​Ascites (ជំងឺទាចទឹក)

ត្រួតពិនិត្យដោយ | ដោយ

កែសម្រួលចុងក្រោយនៅថ្ងៃទី 12/03/2020 . អាន 4 នាទី
Share now

និយមន័យ

១- ជំងឺ​ទាច​ទឹក​ជា​អ្វី?

ជំងឺ​ទាច​ទឹក សំដៅ​លើ​បញ្ហា​​កើន​ឡើង​ជាតិ​ទឹកក្នុង​ពោះ (ទឹកទាំងនោះមានពណ៌ ដូចជា លឿងខ្ចី និង​ថ្លា) ​ស្ថិត​នៅ​ក្រោម​ប្រអប់​ទ្រូង​ដែល​ខណ្ឌ​ចែក​ដោយ​សាច់​ដុំ​សន្ទះ​ទ្រូង។​ វា​អាច​មាន​មូល​ហេតុ​ជា​ច្រើន ​ដូចជា​ បញ្ហា​ថ្លើម មហារីក ខ្សោយបេះដូង​ និងខ្សោយ​តម្រង​នោម​ ជាដើម។

រោគសញ្ញា

២- រោគ​សញ្ញា​ជំងឺ​ទាច​ទឹក​មាន​អ្វី​ខ្លះ?

រោគសញ្ញា​​អាច​លេច​ឡើង​លឿន​ ឬ​ឆាប់​ អាស្រ័យ​លើ​មូលហេតុ​​បង្ក​ឲ្យ​មាន​ទាច​ទឹក​​។​ យើង​​គួរ​​ជួប​គ្រូពេទ្យ​ ពេល​មានសញ្ញា​ទាំង​នេះ៖

– ឡើង​ទម្ងន់​ខ្លាំង​
– ហើម​ពោះ​ឡើង​តឹង
– ពិបាក​ដក​ដង្ហើម​ពេល​តម្រេក​ខ្លួន
– មិន​ឃ្លាន​បាយ
– ឈឺ​ពោះ
– ហើម​ពោះ
– ក្អួត ឬ​ចង្អោរ
– ក្រហាយ​ដើម​ទ្រូង។

ត្រូវ​ចាំ​ថា មាន​រោគ​សញ្ញា​ផ្សេង​ទៀត​មិន​បាន​រៀប​រាប់​ខាង​លើ ហើយ​បើ​ប្រទះ​រោគ​សញ្ញា​គួរ​ឲ្យ​សង្ស័យ​ណា​មួយ ត្រូវ​ទៅ​ពិភាក្សា​ជាមួយ​គ្រូពេទ្យ។

៣- ពេល​ណា​គួរ​ជួប​​ពេទ្យ?

បើ​សិន​ប្រទះ​ឃើញ​រោគសញ្ញា​មួយ​ចំនួន​ដូច​រៀប​រាប់​ខាង​លើ គួរ​ប្រញាប់​ទៅ​ជួប​គ្រូពេទ្យ។ រាងកាយ​មនុស្ស​ម្នាក់ៗ​មាន​លក្ខណៈ​ខុសៗ​គ្នា អ្វី​ល្អ​បំផុត​ត្រូវ​ជួបគ្រូ​ពេទ្យ​ ដើម្បី​ប្រឹក្សា និង​ពិនិត្យ​ឲ្យ​បាន​ទាន់​ពេល។

មូលហេតុបង្ក

៤- មូល​ហេតុ​បង្ក​ឲ្យ​កើត​ជំងឺ​ទាច​ទឹក​មាន​អ្វី​ខ្លះ?

មូលហេតុ​ចម្បង ​គឺ​មក​ពីជំងឺ​ក្រិន​ថ្លើម ​ដែល​បង្ក​ទៅ​ជា​ការ​កើន​សម្ពាធ​ក្នុង​ថ្លើម ​ឈាម​ចាល់​ក្នុង​ថ្លើម ​មិន​អាច​រត់​ឆ្លង​កាត់​បាន បន្ទាប់​មក​​ក៏​ជ្រាប​បន្តិច​ម្ដងៗ​រហូត​ពេញ​ពោះ​ កើត​ជា​ទាច​ទឹក​តែ​ម្ដង។

ខូចថ្លើម គឺជាកត្តាប្រឈមធំជាងគេនាំឲ្យមានទាចទឹក ខណៈ​មូលហេតុមួយចំនួនធ្វើឲ្យខូចថ្លើមមាន​ដូច​ជា៖

– រលាក​ថ្លើម​ប្រភេទ​ B និង C
– ផឹក​ស្រា​ច្រើន
– ក្រិនថ្លើម។

អត្ថបទពាក់ព័ន្ធ៖

កត្តា​ប្រឈម

៥- កត្តា​ប្រឈម​នាំ​ឲ្យ​កើត​ជំងឺទាច​ទឹក

មាន​កត្តា​ប្រឈមជាច្រើន ធ្វើ​ឲ្យ​យើង​កើតជំងឺ​​ទាច​ទឹក ​ដោយ​ក្នុង​នោះកត្តា​ប្រឈម​ចម្បង​មានបញ្ហា​ជំងឺ​មួយ​ចំនួន ​ដូច​ជា៖

– មហារីក​ក្រពេញ​អូវែ លំពែង ថ្លើម ​និង​ភ្នាស​ស្បូន​
– ខ្សោយ​បេះដូង​ និង​ខ្សោយ​តម្រង​នោម
– រលាក​លំពែង
– របេង
– វិបត្តិ​ក្នុង​ការ​បញ្ចេញ​អ័រម៉ូន​ទីរ៉ូអ៊ីត។

រោគវិនិច្ឆ័យ ​និង​ការ​ព្យាបាល

ព័ត៌មាន​នេះ មិន​អាច​យក​ទៅ​ប្រើប្រាស់​គ្រប់​ប្រភេទ​ជំងឺ​ទេ។ គួរ​ពិភាក្សា​ជាមួយ​គ្រូពេទ្យ​ជំនាញ​សម្រាប់​ព័ត៌​មាន​បន្ថែម។

៦- គួរ​ធ្វើ​រោគវិនិច្ឆ័យ​ដោយ​វិធី​ណា?

គ្រូពេទ្យ​អាច​ប្រើ​វិធី​ជា​ច្រើន ដូចជា​ការ​ពិនិត្យ​កាយ​សម្បទា​ និង​ធ្វើ​តេស្ត ដើម្បី​កំណត់​រោគវិនិច្ឆ័យ និងថត​រូប​វេជ្ជសាស្ត្រ ដើម្បី​មើល​ពី​បរិមាណ​ទឹក​ក្នុង​ពោះ​ដូចជា៖

– អេកូសាស្ត្រ
– ស៊ីធី​ស្កេន (CT Scan)
– ថត​អឹមរ៉ាយ (MRI)
– តេស្ត​ឈាម
– ចោះ​ពោះ
– ថត​សរសៃឈាម។

៧- ព្យាបាល​ដោយ​វិធី​ណា?

អាច​មាន​វិធី​ ៣ សម្រាប់​ព្យាបាល​ជំងឺ​ទាច​ទឹក ដោយ​វិធី​នីមួយៗ គឺ​អាស្រ័យ​លើ​ស្ថាន​ភាព​ជំងឺ​ដូច​ជា៖

– ថ្នាំ​បញ្ចុះ​ទឹកនោម៖ ថ្នាំ​នេះសម្រាប់​បន្ថយ​ជាតិ​អំបិល និង​ជាតិ​ទឹក​ចាល់​ក្នុង​ពោះ ដើម្បី​កាត់​បន្ថយ​សម្ពាធ​នៅ​ក្នុង​សរសៃ​ឈាម​ជុំវិញ​ថ្លើម។ ពេល​ប្រើ​ថ្នាំ​នេះ គ្រូពេទ្យ​ត្រូវ​តាម​ដាន​សារធាតុ​គីមី​ក្នុង​ឈាម ជា​ពិសេស​ត្រូវ​តម​ស្រា និង​កុំ​ញ៉ាំ​ប្រៃ។

