ការចាក់វ៉ាក់សាំងអាចការពារខ្លួនយើង និងសមាជិកក្នុងគ្រួសារពីជំងឺផ្សេងៗ។ អ្នកគ្រូពេទ្យ ពុំ ចន្ទ័ អនុប្រធានមណ្ឌលសុខភាពទទួលបន្ទុកចាក់វ៉ាក់សាំង នៅមន្ទីរពេទ្យបង្អែកស្រុកខ្សាច់កណ្ដាល បានលើកឡើងពាក្យស្លោក «ការពារប្រសើរជាងព្យាបាល» ដូចនេះគួរតែជ្រើសចាក់វ៉ាក់សាំង ៣ ប្រភេទ ដើម្បីការពារពីជំងឺធំៗទាំងនោះ៖
វ៉ាក់សាំងសំខាន់ ៣ ប្រភេទ សមាជិកគ្រួសារគួរតែចាក់ឲ្យបានគ្រប់គ្នា
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១- វ៉ាក់សាំងការពារជំងឺផ្ដាសាយ
វ៉ាក់សាំងប្រភេទនេះមិនថាក្មេងចាស់ ប្រុសស្រី ពិសេសស្ត្រីពពោះគួរតែចាក់ ព្រោះអាចការពារខ្លួនពីជំងឺផ្ដាសាយធំបាន ហើយអ្នកពពោះអាចការពារទាំងកូនក្នុងផ្ទៃថែមទៀតផង។
២- វ៉ាក់សាំងការពារជំងឺថ្លើមប្រភេទB
ទារកទើបកើតនឹងទទួលបានវ៉ាក់សាំងប្រភេទនេះ។ សម្រាប់មនុស្សធំ ត្រូវជ្រើសរើសយកការចាក់ថ្នាំបង្ការ ដើម្បីបញ្ឈប់ការចម្លងជំងឺរលាកថ្លើមប្រភេទ B វាមានសុវត្ថិភាព និងការពារយើងបានជាង ៩៥ ភាគរយដោយសារពេលចាក់វានិងបង្កើតអង់ទីក័រ។ យើងអាចចាក់ ២ ឬ ៣ ដងក្នុងរយៈពេល ៦ ខែ អាស្រ័យទៅលើអាយុរបស់យើង។
៣- វ៉ាក់សាំងការពារជំងឺមហារីកមាត់ស្បូន
សម្រាប់ក្មេងស្រីដែលមានអាយុចាប់ពី ៩ ឆ្នាំ ឡើងទៅគឺអាចនាំទៅចាក់វ៉ាក់សាំងប្រភេទនេះបាន ដើម្បីការពារមិនឲ្យកើតជំងឺមហារីកមាត់ស្បូន។ ក្មេងស្រីដែលមិនទាន់ឆ្លងកាត់ការរួមភេទប្រសិទ្ធិភាពថ្នាំសឹងតែ ១០០ ភាគរយ ហើយវ៉ាក់សាំងការពារជំងឺមហារីកមាត់ស្បូន និងជំងឺសិរមាន់អាចចាក់បានទាំងក្មេងប្រុស ព្រោះដើម្បីការពារការចម្លងពីបុរសទៅស្រ្តី។
អត្ថបទពាក់ព័ន្ធ៖ ចង់ចាក់វ៉ាក់សាំងផ្ដាសាយ ទាំងមនុស្សទូទៅ ក្មេង ស្ត្រីមានផ្ទៃពោះ ត្រូវដឹងរឿងទាំងនេះសិន
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម