Understanding What Are Phobias (ជំងឺ​ខ្លាច​គឺ​ជា​អ្វី? )

ត្រួតពិនិត្យដោយ | ដោយ

កែសម្រួលចុងក្រោយនៅថ្ងៃទី 23/04/2020 . អាន 6 នាទី
Share now

ចំណេះដឹងទូទៅ

អ្វី​ទៅ​ជា​ជំងឺ​ខ្លាច?

ជំងឺ​ខ្លាច​គឺ​ជា​អារម្មណ៍នៅ​មិន​សុខ​ចេះ​តែ​រក​កល់​ភិតភ័យ​មិន​ទំនង​ទៅ​នឹង​វត្ថុ​អ្វី​មួយ​ដែល​មិន​មាន​អ្វី​គ្រោះ​ថ្នាក់​ទាល់​តែ​សោះ។ ជំងឺនេះ​​មិន​ដូច​ទៅ​នឹង​ជំងឺ​ថប់​បារម្ភ​​ដែល​អាចកើត​មាន​នៅ​ពេល​យើង​និយាយ​ក្នុង​ទី​សាធារណៈ ឬ​ពេល​ប្រឡងនោះទេ ​ប៉ុន្តែ​ផ្ទុយ​ទៅ​វិញ​ចំពោះ​អ្នក​ដែល​មាន​​ជំងឺ​ខ្លាច​នេះ​វិញ​គឺ​មាន​រយៈពេល​យូរ​ហើយ​អាច​បង្ក​សញ្ញា​លើ​រូប​រាង​កាយ​និង​ផ្លូវ​អារម្មណ៍​ផង​ដែរ។

ពេល​ជួប​បញ្ហា​នេះ​ហើយយើង​មិន​អាច​ទៅ​ធ្វើ​ការ ​និង​ចុះ​សម្រុង​ក្នុង​មជ្ឈដ្ឋាន​សង្គម​មួយ​ចំនួន។ ​ជំងឺ​ខ្លាច​ដែល​ឧស្សាហ៍​ជួប​ជាង​គេ​គឺ​ខ្លាច​ពេល​ជិះ​យន្តហោះ ខ្លាច​ខ្ពស់ ជិះ​ជណ្ដើរ​យោង​ ខ្លាច​ពីង​ពាង ខ្លាច​ជន​មិន​ស្គាល់​មុខ ខ្លាច​ការ​ចាក់​ថ្នាំ​ ខ្លាច​ឈាម​ និង​ទីកន្លែង​ដែល​បិទ​ជិត​ជាដើម​។

អត្ថបទ​ពាក់​ព័ន្ធ៖

រោគ​សញ្ញា

តើ​​ជំងឺ​ខ្លាច​មាន​សញ្ញា​អ្វី​ខ្លះ?

ជំងឺ​ខ្លាច​ជា​ទូទៅ​មាន​សញ្ញា​ដូច​ជា​ ដង្ហើម​និង​ចង្វាក់​បេះដូង​ញាប់ មាន​អារម្មណ៍​ស្ទះ ណែន​ទ្រូង បែក​ញើស​និង​រាក​ជាដើម។ បញ្ហា​ទាំង​នេះ​អាច​ឈាន​ទៅ​ដល់​ការ​ថប់​បារម្ភ​ធ្ងន់ធ្ងរ​ និង​ស្លន់​ទៀត​ផង។ ជាទូទៅ​បញ្ហា​នេះ​​ច្រើន​ជួប​លើ​មនុស្ស​ដែល​មិន​អាច​ទប់​អារម្មណ៍​ខ្លួន​ឯង​បាន​។ ការណ៍​នេះ​​អាច​ចោទ​ជា​បញ្ហា​ពេល​ដែល​យើង​មាន​អាការៈ​ចេះតែខ្លាច​​បែប​នេះ​នៅ​កន្លែង​ធ្វើ​ការ។

ក្រៅពីរោគសញ្ញា​ខាងលើ នៅ​អាច​មាន​សញ្ញា​ផ្សេង​ទៀត​ដែល​អ្នក​ជំងឺ​អាច​ជួបប្រទះ​។ បើ​ចង់​ដឹង​ច្បាស់​ និង​លម្អិត​ថែមទៀត​​សូម​ពិគ្រោះជាមួយ​គ្រូពេទ្យ​ជំនាញ។

តើ​ត្រូវ​ទៅ​ជួប​គ្រូពេទ្យ​នៅ​ពេល​ណា?

ការ​ភ័យ​ខ្លាច​បែប​នេះ​គឺ​អាច​ផ្ដល់​ការ​រំខាន​ដូច​ជា​ត្រូវ​ឡើង​ជណ្ដើរ​ជើង​ច្រើន​ជាន់​ជំនួស​ការ​ជិះ​ជណ្ដើរ​យោង។ប៉ុន្តែ​នេះ​មិន​មែន​បាន​ន័យ​ថា​​ជា​ការ​បារម្ភ​ខ្លាំង​​ពេក​នោះ​ទេ​។ ប្រសិន​បើ​ការ​ថប់​បារម្ភ​បែប​នេះ​​បង្ក​បញ្ហា​ទៅ​លើ​ការងារ​​ប្រចាំ​ថ្ងៃ​ទាំង​​នៅ​សាលា​ និង​តាម​មជ្ឈដ្ឋាន​ទូទៅ​ នោះ​គួរ​តែ​ទៅ​រក​គ្រូពេទ្យ​ផ្នែក​ចិត្តសាស្ត្រ​ដើម្បី​ពិគ្រោះ​​យោបល់ ព្រោះ​ថា​បញ្ហា​ទាំង​នេះ​អាច​នឹង​ជៀសវាង​បាន​បើ​ប្រើ​ថ្នាំបាន​​ត្រឹមត្រូវ។

អត្ថបទ​ពាក់​ព័ន្ធ៖

មូលហេតុ

តើ​ជំងឺនេះ​​បណ្ដាល​មក​ពី​មូលហេតុ​អ្វី?

ក្នុង​ពេល​ឥលូវ​នេះ​មិន​ទាន់​មាន​ការ​សិក្សា​ណា​បង្ហាញ​ពី​មូលហេតុ​ច្បាស់​នៅ​ឡើយ។ ប៉ុន្តែ​អ្នក​វិទ្យាសាស្ត្រ​គិត​ថា​ជំងឺ​ខ្លាចអាច​បណ្ដាល​មក​ពី​តំណ​ពូជ ​ឬ​ធ្លាប់​មាន​ការ​បំពាន​ណា​មួយ​ពី​មុនមក​​។

កត្តា​ប្រឈម

តើ​​ជំងឺ​ខ្លាច​​ច្រើន​ជួប​លើ​មនុស្ស​​ប្រភេទ​ណា​?

ភាគ​ច្រើន​ជួប​ប្រទះ​លើ​មនុស្ស​ទើប​ឈាន​ដល់​វ័យ​ជំទង់​ហើយ​ទម្រង់​នៃ​ការ​ខ្លាច​មាន​ដូចជា​ ខ្លាច​សត្វ​មួយ​ចំនួន ខ្លាចឈាម ​ខ្យល់ ​រន្ទះ ​និងអ្នក​​ខ្លះ​ទៀត​ខ្លាច​ទឹក​ក៏​មាន​។ ជំងឺនេះច្រើនកើតលើមនុស្ស​ស្រីជាងមនុស្ស​ប្រុស។

តើ​កត្តា​អ្វី​ខ្លះ​ដែល​អាច​បង្កើន​​ជំងឺ​ខ្លាច​នេះ?

អាច​មាន​កត្តា​ជា​ច្រើន​ចូល​រួម​ក្នុង​ការ​ធ្វើ​ឲ្យ​មាន​​ជំងឺ​ខ្លាច​នេះ​ដូចជា​៖

  • អាយុ៖ ខ្លាច​សង្គម (វិបត្តិ​ថប់​បារម្ភ​ចូល​សង្គម​គេ​មិន​ចុះ)អាច​កើត​ឡើង​លើ​កុមារ​និង​ក្មេង​ដែល​មាន​អាយុ​ជាទូទៅ​១៣​ឆ្នាំ​។ ការ​ខ្លាច​លើ​វត្ថុ​ច្បាស់​លាស់​គឺ​ចាប់​ផ្ដើម​ពេល​អាយុ​១០​ឆ្នាំ។​ ជំងឺ​ខ្លាច​ខ្ពស់​អាច​កើត​មាន​ក្រោយ​ពេល​ពេញ​វ័យ​ ឬ​មុន​ពេល​ឈាន​ចូល​មជ្ឈិមវ័យ។
  • បង​ប្អូន៖ ប្រសិន​បើ​សមាជិក​គ្រួសារ​មាន​ជំងឺ​នេះ​ហើយ​ យើង​ក៏អាច​នឹង​ប្រឈម​នឹង​ការ​កើត​ជំងឺ​នេះដែរ។ អាច​និយាយ​បានម្យ៉ាងទៀត​ថានេះ​​ជា​ទំនោរ​តំណ​ពូជ​ ឬ​ក៏​កុមារ​​អាច​ឆ្លង​​ការ​ខ្លាច​របស់​អ្វី​មួយ​ជាក់​លាក់​តាម​សមាជិក​ដែល​រស់​នៅ​ជុំវិញ​ខ្លួន​ដោយ​គ្រាន់​តែ​មើល​វត្ថុ​នោះ​ក្នុង​ស្ថាន​ភាព​ណាមួយ​ក៏​ថា​បាន។
  • ឆាប់​មួម៉ៅ៖​ ជំងឺ​ខ្លាច​អាច​នឹង​ងាយ​កើត​ចំពោះ​មនុស្ស​ដែល​ឆាប់​ខឹង​ ច្រើន​កើត​លើ​ទម្រង់​អវិជ្ជមាន​និង​តំណ​ពូជ​ច្រើន។
  • បទ​ពិសោធ​ភ័យ​ខ្លាច៖ នៅ​ពេល​យើង​ធ្លាប់​មាន​ការ​ប៉ះទង្គិច​ផ្លូវ​អារម្មណ៍​ណា​មួយ​ ជាប់​ឃុំ​ឃាំង​ ឬ​បំពាន​ដោយ​សត្វ​សាហាវ​ក៏​អាច​ធ្វើ​ឲ្យ​មាន​​ជំងឺ​ខ្លាច​នេះ​បាន​ដែរ។

រោគ​វិនិច្ឆ័យ​និង​ការ​ព្យាបាល

ព័ត៌មាន​ដែល​ផ្ដល់​ជូន​ខាង​ក្រោម​នេះ​មិន​មែន​ជា​ការ​ណែនាំ​បែប​វេជ្ជសាស្ត្រ​នោះ​ទេ។ គួរ​តែ​ទៅ​ពិគ្រោះ​ជា​មួយ​គ្រូពេទ្យ​ដើម្បី​ទទួល​បាន​ការ​ប្រឹក្សា​ត្រឹមត្រូវ។

រោគវិនិច្ឆ័យ

គ្មាន​តេស្ត​ពិសេស​សម្រាប់​ធ្វើ​ការ​កំណត់​ជំងឺ​នេះ​បាន​ទេ។ រោគ​វិនិច្ឆ័យ​គឺ​ធ្វើ​ឡើង​អាស្រ័យ​លើ​សញ្ញា​គ្លីនិក​ ការ​សម្ភាសន៍ ​និង​តាម​គោលការណ៍​កំណត់​ដែល​មាន​ស្រាប់។ អ្នក​ជំងឺ​អាច​នឹង​ត្រូវ​សួរ​សំនួរ​ជា​ច្រើន​ពី​អាការៈ​និង​ប្រវត្តិ​ជំងឺ​ដើម្បី​ឲ្យ​គ្រូពេទ្យ​សំយោគ​និង​ធ្វើ​ការ​កំណត់​ឲ្យ​បាន​ត្រឹម​ត្រូវ។

អត្ថបទពាក់ព័ន្ធ៖ 

ការ​ព្យាបាល

គោល​បំណង​ក្នុង​ការ​ព្យាបាល​គឺ​បង្កើន​សុខុមាលភាព​ជីវិត​ដើម្បី​កុំ​ឲ្យ​មាន​ការ​ភ័យ​ខ្លាច​កើត​ឡើង​។

ជា​ទូទៅ​គឺ​​ត្រូវ​ការ​ពេល​ច្រើន​ខែ​ដែរ​ដើម្បី​ព្យាបាល​​ជំងឺ​ខ្លាច​សង្គម​នេះ ​ហើយ​ការ​ព្យាបាល​ទៀត​សោត​គឺ​ត្រូវ​ការ​ភាព​ត្រឹម​ត្រូវ​និង​រយៈពេល​សមរម្យ។ ប្រសិន​បើ​ជំងឺ​ខ្លាច​​លើ​សត្វ ម្ជុល​ឬ​គ្រោះ​ថ្នាក់​វិញ ​អាច​ទទួល​បាន​ភាព​ប្រសើរ​ឡើង​នៃអាការៈ​ជំងឺ​នេះ​​ក្រោយ​ពេល​ទទួល​ការ​ព្យាបាល​ដោយ​ចិត្ត​សាស្ត្រ។

