home

តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

ប៉ូវអាហារប៉ុន្មានមុខនេះអំឡុងពពោះ មិនភ័យកូនកើតមកខ្សោយបញ្ញា

ប៉ូវអាហារប៉ុន្មានមុខនេះអំឡុងពពោះ មិនភ័យកូនកើតមកខ្សោយបញ្ញា

ពេល​ដឹង​ថា​មាន​ផ្ទៃពោះ​ភ្លាមៗ ម៉ាក់ៗ​ប្រឹង​បំប៉ន​ចំណី​អាហារ​សឹង​តែ​គ្រប់​មុខ ធ្វើ​យ៉ាង​ណា​​ឲ្យ​កូន​ក្នុង​ផ្ទៃ​ឆាប់​ធំ​ធាត់ និង​លូត​លាស់​បាន​ល្អ។ ការ​បំប៉ន​អាហារ​ឲ្យ​តែ​បាន​ឆ្អែតៗ ដោយ​មិន​បាន​គិត​ពី​អត្ថប្រយោជន៍​របស់​វា មិន​សូវ​ជា​ល្អ​ប៉ុន្មាន​នោះ​ទេ ស្ត្រី​ពពោះ​ចាំបាច់​ត្រូវ​ដឹង​ពី​ប្រភេទ​អាហារ​ដែល​ល្អៗ​សម្រាប់​ខ្លួន និង​កូន។

ខាង​ក្រោម​នេះ​ជា​ប្រភេទ​អាហារ​ដែល​ម៉ាក់ៗ​ត្រូវ​ញ៉ាំ ដើម្បី​ជួយ​ដល់​ការ​លូត​លាស់​ខួរ​ក្បាល​កូន​ក្នុង​​ផ្ទៃ។

១. អាស៊ីដ​ខ្លាញ់​អូមេហ្គា ៣

បើ​តាម​អង្គការ​សុខភាព​ពិភព​លោក (WHO) អំឡុង​​ទារក​នៅ​​ក្នុង​ផ្ទៃ គឺ​ជា​ពេល​ដែល​ប្រឈម​នឹងការ​ខ្វះ​អូមេហ្កា ៣ ដោយសារ​ជាលិកា​ម្ដាយ​ដែល​ផ្ទុក​វា​ធ្លាក់​ចុះ ហើយ​យើង​ត្រូវ​ប្រើ​​វា​ដើម្បី​ឲ្យ​​ទារក​លូត​​លាស់​បាន​​ល្អ បែប​នេះ​ទើប​តម្រូវ​ឲ្យ​ស្ត្រី​ពពោះ​បំពេញ​បន្ថែម​នូវ​អាស៊ីដ​ខ្លាញ់​អូមេហ្កា ៣ តាម​រយៈ​អាហារ ឬ​អាហារ​បំប៉ន​ផ្សេងៗ។ អាស៊ីដ​ខ្លាញ់​ល្អ អូមេហ្គា៣ ជា​ប្រភព​ដើម​ដែល​ផ្តល់​នូវ DHA ដែល​សម្បូរ​នៅ​ក្នុង​ខ្លាញ់​ត្រី​រស់នៅ​ក្នុង​សមុទ្រ​ទឹក​ជ្រៅ ដូច​ជា ត្រី​សាលម៉ុន ត្រីស្បៃកា ត្រីសាឌីន។ ក្រៅ​ត្រី​សមុទ្រ​ទាំង​​ប៉ុន្មាន​នេះ​ ស្រីៗ​គ្នា​យើង​អាច​បន្ថែម​សារធាតុ DHA ដែលមាននៅក្នុងទឹកដោះគោម្សៅ ផលិតឡើងសម្រាប់ស្ត្រីមានផ្ទៃពោះ។
បន្ថែម​ពី​នោះ​អាស៊ីដ​ខ្លាញ់​អូមេហ្គា ៣ មាន​ក្នុង​រុក្ខជាតិ និងសាច់​សត្វ ខណៈ​គ្រាប់​ធញ្ញជាតិ​​កែច្នៃ​ហើយ ឬ​ក៏​ប្រេង​របស់​វា គ្រាប់​​មិន​ទាន់​កែច្នៃ គ្រាប់វ៉លណាត់ សណ្តែក​សៀង សុទ្ធ​តែ​ជា​ប្រភព​សម្បូរ​អាស៊ីដ​ខ្លាញ់​អូម៉េហ្កា៣។

ប្រភព​អង្គការ​សុខភាព​ពិភព​លោក​​ដដែល​បញ្ជាក់​ថា ស្ត្រី​ពពោះ​ដែល​ទទួល​បាន​អាស៊ីដ​ខ្លាញ់​អូមេហ្គា៣ គ្រប់​គ្រាន់ អាច​បង្ការ​កូន​កើត​មុន​ខែ ជំងឺ​ក្រឡា​ភ្លើង​ចំពោះ​ម្ដាយ ជំងឺ​បាក់​ទឹក​ចិត្ត​ក្រោយ​សម្រាល បង្កើន​ទម្ងន់​កូន និង​ផ្តល់​គុណ​ប្រយោជន៍​ផ្សេង​ទៀត​ដល់​ទារក ដូច​ជា​បង្កើន​ការ​លូតលាស់​ខួរ​ក្បាល​របស់​ទារក​ក្នុង​ផ្ទៃ ហើយ​កាត់​បន្ថយ​គ្រោះថ្នាក់​ជំងឺ​ខួរ​ក្បាល។

២- ផ្លែប៊ើរ

ស្ត្រី​មាន​ផ្ទៃ​ពោះ គួរ​តែ​ញ៉ាំ​ផ្លែ​ប៊ើរ​ ឬ​ប៊ើរ​ក្រឡុក​ឲ្យ​បាន​ច្រើន ព្រោះ​ផ្លែ​ប៊ើរ សម្បូរ​​ទៅ​ដោយ​ពពួក​អាស៊ីដ​ខ្លាញ់​ ហៅ​ថា អូឡេអ៊ិក អាស៊ីដ (Oleic acid) ​ជួយ​បង្កើន​មុខ​ងារ​ខួរ​ក្បាល​ បង្កើត​ស្រទាប់​ស្រោប​កោសិកា​ខួរ​ក្បាល ហើយ​​ត្រូវ​បាន​គេ​ហៅ​ថា Myelin។ អាស៊ីដ​ប្រភេទ​នេះ ជួយ​ឲ្យ​ពត៌​មាន​ក្នុង​ប្រព័ន្ធ​សរសៃ​ប្រសាទ​ដំណើរ​ការ​បាន​លឿន។

៣- ស្ពៃ​ពួយឡេង

ពពួក​ស្ពៃ​នេះ សម្បូរ​​ទៅ​ដោយ​សារ​ធាតុ​អាស៊ីដ Folate (វីតាមីន B9) និង​វីតាមីន​ K ដែល​សុទ្ធ​សឹង​ជា​វីតាមីន​ចាំ​បាច់​សម្រាប់​ខួរ​ក្បាល​យើង។ Folate ​ជា​វីតាមីន B9 ជួយ​ការ​ពារ​កោសិកា​សរសៃ​ប្រសាទ (Neuron) ​កុំ​ឲ្យ​ឆាប់​ខូច​ខាត។ មាន​ន័យ​ថា ​ជួយ​ការពារ​កុំ​ឲ្យ​មាន​ការ​យឺត​យ៉ាវ​​ បញ្ជូន​ពត៌​មាន​ទៅ​កាន់​ខួរ​ក្បាល។ ឯ​វីតាមីន​ K ​វិញ ជំនួយ​ដល់​ការ​ចង​ចាំ​ និង​សកម្មភាព​​ខួរ​ក្បាល ​អាច​ជួយ​បន្ថយ​អា​ការៈ​វង្វេង​លើ​មនុស្សចាស់ ជួយ​ការពារ​ជំងឺ Alzheimer ទៀត​ផង។ មាន​បន្លែ​ស្លឹក​ផ្សេង​ទៀត​ ជំនួយ​ដល់​ខួរក្បាល​ ​ដូច​ជា ខាត់ណា និង​ពពួក​សលាដ​មួយ​ចំនួន​ ហេតុ​នេះ​​គួរ​ញ៉ាំ​បន្លែ​ឲ្យ​បាន​ញឹក​ញាប់​ ដើម្បី​សុខ​ភាព​ខួរ​ក្បាល។

អត្ថប​ទពាក់ព័ន្ធ៖

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

health-tool-icon

គណនាថ្ងៃសម្រាលកូន

ប្រើ​វិធី​គណនា​នេះ​​ គឺ​ដើម្បី​រក​ថ្ងៃ​សម្រាល​កូន​។ វិធី​​នេះ​អាច​ប៉ាន់ស្មាន​ថ្ងៃ​សម្រាល​បាន​ តែ​មិន​ធានា​ថា​ត្រឹម​ត្រូវ​ទាំង​ស្រុង​ទេ​។ ស្រ្តី​ភាគ​ច្រើន មិន​ទាំង​អស់​ទេ អាច​ឆ្លង​ទន្លេ​មុន​ ឬ​ក្រោយ​មួយ​សប្ដាហ៍ នៃ​ពេល​វេលា​ប៉ាន់​ស្មាន​នេះ។

រយៈពេល​វដ្ដរដូវ

28 ចំំនួន​ថ្ងៃ​

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

រូបថត​របស់​អ្នក​និពន្ធbadge
ដោយ ដេត ធន្នី កែសម្រួល​ចុងក្រោយ 10/03/2020
ត្រួតពិនិត្យដោយ វេជ្ជ. ចាន់ ស៊ីណេត