home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

គន្លឹះ ៦ យ៉ាង អ្នក​កំពុង​ចង់​បាន​កូន​គួរ​ស្វែង​យល់​

គន្លឹះ ៦ យ៉ាង អ្នក​កំពុង​ចង់​បាន​កូន​គួរ​ស្វែង​យល់​

ភាព​ជា​ម្ដាយ គឺ​ជា​ដំណាក់​កាល​ដ៏​ស្រស់​បំព្រង​មួយ​ក្នុង​​ជីវិត​ស្រីៗ​គ្រប់​រូប ប៉ុន្តែ​មិន​មែន​គ្រប់​គ្នា​គឺ​សុទ្ធ​តែ​អាច​ពពោះ​មាន​កូន​ដោយ​ងាយ​ស្រួល​នោះ​ទេ។ ស្រីៗ​យើង​​​ខ្លះ​គឺ​ងាយ​នឹង​មាន​កូន ​ចំណែក​ឯ​អ្នក​ខ្លះ​ទៀត គឺ​មាន​ការ​ពិបាក​ក្នុង​ការ​មាន​កូន ទោះ​បី​ជា​ស្ថានភាព​សុខភាព​ និង​រាង​កាយ​​មិន​មាន​បញ្ហា​អ្វី​ក៏​ដោយ។ ចំពោះ​ស្ត្រី​ដែល​ងាយ​មាន​កូន​គឺ​ជា​រឿង​រីករាយ ប៉ុន្តែ​ចំពោះ​អ្នក​ដែល​ពិបាក​មាន​កូន គឺ​ពិត​ណាស់​​គួរ​តែ​ពិគ្រោះ​ជាមួយ​គ្រូពេទ្យ​ ជា​ពិសេស ​គឺ​គ្រូពេទ្យ​ឯកទេស​ផ្នែក​សុខ​ភាព​បន្ត​ពូជ​តែ​ម្ដង។ ខាង​ក្រោម​នេះ គឺ​ជា​គន្លឹះ​មួយ​ចំនួន​ដែល​យើង​​គួរ​តែ​ដឹង​ដើម្បី​អាច​ឲ្យ​យើង​ងាយ​ស្រួល​ក្នុង​ការ​ពពោះ។

១. ពិគ្រោះ​ជាមួយ​គ្រូពេទ្យ​

ការ​ពិគ្រោះ​ជាមួយ​ពេទ្យ គឺ​ជា​ការ​ល្អ​បំផុត​សម្រាប់​ស្រីៗ​យើង​មិន​ងាយ​មាន​កូន​។ ជា​ធម្មតា រាង​កាយ​របស់​មនុស្ស​យើង​គឺ​មិន​ដូច​គ្នា​ទេ ហើយ​បែប​បទ​នៃ​ការ​រស់​នៅ​ក៏​ខុស​គ្នា​ដែរ។ គ្រូពេទ្យ​ អាច​ផ្ដល់​យោបល់​សំខាន់​បំផុត​ និង​​​ណែនាំ​គន្លឹះ​​ត្រឹម​ត្រូវ​សម្រាប់​ស្ថានភាព​របស់​យើង​។ មុន​នឹង​ការ​ចាប់​ផ្ដើម​ព្យាយាម​យក​កូន គ្រូពេទ្យ​នឹង​ឲ្យ​យើង​​បរិភោគ​អាហារ​ដែល​មាន​ជីវជាតិ និង​ប្រើ​ថ្នាំ​វីតាមីន​ជំនួយ​មួយ​ចំនួន ដែល​ក្នុង​នោះ​គឺ​មាន អាស៊ីដ ហ្វូលិក ដែល​អាច​ជួយ​ការ​ពារ​កូន​​ពី​បញ្ហា​សុខភាព​ពី​កំណើត​មួយ​ដូច​ជា បញ្ហា​ដុំ​ពក​នៅ​ឆ្អឹង​កង​ខ្នង​ ជា​ដើម។ អាស៊ីដ ហ្វូលិក គឺ​សំខាន់​ណាស់ ដូច​នេះ​ហើយ​ទើប​តម្រូវ​ឲ្យ​មាន​ប្រភេទ​វីតាមីន​នេះ​គ្រប់​គ្រាន់ ទោះ​បី​ជាយើង​​មិន​ទាន់​មាន​ផ្ទៃ​ពោះ​ក៏​ដោយ។