– បូម​ទឹក​ចេញ៖ នៅ​ពេល​​ថ្នាំ​ប្រើ​មិន​មាន​ប្រសិទ្ធភាព ហើយ​ពោះ​ឡើង​តឹង​ធំ​ពិបាក​ទ្រាំ​នោះ ​ដើម្បី​សម្រួល​ដល់​អាការៈ​នេះ គឺ​មាន​តែ​ចោះ​ដោយ​ប្រើ​ម្ជុល​វេជ្ជសាស្ត្រ ចាក់​ចូល​តាម​ស្បែក​ពោះ និង​បូម​ទឹក​ចេញ​ប៉ុណ្ណោះ ទើប​អាច​ជួយ​បន្ធូរ​ផល​វិបាក​បាន។

– វះកាត់​ដាក់​បំពង់​បន្ថយ​បរិមាណ​ជាតិ​ទឹក៖ នៅ​ពេល​ឈាន​ចូល​ដល់​ដំណាក់​កាល​ធ្ងន់ធ្ងរ ការ​ដាក់​បំពង់​ចូល​ដើម្បី​បន្ធូរ​លំនឹង​ជាតិ​ទឹក តាមរយៈ​វះកាត់ នឹង​ត្រូវ​ធ្វើ​ឡើង​ដើម្បី​សម្រួល​ការ​ចាល់​ជាតិ​ទឹក​ខ្លាំង​នៅ​ក្នុង​ថ្លើម។ គ្រូពេទ្យ​អាច​នឹង​ស្នើ​ឲ្យ​វះកាត់​ប្ដូរ​ថ្លើម​ទៀត បើ​ជា​អាច​ទៅ​រួច។

ផ្លាស់​ប្តូរទម្លាប់រស់នៅ

៨- ទម្លាប់​រស់​នៅ

ផ្លាស់​ប្តូរ​ទម្លាប់​រស់​នៅ និង​វិធី​ព្យាបាល​តាម​ផ្ទះ អាច​ជួយ​បង្ការ និង​គ្រប់គ្រង​ស្ថានភាព​ជំងឺ​បាន ដូច​ជា៖

– មិន​ត្រូវ​ផឹក​ស្រា​ច្រើន​ពេក
– ចាក់​វ៉ាក់សាំង​ការពារ​រលាក​ថ្លើម​ប្រភេទ B
– រួម​ភេទ​ដោយ​ប្រើ​ស្រោម​អនាម័យ​ ព្រោះ​មេរោគ​ថ្លើមអាច​ឆ្លង​តាម​ការ​រួម​ភេទ
– កុំ​ប្រើ​ម្ជុល​ ឬ​វត្ថុ​មុត​ស្រួច​រួម​គ្នា​ជាមួយ​អ្នក​ជំងឺ​ថ្លើម
– ត្រូវ​ដឹង​ពី​ផល​វិបាក​របស់​ថ្នាំ​មុន​នឹង​ប្រើ ព្រោះ​ថ្នាំ​ខ្លះ​អាច​ប៉ះពាល់​ដល់​មុខងារ​របស់​ថ្លើម។

ក្នុង​ករណី​មាន​សំណួរ​ ឬ​មន្ទិល​សង្ស័យ​ជុំវិញ​បញ្ហា​សុខភាព​អ្នក​ ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Groupមិន​ចេញ​វេជ្ជបញ្ជា​ មិន​ធ្វើ​រោគ​វិនិច្ឆ័យ​ ឬ​ព្យាបាល​ជូន​ទេ៕

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

អត្ថបទនេះមានប្រយោជន៍ចំពោះអ្នកដែរទេ?
happy unhappy
ប្រភព

អត្ថបទពាក់ព័ន្ធ:

    អ្នកអាចចូលចិត្ត

    ចំណេះដឹងសំខាន់ៗ ទាក់ទងនឹងជំងឺរលាកថ្លើមប្រភេទ B គ្រប់គ្នាគួរដឹង

    រលាកថ្លើ​ម B - ជំងឺ​រលាក​ថ្លើម​ប្រភេទB គឺ​ការ​ឆ្លង​មេរោគ​ថ្លើម​ដែល​អាច​គំរាម​កំហែង​ទៅ​ដល់​អាយុ​ជីវិត​របស់​អ្នក​ជំងឺ ហើយ​វា​បង្ក​ដោយ​វីរុស​...

    ត្រួតពិនិត្យដោយ ចាន់ ស៊ីណេត
    ដោយ នាង សុខុមដាលីញ៉ា

    ម្តាយមានជំងឺរលាកថ្លើមប្រភេទ B ធ្វើម៉េច ការពារមិនឲ្យឆ្លងទៅកូន ពេលពពោះ សម្រាល និងបំបៅ?

    រលាកថ្លើម B - ការ​ចំលង​ពី​ម្តាយ​ដែល​មាន​ផ្ទុក​មេរោគ​ថ្លើម​ប្រភេទ B ទៅ​ទារក គឺ​ក្នុង​អំឡុង​ពេល​សំខាន់៣ ទី១ ពេល​ពពោះក្នុង​ត្រីមាស​ទី៣ ទី២ ក្នុង​ពេល​...

    ត្រួតពិនិត្យដោយ ចាន់ ស៊ីណេត
    ដោយ ដេត ធន្នី
    សុខភាពម្ដាយ, ពពោះ 24/07/2020 . អាន 2 នាទី

    ជំងឺរលាកថ្លើម បើចាំដល់ពេលចេញរោគសញ្ញា ទើបទៅពេទ្យ ជាការខុសធ្ងន់

    រលាកថ្លើម - ជំងឺ​រលាក​ថ្លើម​ប្រភេទ A, B,C សុទ្ធ​សឹង​តែ​ជំងឺ​ដែល​បង្ក​ឡើង​ដោយ​វីរុស ហើយ​ជា​ជំងឺ​រ៉ាំរ៉ៃ មាន​ផល​វិបាក​ធ្ងន់ធ្ងរ​ទៅ​ថ្ងៃ​ក្រោយ ឲ្យ​ក្រិន...

    ត្រួតពិនិត្យដោយ ចាន់ ស៊ីណេត
    ដោយ ដេត ធន្នី

    កត្តាចម្បងៗជំរុញឲ្យកើតមហារីក និងវិធីការពារ (វីដេអូ)

    លោក​វេជជ្ជ​បណ្ឌិត អ៊ាវ សុខា ប្រធាន​ផ្នែក​ជំងឺ​មហារីក និង​ជំងឺ​ឈាម នៃ​មន្ទីរពេទ្យ​កាល់ម៉ែត ...

    ត្រួតពិនិត្យដោយ Chan Vutha
    ដោយ Thearith Kuy

    អត្ថបទគួរអាន

    ក្អួត

    ឃើញកូនក្ដៅខ្លួន ក្អួត កុំប្រហែស អាអូនអាចកើតរលាកថ្លើមប្រភេទ A

    ត្រួតពិនិត្យដោយ ចាន់ ស៊ីណេត
    ដោយ នាង សុខុមដាលីញ៉ា
    ចេញផ្សាយថ្ងៃទី 04/09/2020 . អាន 2 នាទី
    ទាចទឹក

    កើត​ទាច​ទឹក បើ​ប៉ូម​ទឹក​ចេញ​ពី​ពោះ អាច​ឲ្យអ្នកជំងឺស្លាប់ទេ?

    ត្រួតពិនិត្យដោយ ចាន់ ស៊ីណេត
    ដោយ នាង សុខុមដាលីញ៉ា
    ចេញផ្សាយថ្ងៃទី 24/08/2020 . អាន 2 នាទី
    រលាកថ្លើម១

    មក​ដឹង​ពី​ដំណាក់កាលព្យាបាលជំងឺរលាកថ្លើមប្រភេទ B មិនឲ្យមេរោគរាលដាលខ្លាំង

    ត្រួតពិនិត្យដោយ ចាន់ ស៊ីណេត
    ដោយ នាង សុខុមដាលីញ៉ា
    ចេញផ្សាយថ្ងៃទី 31/07/2020 . អាន 2 នាទី
    រលាកថ្លើម

    ចម្ងល់នានាជុំវិញជំងឺរលាកថ្លើម យើងគួរតែដឹងទាំងអស់គ្នា

    ត្រួតពិនិត្យដោយ ចាន់ ស៊ីណេត
    ដោយ ដេត ធន្នី
    ចេញផ្សាយថ្ងៃទី 28/07/2020 . អាន 3 នាទី