ទាំង​ការ​ព្យាបាល​ដោយ​ថ្នាំ​និង​ចិត្ត​សាស្ត្រ​គឺ​ត្រូវ​ប្រើ​រួម​គ្នា។ ចំពោះ​ថ្នាំ​គឺ​​អាច​ជួយ​បន្ថយ​អាការៈដូចជា​ថប់​បារម្ភ​ បេះដូង​ដើរ​ញាប់​និង​ញ័រ​ទ្រូង​ជា​ដើម។ ថ្នាំ​មួយ​ចំនួន​អាច​មាន​ប្រយោជន៍​ចំពោះ​ជំងឺ​ខ្លាច​​សង្គម​ច្រើន​ជាង​ជំងឺ​ខ្លាច​​ប្រភេទ​ផ្សេងៗ​ទៀត។

ការ​ព្យាបាល​លើ​រូបភាព​ស្រម៉ៃ ​ឬ​ការ​ប្រឈម​ទៅ​នឹង​ភាព​ភ័យ​ខ្លាច​គឺ​ជា​វិធី​ដែល​មាន​ប្រសិទ្ធភាព​ក្នុង​ការ​ព្យាបាល​ជំងឺ​ខ្លាច​។ ការ​ព្យាបាល​ដោយ​ឲ្យ​ប្រឈម​ទៅ​នឹង​អ្វី​ដែល​ខ្លាច​នេះ​ភាគ​ច្រើន​បាន​ផល​ល្អ​ប្រសិន​បើ​ការ​ប្រឈម​នោះ​ញឹក​ញាប់។ ចំណែក​ការ​ព្យាបាល​ផ្សេង​ទៀត​ដូច​ជា​សណ្ដំ ​និង​ការ​បក​ស្រាយ​គឺ​អាច​ជួយ​អ្នក​ជំងឺ​ឲ្យ​បន្ថយ​ការ​ថប់​បារម្ភ​ និង​គ្រប់​គ្រង​ចង្វាក់​បេះដូង​បាន។

ការ​ការពារ និង​ វិធី​ខ្លះ​ៗដែល​អាច​ជួយ​យើង​បាន

តើ​មាន​វិធី​អ្វី​ខ្លះ​ដែល​អាច​អនុវត្ត​បាន​ដើម្បី​ជួយ​ដោះ​ស្រាយ​​ជំងឺ​ភ័យ​ខ្លាច​នេះ?

ដើម្បី​គ្រប់​គ្រងជំងឺនេះ​​បាន​យើង​​គួរ៖

ក្នុង​ករណី​មាន​សំណួរ​​ ឬ​មន្ទិល​សង្ស័យ​ជុំវិញ​សុខភាព​អ្នក​ជម្រើស​ល្អ​បំផុត​ សូម​ពិគ្រោះ​និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។Hello Health Group មិន​ចេញ​វេជ្ជ​បញ្ជា​ មិន​ធ្វើ​រោគ​វិនិច្ឆ័យ​ ឬ​ ការ​ព្យាបាល​ជូន​ទេ៕

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

អត្ថបទនេះមានប្រយោជន៍ចំពោះអ្នកដែរទេ?
happy unhappy
ប្រភព

អត្ថបទពាក់ព័ន្ធ:

    អ្នកអាចចូលចិត្ត

    Adrenal cancer (ជំងឺមហារីកក្រពេញលើតម្រងនោម)

    មហារីក​​ក្រពេញ​លើ​តម្រង​នោម - ​គឺ​ជា​ជំងឺ​កាច​សាហាវ​តែ​បើ​ឆាប់​រក​ឃើញ​នោះ​ នៅ​អាច​មាន​ឱកាស​ព្យា​បាល​ជាបាន​។ ប៉ុន្ដែ​បើ​វា​រាល​ដាល​ទៅ​ដល់​កន្លែង​ផ្សេង​នោះ

    ត្រួតពិនិត្យដោយ ចាន់ ស៊ីណេត
    ដោយ Prem Satya
    ជំងឺ A-Z, ជំងឺ 10/09/2020 . អាន 5 នាទី

