ដឹងហើយហាត់ប្រាណ ជួយឲ្យសុខភាពល្អ មិនថាស្ថិតក្នុងវ័យណាក៏ដោយ ពិសេសស្រីៗយើងបើដឹងថាមានផ្ទៃពោះ កុំគេចវេសទៀត គួរហាត់ប្រាណមួយចំនួនជាប្រចាំ ដើម្បីពង្រឹងសាច់ដុំ ទប់ទល់ពេលបេប៊ីក្នុងពោះកាន់តែធំ ទម្ងន់យើងកាន់តែឡើង។ លើសពីនេះ ហាត់ប្រាណពេលពពោះ ជួយឲ្យរាងកាយកាន់តែរឹងមាំ បំបាត់អាការៈឈឺខ្នង ឈាមរត់បានស្រួល និងមានអារម្មណ៍ល្អ។
ដឹងមានផ្ទៃពោះ គួរចាប់ហាត់ប្រាណវិធីងាយៗទាំងនេះ
មានវិធីហាត់ប្រាណជាច្រើន សម្រាប់ស្រីៗគ្នាយើងពេលពពោះ អាចយកទៅអនុវត្តដើម្បីទទួលបានសុខភាពល្អ ទាំងម៉ាក់ៗ និងបេប៊ី ប៉ុន្តែមានវិធី ២យ៉ាង គឺល្អសម្រាប់យើង ដើម្បីពង្រឹងសាច់ដុំ និងលំនឹង ពេលបេប៊ីក្នុងផ្ទៃកាន់តែធំ និងទម្ងន់ខ្លួនកាន់តែឡើង កុំឲ្យដល់ពេលនាំគ្នាត្អួញ ឈឺចង្កេះ ឈឺត្រគាក ពិបាកដើរទៀត។
១-ការហាត់ប្រាណពង្រឹងសាច់ដុំពោះ
– ចាប់ផ្ដើមរាងជាប្រអប់មួយ ដោយដាក់ជង្គង់ក្រោមត្រគាក ដៃក្រោមស្មា ម្រាមដៃចង្អុលទៅមុខ និងក្បាលពោះលើកឡើង ដើម្បីរក្សាខ្នងឲ្យត្រង់។
– រុញសាច់ដុំពោះចូលក្នុង និងលើកខ្នងឡើងឆ្ពោះទៅលើ ធ្វើចលនាខ្នងចុះ-ឡើង និងទុកឲ្យក្បាលរបស់អ្នកនៅស្ងៀម ឆ្ពោះទៅមុខ។
– រក្សាចលនា ២-៣ វិនាទី បន្ទាប់មកត្រឡប់មករាងជាប្រអប់វិញ។
– កុំទម្លាក់ខ្នងចុះ ខ្នងយើងត្រូវរក្សាឲ្យត្រង់ដដែល។
ធ្វើចលនាបែបនេះយឺតៗ ១០ដង ជួយឲ្យសាច់ដុំពោះយើង កាន់តែរឹងមាំ ប៉ុន្តែត្រូវធ្វើចលនាខ្នងដោយប្រុងប្រយ័ត្ន។
អត្ថបទពាក់ព័ន្ធ៖
២- ការហាត់ប្រាណត្រគាក
– ឈរត្រង់់ខ្លួន ដោយស្មា និងគូទបែរទៅរកជញ្ជាំង ឬដេករាបស្មើនឹងកម្រាល
– បន្ទន់ជង្គង់បន្តិច ឬលើកជង្គង់ឡើងលើបន្តិច (សម្រាប់ហាត់ដេកលើកម្រាល)
– ផតពោះខាងមុខទៅកាន់ឆ្អឹងខ្នង ដូច្នេះខ្នងយើងនឹងសំប៉ែតទប់ទៅនឹងជញ្ជាំង ឬកម្រាល ដោយរក្សាឲ្យបាន ៤វិនាទី និងសម្រួលមកធម្មតាវិញ។
ធ្វើចលនាដូច្នេះឲ្យបាន ១០ដង អាចជួយសម្រាលការឈឺចាប់ផ្សេងៗ ពេលយើងចាប់ផ្តើមឡើងទម្ងន់ ហើយបេប៊ីក្នុងផ្ទៃកាន់តែធំ។
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម