តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

លទ្ធផលពិសោធ៖ អាមេរិករកឃើញថ្នាំព្យាលបាលជំងឺមហារីកឲ្យជាសះស្បើយ

លទ្ធផលពិសោធ៖ អាមេរិករកឃើញថ្នាំព្យាលបាលជំងឺមហារីកឲ្យជាសះស្បើយ

ការពិសោធន៍ផ្នែកវេជ្ជសាស្ដ្រទ្រង់ទ្រាយតូចមួយរបស់អាមេរិកលើវិធីព្យាបាលជំងឺមហារីក បានបង្ហាញលទ្ធផលថា​អាច​ព្យាបាល​ជំងឺនេះ​បានជា​សះស្បើយ លើអ្នកជំងឺមហារីកពោះវៀនចំនួន១៨នាក់ ដោយប្រើរយៈពេល៦ខែ។ ការពិសោធន៍នេះធ្វើឡើងនៅមជ្ឈមណ្ឌលមហារីក Memorial Sloan Kettering ក្នុងតំបន់ Manhattan ទីក្រុងញូវយ៉ក បានសម្រេចលទ្ធផលត្រួតពិនិត្យចុងក្រោយកាលពីថ្ងៃទី ៥ ខែមិថុនា ឆ្នាំ២០២២។ ថ្វីដ្បិតតែនេះជាលទ្ធផលនៃការពិសោធន៍ទ្រង់ទ្រាយតូច​មែន ប៉ុន្ដែគឺជាក្ដីសង្ឃឹមយ៉ាងធំសម្រាប់មនុស្សទូទាំងពិភពលោកដែលរស់នៅជាមួយនឹងជំងឺមហារីក។

មានករណីស្លាប់ដោយសារជំងឺមហារីកទូទាំងពិភពលោក ជិត​១០​លាននាក់ក្នុងឆ្នាំ២០២០ ក្នុងនោះមានអ្នកស្លាប់​ដោយជំងឺមហារីកសុដន់ មហារីកព្រោះវៀន មហារីកសួត និង ក្រពេញប្រូស្ដាតជាដើម នេះបើយោងតាមរបាយ​ការណ៍របស់អង្គការសុខភាពពិភពលោក។

គួរអាន៖

យោងតាមការចុះផ្សាយរបស់ភ្នាក់ងាព័ត៌មាន New York Times បានបង្ហាញថា ថ្នាំចាក់ Dostarlimab ស្ថិតក្នុងការពិសោធន៍ពិតជាអាចព្យាបាល អ្នកជំងឺទាំង១៨នាក់បានជាសះស្បើយពិតមែន។ ក្រុមគ្រូពេទ្យបានប្រើថ្នាំចាក់ Dostarlimab រាល់៣សប្ដាហ៍ម្ដងសម្រាប់​រយៈពេល៦ខែ និងក្រោយ ៦ខែបន្ទាប់ វេជ្ជបណ្ឌិតក៏បានរកឃើញថា ដុំសាច់​មហា​​រីកក្នុងខ្លួន​អ្នកជំងឺក៏បានរលាយបាត់អស់រលីង។ ក្នុងរយៈពេលតាមដាន ៦ខែចុងក្រោយ អាការៈពួកគេ មិនបង្ហាញ​រោគសញ្ញា​វិវត្ដដំណាក់កាលធ្ងន់ធ្ងរនោះទេ ហើយក៏មិនបង្កឆ្លងទៅកាន់សរីរាង្គផ្សេងទៀតដែរ។

អ្នកជំនាញក្នុងមន្ទីរពិសោធន៍បានអះអាងថា ថ្នាំចាក់ Dostarlimab ត្រូវបានប្រើប្រាស់ជាមួយនឹងអង្គម៉ូលេគុលជាច្រើនប្រភេទរួមបញ្ចូលគ្នាបង្កើតឡើងដោយមន្ទីរពិសោធន៍ ដើរតួយ៉ាងសំខាន់​ជាអង់ទីគ័រការពាររាងកាយជំនួស។ តាមការសម្រេចដោយផ្អែកលើការត្រួតពិនិត្យមិនឃើញមានបង្ហាញសញ្ញាមហារីកនោះទេ។ គូសបញ្ជាក់ថា ថ្នាំចាក់ Dostarlimab ពិត​ជាមានសក្ដានុពលព្យាបាលមហារីកនេះបានជាសះស្បើយ ពិតប្រាកដមែន។ វេជ្ជបណ្ឌិត Luis A. Diaz Jr អ្នកនិពន្ធអត្ថបទបោះពុម្ពផ្សាយលលើគេហទំព័រសុខភាព New England Journal of Medicine បានមានប្រសាសន៍​ថា នេះជាលើកទីមួយហើយដែលរឿងនេះបានកើតឡើងនៅក្នុងប្រវត្តិសាស្រ្តនៃជំងឺមហារីក។

ចង់ពិនិត្យជំងឺមហារីកសុដន់ ចុចទីនេះ!

ចង់ពិនិត្យជំងឺមហារីកមាត់ស្បូន ចុចទីនេះ!

ចង់ពិនិត្យជំងឺមហារីកក្រពេញអូវែ ចុចទីនេះ!

ចង់ពិនិត្យជំងឺមហារីកសួត ចុចទីនេះ!

បន្ទាប់ពីលទ្ធផលបង្ហាញដោយការត្រួតពិនិត្យ ដោយម៉ាស៊ីនស្កេន MRI ពុំឃើញមានរោគសញ្ញាជំងឺ និងដុំសាច់​មហា​រីកធ្លាប់កើតមានកន្លងមក ក្រុមគ្រូពេទ្យក៏បានបញ្ជាក់ដែរថា ខណៈមកទល់ពេលនេះមិនមាន អ្នកជំងឺណា​មួយ ទទួលការព្យាបាលជំងឺមហារីកផ្សេងៗដូចជាការចាក់សារធាតុគីមី ការបាញ់កាំរស្មី និង ការវះកាត់ ហើយក៏មិនមានការកើតឡើងវិញនោះដែរក្នុងកំលុងពេលតាមដាន៦ខែចុងក្រោយនេះ។ សម្រាប់​ថ្លៃ​ព្យាបាល​ក្នុង​ដំណាក់កាលពិសោធន៍​នេះចំណាយ​អស់​ប្រហែលជា​មួយ​ម៉ឺន​ដុល្លារ​អាមេរិក​។​

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

PD-1 Blockade in Mismatch Repair–Deficient, Locally Advanced Rectal Cancer https://www.nejm.org/doi/full/10.1056/NEJMoa2201445

Has cancer cure been finally found? What is Dostarlimab? All you need to know , https://www.hindustantimes.com/world-news/has-cancer-cure-been-finally-found-what-is-dostarlimab-all-you-need-to-know-101654659946586.html

Cancer in all patients vanishes for the first time during US drug trial , https://www.indiatoday.in/science/story/us-cancer-drug-cure-dostarlimab-trial-successful-treatment-1959687-2022-06-08

រូបថត​របស់​អ្នក​និពន្ធbadge
ដោយ អឿ អ៊ុយ កែសម្រួល​ចុងក្រោយ 3 សប្ដាហ៍​កន្លងទៅ
ត្រួតពិនិត្យដោយ វេជ្ជ. ចាន់ ស៊ីណេត