេងៗ ហើយអ្នកជំងឺក៏អាចទប់ស្កាត់បាន។

ទឹកនោមផ្អែមចាស់

២.ការឡើងជាតិស្ករជ្រុល

ការឡើងជាតិស្ករជ្រុល អាចបណ្ដាលឲ្យអ្នកជំងឺមានអាការៈនោមច្រើន ខ្សោះជាតិទឹកក្នុងខ្លួន សម្ពាធឈាមចុះទាបដល់ថ្នាក់វង្វេង និង បាត់បង់ស្មារតី។

៣.កើតមានអាស៊ីតសេតូនក្នុងឈាម

ការកើតមានអាស៊ីតសេតូន គឺជាផលវិបាកគ្រោះថ្នាក់ខ្លាំង ហើយច្រើនកើតមានអ្នកជំងឺទឹកនោមផ្អែមប្រភេទ១ ដែលការឡើងអាស៊ីតនេះ គឺមានការបម្រែបម្រួល pH ក្នុងឈាម អ្នកជំងឺមានអាការៈអស់កម្លាំង ចុកពោះ ក្អួត ឬបាត់ស្មារតី។ បញ្ហានេះប៉ះ​ពាល់ខ្លាំងទៅ​ដល់​សរីរាង្គ​​ខួរ​ក្បាល ហើយបណ្តាល​ឲ្យ​អ្នកជំងឺ​ស្លាប់​បាត់បង់​ជីវិត​តែ​ម្តង។

ផលវិបាកទាំង៣ខាងលើទាមទារឲ្យអ្នកជំងឺត្រូវសម្រាកនៅមន្ទីរពេទ្យដែលមានលទ្ធភាពសង្រ្គោះ និង តាមដានគ្រប់គ្រាន់ភ្លាមៗ ព្រោះអាចគំរាមដល់អាយុជីវិតបាន។

អត្ថទ​ពាក់ព័ន្ធ​៖

បដិសេធ

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ត្រួតពិនិត្យដោយ

វេជ្ជ. ចាន់ ស៊ីណេត

ឯកទេសសម្ភព និងរោគស្ត្រី · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


អត្ថបទ​ដោយ អឿ អ៊ុយ · កែ Oct 24, 2023

ad iconផ្សព្វផ្សាយពាណិជ្ជកម្ម

តើអត្ថបទនេះមានប្រយោជន៍ដែរទេ?

ad iconផ្សព្វផ្សាយពាណិជ្ជកម្ម
ad iconផ្សព្វផ្សាយពាណិជ្ជកម្ម