មុននឹងសម្រាលបានកូនម្នាក់ដ៏គួរឲ្យស្រលាញ់ ម៉ាក់ៗត្រូវប្រឈមបញ្ហាជាច្រើនទាំងក្នុងពេលពពោះ និងសម្រាលកូន ដែលទាមទារឲ្យមានការប្រយ័ត្នប្រយែងខ្ពស់បំផុត។ លោកស្រីវេជ្ជបណ្ឌិត ទី សុវណ្ណរដ្ឋ សញ្ញាបត្រពីប្រទេសបារាំង ឯកទេសផ្នែកសម្ភព និងរោគស្ត្រី នឹងលើកយកបញ្ហាដែលស្រីៗពពោះជួបប្រទះញឹកញាប់ ទាំងនៅស្រុកខ្មែរ និងលើពិភពលោក។
មាតិកា
មាតិកា
មើលគ្រប់ផ្នែកទាំងអស់
រង្វាស់សុខភាព
ឧបករណ៍សុខភាព
មើលផ្នែករង្វាស់សុខភាពទាំងអស់
តើអ្នកបារម្ភពីអ្វី?
មិនត្រឹមត្រូវ
ពិបាកយល់
ផ្សេងៗ
ហានិភ័យទាំងនេះ ស្រីៗពពោះជួបប្រទះញឹកញាប់
១. រលូតកូន
ស្រីៗពពោះភាគច្រើនប្រឈមនឹងការរលូតកូន នៅក្នុងអំឡុង៣ខែដំបូង នៃការពពោះ។
មូលហេតុ៖
– ពីភាពមិនប្រក្រតីនៃក្រូម៉ូសូម (DNA កំណត់ភេទទារក)
– ការបង្ករោគនៅស្បូន
– មាត់ស្បូនខ្សោយ
– ជក់បារី ផឹកស្រា
– ប្រើថ្នាំផ្តេសផ្តាសដោយគ្មានវេជ្ជបញ្ជា
– មានផ្ទៃពោះនៅអាយុក្មេងពេក ឬចាស់ពេក។
វិធីបង្ការ៖
– សម្រាកឲ្យបានច្រើន
– កុំធ្វើការធ្ងន់លើសកម្លាំង
– កុំជក់បារី ផឹកស្រា
– មុនប្រើថ្នាំត្រូវពិគ្រោះជាមួយគ្រូពេទ្យ។
អត្ថបទពាក់ព័ន្ធ៖ ករណីរលូតកូនទាំងមិនដឹងខ្លួន ដោយសារអ្វី មានសញ្ញាម៉េចខ្លះ?
២. សម្រាលកូនមុនខែ
អាចឈឺពោះមុនខែ ឬបែកទឹកភ្លោះមុនខែ តម្រូវឲ្យស្រីៗត្រូវសម្រាលកូនមុនកាលកំណត់ ពោលគឺនៅមុនរយៈពេល ៣៧ សប្តាហ៍ នៃការពពោះ ដែលបញ្ហានេះអាចប្រឈមគ្រោះថ្នាក់ទាំងម្តាយទាំងកូន។
មូលហេតុ៖
– មាត់ស្បូនចំហ
– ធ្វើការនឿយហត់ពេក
– ធ្វើដំណើរផ្លូវឆ្ងាយៗ
– ឡើងជណ្តើរខ្ពស់ៗញឹកញាប់ពេក
– ប្រើថ្នាំផ្តេសផ្តាសដោយគ្មានវេជ្ជបញ្ជា
– មានមេរោគនៅក្នុងទឹកនោម ឬទ្វារមាស។
វិធីបង្ការ៖
– សម្រាកឲ្យបានច្រើន
– កុំធ្វើធ្ងន់ៗលើសកម្លាំង
– មុនប្រើថ្នាំត្រូវពិគ្រោះជាមួយគ្រូពេទ្យ
– តាមដានសុខភាពជាមួយគ្រូពេទ្យជំនាញឲ្យបានទៀងទាត់។
អត្ថបទពាក់ព័ន្ធ៖ ស្រីៗគ្នាយើងកំពុងពពោះប្រយ័ត្នមែនទែន រឿងកូនកើតមិនគ្រប់ខែ
៣. លើសសម្ពាធឈាមពេលពពោះ
លើសម្ពាធឈាមពេលពពោះ ហើម កើតជំងឺទឹកនោមប្រៃ បណ្តាលឲ្យវិវត្តទៅជាជំងឺបម្រុងក្រឡាភ្លើង ចាប់ពីត្រីមាសទី២ទៅ ឯស្ត្រីខ្លះអាចជួបអាការៈទាំងនោះនៅត្រីមាសទី៣ ជិតគ្រប់ខែដល់ពេលសម្រាល ឬអ្នកខ្លះជួបនៅពេលសម្រាលហើយភ្លាម។
មូលហេតុ៖
– ញ៉ាំសាច់ច្រើនពេក ធ្វើឲ្យលើសជាតិប្រូតេអ៊ីន
– ញ៉ាំប្រៃពេក ឬផ្អែមពេក
– មានជំងឺលើសឈាមស្រាប់។
វិធីបង្ការ៖
– កុំញ៉ាំអាហារប្រៃពេក
– កុំញ៉ាំអាហារផ្អាប់ (ជ្រក់ ប្រហុក ផ្អក…)
– កុំញ៉ាំសាច់ច្រើនពេក (លើសប្រូតេអ៊ីន)
– គ្រប់គ្រងទម្ងន់មិនឲ្យធាត់ពេក
– ពិនិត្យជាតិប្រូតេអ៊ីនក្នុងទឹកនោម និង វាស់សម្ពាធឈាមរៀងរាល់ខែ
– តាមដានសុខភាព និងពិនិត្យផ្ទៃពោះឲ្យបានទៀងទាត់ជាមួយគ្រូពេទ្យជំនាញ។
អត្ថបទពាក់ព័ន្ធ៖ វិធីមានប្រសិទ្ធភាពបំផុតការពារលើសឈាមពេលពពោះ
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ការឡើងទម្ងន់ស្ត្រីអំឡុងពពោះ
រង្វាស់សុខភាពមួយនេះអាចប្រើប្រាស់ក្នុងករណីស្ត្រីពពោះថាតើស្ថិតក្នុងចន្លោះណាមានសុខភាពល្អទាំងខ្លួនឯងនិងកូនក្នុងផ្ទៃ ផ្អែកទៅលើទម្ងន់មុនពេលដឹងខ្លួនមានផ្ទៃពោះ។
28
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Next article: