ពពោះជាង៩ខែ ម៉ាក់ៗលំបាកណាស់ទៅហើយ តែដល់ពេលឈឺពោះសម្រាលកូនរឹតតែពិបាកទៅទៀត ត្រូវទ្រាំនឹងការឈឺចាប់រាប់ម៉ោងឯណោះ ទម្រាំតែកូនជាទីស្រលាញ់កើតចេញមកក្រៅ ឃើញពន្លឺព្រះអាទិត្យ។ តើការឈឺពោះសម្រាលកូនដំបូង និងកូនបន្ទាប់ៗទៀតមានលក្ខណៈដូចគ្នា និងខុសគ្នាត្រង់ចំណុចណាខ្លះ?
ចង់ចាកចេញពី Hellokrupet?
ប្រាកដហើយថា អ្នកចង់ចាកចេញ?
ឈឺពោះសម្រាលកូនដំបូង និងឈឺពោះកូនទី២ ប្លែកគ្នាម៉េចខ្លះ?
បើតាមការលើកឡើងរបស់ប្រធានផ្នែកសម្ភព និងរោគស្ត្រី នៃមន្ទីរពេទ្យបង្អែកមិត្តភាពកម្ពុជា-ចិន សែនសុខ លោកវេជ្ជបណ្ឌិត ចាន់ ស៊ីណេត ការឈឺពោះសម្រាលកូន ទោះជាកូនទី១ ទី២ ទី៣ ឬទី៤ មានសញ្ញាដូចគ្នាទាំងអស់ គឺស្រីៗចាប់ផ្តើមឈឺពោះ ចុករួយចង្កេះ បើកមាត់ស្បូន ស្បូនចាប់ផ្តើមកន្ត្រាក់ មានធ្លាក់ទឹករម្អិលលាយឈាមតិចតួច បែកទឹកភ្លោះ។ នៅពេលជិតសម្រាលមែនទែន ស្រីៗឈឺពោះកាន់តែខ្លាំង ស្បូនចាប់ផ្តើមកន្ត្រាក់ញាប់ទៅៗ ប៉ុន្តែស្រីៗមួយចំនួនតូចអាចបែកទឹកភ្លោះមុនសម្រាល។
ទោះបីជាសញ្ញានៃការឈឺពោះសម្រាលកូនមានលក្ខណៈដូចគ្នាទាំងអស់ក្តី តែលោកវេជ្ជបណ្ឌិតថា រវាងការឈឺពោះកូនទី១ និងកូនទី២ ឬទី៣ រយៈពេលនៃការឈឺពោះនៅដំណាក់កាលដំបូង និងឈឺពោះកើតកូន ខុសគ្នាច្រើន។
១. ឈឺពោះសម្រាលកូនទី១
ដំណាក់កាលដំបូង៖ ការកន្រ្ដាក់ស្បូនតែងមានរយៈពេលចន្លោះពី ៣០-៦០ វិនាទី។ ធម្មតា វាចាប់ផ្ដើម ២០ នាទី/ម្ដង បន្ទាប់មក ផ្លាស់ប្ដូរមក ៥ នាទី/ម្ដង។ ឯសញ្ញាកន្ត្រាក់ដល់ពេលសម្រាល មានរយៈពេល ៨-១២ ម៉ោងមុន សម្រាប់គ្នាយើងមានកូនដំបូង។ ដើម្បីជួយបំបាត់ការឈឺចាប់រយៈពេលវែងនេះ ម៉ាក់ៗអាចសម្រាក ងូតទឹក ញ៉ាំអាហារបន្តិចបន្តួច ពិសេសរបស់ផ្អែម ដូចជាទឹកដូង ទឹកសណ្តែក ទឹកត្រឡាច ដើរ និងហាត់ដកដង្ហើមយឺតៗ។
ដំណាក់កាលឈឺពោះកើតកូន៖ ការកន្រ្ដាក់សាច់ដុំស្បូនមានការកើនឡើងកាន់តែខ្លាំង ពី ៤៥ – ៦០ វិនាទី និងចាប់ផ្ដើមពី ៣-៥ នាទី/ម្ដង។ ករណីនេះអាចមានចន្លោះពី ៣-៦ ម៉ោង សម្រាប់ស្រីៗដែលសម្រាលកូនដំបូង។
២. ឈឺពោះសម្រាលកូនទី២ ឬកូនបន្ទាប់ទៀត
ដំណាក់កាលដំបូង៖ ការកន្រ្ដាក់ស្បូនមានរយៈពេលពី ៣០-៦០ វិនាទី ដូចកាលមានកូនទី១ដែរ។ ធម្មតា វាចាប់ផ្ដើម ២០ នាទី/ម្ដង បន្ទាប់មក ផ្លាស់ប្ដូរមក ៥ នាទី/ម្ដង។ សញ្ញាកន្ត្រាក់ដល់ពេលសម្រាលមានរយៈពេល ២-៥ ម៉ោង សម្រាប់គ្នាយើងមានផ្ទៃពោះលើកទី ២ ឬច្រើនជាងនេះ។
ដំណាក់កាលឈឺពោះកើតកូន៖ ការកន្រ្ដាក់សាច់ដុំស្បូនមានការកើនឡើងកាន់តែខ្លាំង ពី ៤៥ – ៦០ វិនាទី និងចាប់ផ្ដើមពី ៥-៨ នាទី/ម្ដង។ ករណីនេះអាចមានចន្លោះពី ១-៣ ម៉ោង ប៉ុណ្ណោះសម្រាប់ស្រីៗមានផ្ទៃពោះកូនទី២ឡើងទៅ។
បែបនេះក៏ដោយ លោកវេជ្ជបណ្ឌិតថា មិនមែនស្រីៗសម្រាលកូនលើកទី២ទាំងអស់សុទ្ធតែស្រួលនិងរហ័សជាងលើកទី១ ទាំងអស់នោះទេ តែភាគច្រើនគឺអាចសម្រាលកូនស្រួល ហើយលឿនជាងមុន និងពេលខ្លះមាត់ស្បូនអាចស្តើងជាងមុន ដោយសារតែយើងធ្លាប់ឆ្លងកាត់បទពិសោធពីមុនមកខ្លះ ដឹងពីការត្រៀមលក្ខណៈ របៀបប្រឹង ឬក៏តិចនិកផ្សេងទៀត នេះនិយាយចំពោះការសម្រាលដោយធម្មជាតិ។
អត្ថបទពាក់ព័ន្ធ៖
- ស្រីៗឈឺពោះសម្រាលកូន ត្រូវការរបស់ផ្អែម២យ៉ាងនេះ
- របៀបប្រឹងពេលស្រីៗសម្រាលកូន ណែនាំដោយគ្រូពេទ្យផ្នែកសម្ភព
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ការឡើងទម្ងន់ស្ត្រីអំឡុងពពោះ
រង្វាស់សុខភាពមួយនេះអាចប្រើប្រាស់ក្នុងករណីស្ត្រីពពោះថាតើស្ថិតក្នុងចន្លោះណាមានសុខភាពល្អទាំងខ្លួនឯងនិងកូនក្នុងផ្ទៃ ផ្អែកទៅលើទម្ងន់មុនពេលដឹងខ្លួនមានផ្ទៃពោះ។
28
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Share