ស្រីៗមានផ្ទៃពោះ ២៥% ជួបការប្រែប្រួលស្បែក ពេលមានគភ៌ ដូចជា មានមុន ស្បែកឡើងក្រមៅជាងមុន សង្វារ និងកន្ទាលត្រអាក។ កន្ទាលត្រអាក កើតដោយសារប្រតិកម្ម អាលែកហ្ស៊ី ប្រតិកម្មឱសថ ឬសត្វល្អិតខាំ។ បម្រែបម្រួលអ័រម៉ូន ពេលមានគភ៌ ក៏អាចបង្កើតឲ្យមានកន្ទាលត្រអាកដែរ។
១- ម៉េចបានកើតកន្ទាលត្រអាកពេលមានគភ៌?
ប្រតិកម្មអាលែកហ្ស៊ី ជាមូលហេតុនាំឲ្យមានកន្ទាលត្រអាក។ ប្រតិកម្មនេះ អាចមកពីអាហារ មូសខាំ លម្អងផ្កា កម្ទេចសំណកស្បែកស្រកាសត្វ ឱសថ ឬផលិតផលសម្ផស្ស (សាប៊ូកក់សក់ ដុសខ្លួន…) ដាក់សម្ពាធលើស្បែក ឬភាពតានតឹងចិត្ត។