អត្ថបទ​ពាក់ព័ន្ធ៖ ស្រីៗត្រៀម​ខ្លួនយកកូន ត្រូវដឹងចំណុចទាំងនេះ

២. ស្វែង​យល់​ និង​កត់​ចំណាំ​ពី​វដ្ដ​រដូវ​

សំណួរ​មួយ​ដែល​គ្រូពេទ្យ​តែង​តែ​សួរ​ពេល​យើង​​ទៅ​ពិគ្រោះ​យោបល់ គឺ​កើតឡើងយល់​ពី​វដ្ដ​រដូវ​ខ្លួន​ឯង​កម្រិត​ណា? ការ​យល់​ដឹង​ពី​វដ្ត​រដូវ​របស់​ខ្លួន​ឯង​ច្បាស់​នេះ​ហើយ​ ធ្វើ​ឲ្យ​យើង​​អាច​ដឹង​ពី​ពេល​ដែល​ល្អ​បំផុត​ក្នុង​ការ​បង្ក​កំណើត។ គ្រូពេទ្យ​អាច​នឹង​តម្រូវ​ឲ្យ​ស្រីៗ​យើង​​ធ្វើ​តេស្ត រក​ពេល​ដែល​ធ្លាក់​មេជីវិត​ញី ដើម្បី​រក​ពេល​ដែល​ល្អ​បំផុត​សម្រាប់​​ការ​បង្ក​កំណើត​ផង​ដែរ។

ចង់បានកូន

៣. បន្ត​គេង​នៅ​លើ​គ្រែ​បន្ទាប់​ពី​រួម​ភេទ​រួច

ប្រសិន​បើ​យើង​ចង់​មាន​កូន ជា​ការ​ប្រសើរ​ប្រសិន​បើយើង​​បន្ត​គេង​នៅ​លើ​គ្រែ​ក្រោយ​ពី​រួម​ភេទ​រួច​យ៉ាង​ហោច ១០ ទៅ​១៥នាទី។ ពី​ព្រោះ​ថា នៅ​អំឡុង​ពេល​នេះ គឺ​ទឹក​កាម​ដែល​ជញ្ជូន​មេជីវិត​ឈ្មោល​នឹង​ចូល​ទៅ​ដល់​ក្នុង​មាត់​ស្បូន។​

៤. មិនមែនត្រូវតែរួមភេទ​រាល់ថ្ងៃ​

វា​មិន​សំខាន់​នោះ​ទេ​ដែលយើង​​ត្រូវ​រួម​ភេទ​រាល់​ថ្ងៃ នៅ​អំឡុង​ពេល​ធ្លាក់​មេ​ជីវិត​ញីនោះ។ ជា​ការ​ពិត​ទៅ យើង​​អាច​រួម​ភេទ​នៅ​ថ្ងៃ​ណា​មួយ​ដែលគិត​ថា​មានការ​​​ធ្លាក់​មេជីវិត​ញី នោះ​ឱកាស​នៃ​ការ​មាន​កូន​របស់​យើង​​ក៏​នៅ​តែ​ខ្ពស់​ដែរ ព្រោះ​ថា​មេជីវិត​ឈ្មោល​អាច​រស់​នៅ​ក្នុង​រាង​កាយមនុស្ស​ស្រី​យើង​​រហូត​ដល់​ទៅ​៥​ថ្ងៃ​ឯណោះ។