    Vulvar Cancer (ជំងឺមហារីកទ្វារមាស )

    ជំងឺមហារីក​ទ្វារ​មាស - គឺ​ជា​មហារីក​ដែល​ប៉ះ​ពាល់​ដល់​ផ្នែក​ខាង​ក្រៅ​នៃ​តំបន់​ប្រដាប់​ភេទ​របស់​ស្ត្រី។ តំបន់​ទាំង​នោះ​មាន​ រន្ធ​ទ្វារ​មាស

    ត្រួតពិនិត្យដោយ ចាន់ ស៊ីណេត
    ដោយ ចាន់ សុខឡាង
    ជំងឺ A-Z, ជំងឺ 08/09/2020 . អាន 4 នាទី

    Anal Cancer (ជំងឺមហារីករន្ធគូទ )

    រន្ធគូទ - ជំងឺ​មហារីក​រន្ធ​គូទ គឺ​ជា​ប្រភេទ​មហារីក​ដែល​កើត​មាន​ឡើង​នៅ​ក្នុង​រន្ធ​គូទ ហើយ​ប្រភេទ​នៃ​ជំងឺ​មហារីក​រន្ធ​គូទគឺ​អាស្រ័យ​លើ​លើ​កោសិកា​មហារីក​

    ត្រួតពិនិត្យដោយ ចាន់ ស៊ីណេត
    ដោយ ចាន់ សុខឡាង
    ជំងឺ A-Z, ជំងឺ 08/09/2020 . អាន 4 នាទី

    Bilateral Vasectomy (កាត់បំពង់មេជីវិតទាំងសងខាង)

    វះកាត់បំពង់មេជីវិត - គឺ​​ជា​វិធី​ពន្យារ​កំណើត​ជា​អចិន្រ្តៃយ៍​សម្រាប់​បុរស។ វិធី​នេះ​គឺ​គេ​កាត់​បំពង់​បង្ហូរ​ទឹក​កាម​ទាំង​​ពីរ​ដែល​​ជា​ផ្លូវ​

    ត្រួតពិនិត្យដោយ ចាន់ ស៊ីណេត
    ដោយ Chorn Sophearom
    វះកាត់ A-Z, ជំងឺ 04/09/2020 . អាន 3 នាទី

    អត្ថបទគួរអាន

    សុខភាពផ្លូវចិត្ត

    សម្ពាធពីការសិក្សា គ្រួសារ និងសង្គម យុវវ័យគួរចេះរកវិធីបន្ធូរភាពតានតឹងខ្លះ

    ត្រួតពិនិត្យដោយ ចាន់ ស៊ីណេត
    ដោយ នាង សុខុមដាលីញ៉ា
    ចេញផ្សាយថ្ងៃទី 26/10/2020 . អាន 2 នាទី
    បាក់ទឹកចិត្ត

    កើតជំងឺបាក់ទឹកចិត្ត អាចបណ្ដាលឲ្យមានបញ្ហារាងកាយទាំងប៉ុន្មាននេះ បើមិនបានព្យាបាល

    ត្រួតពិនិត្យដោយ ចាន់ ស៊ីណេត
    ដោយ នាង សុខុមដាលីញ៉ា
    ចេញផ្សាយថ្ងៃទី 09/10/2020 . អាន 2 នាទី
    សុខភាពផ្លូវចិត្ត

    បើឃើញមនុស្សក្បែរខ្លួនមានសញ្ញាអស់នេះ គួរណែនាំឲ្យទៅជួបពេទ្យចិត្តសាស្ត្រហើយ

    ត្រួតពិនិត្យដោយ ចាន់ ស៊ីណេត
    ដោយ នាង សុខុមដាលីញ៉ា
    ចេញផ្សាយថ្ងៃទី 09/10/2020 . អាន 3 នាទី
    ផ្លូវចិត្ត

    យុវវ័យឥឡូវ ងាយប្រឈមបញ្ហាផ្លូវចិត្តដោយសារកត្តាអីខ្លះ? អាចដឹងដោយរបៀបណា?

    ត្រួតពិនិត្យដោយ ចាន់ ស៊ីណេត
    ដោយ នាង សុខុមដាលីញ៉ា
    ចេញផ្សាយថ្ងៃទី 05/10/2020 . អាន 3 នាទី