៥. កាត់​បន្ថយ​ស្ត្រេស

ស្ត្រេស​គឺ​ជា​ឧបសគ្គ​មួយ​ដែល​ធ្វើ​ឲ្យ​ប៉ះពាល់​ដល់​ជីវិត​ប្រចាំ​ថ្ងៃ​របស់យើង​ រួម​ទាំង​សុខភាព ​និង​ឱកាស​ក្នុង​ការ​មាន​កូន​ផង​ដែរ។ ស្រ្តេស​​បាន​ធ្វើ​ឲ្យ​ប៉ះពាល់​ដល់​ការ​ធ្លាក់​មេជីវិត​ញី​របស់​យើង​។ ដូច​នេះ​ហើយ​ការ​កាត់​បន្ថយ​ស្ត្រេស គឺ​រឿង​ដែល​ត្រូវ​ធ្វើ​ដើម្បី​ឲ្យ​ជីវិត​ប្រសើរ​ និង​ឱកាស​មាន​កូន​​កាន់​តែ​ខ្ពស់។

៦. ថែរក្សា​សុខ​ភាព​

លំហាត់​ប្រាណ និង​ការ​ទទួល​ទាន​អាហារ​ត្រឹម​ត្រូវ គឺ​ជា​រឿង​ដែល​យើង​​ត្រូវ​ធ្វើ​ដើម្បី​ឲ្យ​រាង​កាយ​​មាន​សុខភាព​ល្អ។ លំហាត់​ប្រាណ​មិន​ត្រឹម​តែ​ជួយ​ធ្វើ​ឲ្យ​ទម្ងន់​យើង​ថេរ និង​ស្ថិត​ក្នុង​ទម្ងន់​រូប​រាង​តាម​ស្តង់​ដា​ប៉ុណ្ណោះ​ទេ វា​ថែម​ទាំង​ជួយ​ឲ្យ​យើង​​មាន​អារម្មណ៍​ស្រស់​ស្រាយ​ទៀត​ផង។ ការ​ហាត់​ប្រាណ​ទៀង​ទាត់​មិន​ខ្លាំង​ពេក គឺ​ជា​រឿង​ត្រឹម​ត្រូវ​ចំពោះ​សុខភាព​សម្រាប់​អ្នក​​ចង់​បាន​កូន។ សូម​បញ្ឈប់​​ការ​ជក់​បារី​ និង​ផឹក​សុរា ព្រោះ​កត្តា​ទាំង​នេះ សុទ្ធ​តែ​ប៉ះពាល់​ដល់​សុខភាព​របស់​យើង​ និង​បន្ថយ​ឱកាស​ពពោះ​ទៀត​ផង។

health-tool-icon

គណនាថ្ងៃមេជីវិតញីទុំធ្លាក់

ប្រើ​វិធី​គណនា​នេះ​​ គឺ​ដើម្បី​រក​ថ្ងៃ​សម្រាល​កូន​។ វិធី​​នេះ​អាច​ប៉ាន់ស្មាន​ថ្ងៃ​សម្រាល​បាន​ តែ​មិន​ធានា​ថា​ត្រឹម​ត្រូវ​ទាំង​ស្រុង​ទេ​។ ស្រ្តី​ភាគ​ច្រើន មិន​ទាំង​អស់​ទេ អាច​ឆ្លង​ទន្លេ​មុន​ ឬ​ក្រោយ​មួយ​សប្ដាហ៍ នៃ​ពេល​វេលា​ប៉ាន់​ស្មាន​នេះ។

រយៈពេល​វដ្ដរដូវ

28 ចំំនួន​ថ្ងៃ​

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

https://parenting.firstcry.com/articles/contribution-magical-beginning-how-to-conceive-and-experience-of-beginning-of-motherhood/

https://www.webmd.com/baby/features/7-tips-getting-pregnant-faster#3

រូបថត​របស់​អ្នក​និពន្ធbadge
ដោយ គឹម កាណែល កែសម្រួល​ចុងក្រោយ 12/11/2020
ត្រួតពិនិត្យដោយ វេជ្ជ. វេជ្ជ. ចាន់ ស៊ីណេត
x