ស្ដាប់ជាង និងស្រីៗអ៊ុតសក់ត្រង់ពេលពពោះ ទើបដឹងថាប៉ះពាល់កម្រិតណា

ត្រួតពិនិត្យដោយ | ដោយ

ចេញផ្សាយថ្ងៃទី 25/11/2019 . អាន 3 នាទី
Share now

ម៉ាក់​ៗ​មាន​ផ្ទៃពោះ​ជាច្រើន​នៅ​មាន​ចម្ងល់​ទាក់ទិន​នឹង​រឿងលាបសក់ ឬ​អ៊ុតសក់​ត្រង់ ថា​ប៉ះពាល់​ចំពោះ​សុខភាព​កូន​ឬ​អត់?  បើ​តាម​​បទពិសោធអ្នក​ធ្វើការ​ផ្នែក​អ៊ុតសក់​ត្រង់ និង​ទទួល​សេវាកម្ម​នេះមួយ​ចំនួន​​បាន​បញ្ជាក់​យ៉ាង​ច្បាស់​ថា ទឹក​ថ្នាំ​លាប​សក់ ឬ​អ៊ុត​សក់​ត្រង់ មាន​ជាតិគីមី ពិត​ជា​ប៉ះពាល់​ដល់​កូន​ក្នុង​ផ្ទៃ ដោយស្រីៗខ្លះ​ធ្លាប់​រលូត​កូន និង​ខ្លះ​ទៀត​កូន​កើត​មក​សុខភាព​មិន​ល្អ​ដូច​ក្មេង​ដទៃ។

១- កូន​សុខភាព​ខ្សោយ​តាំងពី​កើត

អ្នកនាង នូ ស្រីម៉ាច ធ្លាប់​បើក​ហាង​សាឡន​មួយ​កាលពី ១០ ឆ្នាំ​មុន​នៅ​ឃុំ​ព្រែក​តាមាក់ ស្រុក​ខ្សាច់​កណ្ដាល ខេត្ត​កណ្ដាល បាន​រៀបរាប់​ថា កាល​ពពោះ​កូន​ដំបូង​មិន​ដឹង​ថា​មាន​គ្រោះ​ថ្នាក់ទេ ទើប​នៅតែ​ទទួល​អ៊ុត​សក់​ត្រង់​ជូន​អតិថិជន​រហូត​ជិត​ដល់​សម្រាល​កូន។ តែ​ពេល​កូន​កើត​មក​ទើប​ម៉ាក់​កូន ៣ រូបនោះ​ដឹង​ថា ឥទ្ធិពល​ចំហាយ​ថ្នាំ​អ៊ុត​សក់ដែលស្រូបទៅ ​ធ្វើឲ្យ​ក្នុង​ផ្ទៃ​ខ្វះ​គីឡូ​ស្បែក​ដណ្ដប់​ឆ្អឹង វិះ​នឹង​ស្លាប់។ បន្ទាប់ពី​បាន​ការ​ជួយ​សង្គ្រោះ​ពី​គ្រូពេទ្យ និង​ចេញ​ទៅ​ផ្ទះ​វិញ​កាលណា​ កូន​អ្នកនាងឈឺ និង​ប្រើ​ថ្នាំ​រហូត ហើយ​សុខភាព​មិន​រឹងមាំ មិន​ឡើង​គីឡូ​ទោះ​ជា​ឲ្យ​បៅ​ដោះ​ និង​ញ៉ាំ​អាហារ​សម្បូរ​ជីវជាតិ​យ៉ាង​ណា ក៏​កូន​នៅតែ​មិនមានសាច់ឈាមភ្លឺថ្លាដដែល។

អ្វី​ដែល​ធ្វើឲ្យ​ថៅកែ​គ្រឿង​សំណង់ ដែលបច្ចុប្បន្ន​ឈប់​ប្រកបរបរ​នោះ កាន់​តែ​ស្តាយ​ក្រោយនេះ ដោយសារ​ពេល​កូន​ដល់​វ័យ​ចេះ​តោង​ឈរ ដើរ ដូច​ក្មេង​ដទៃ កូន​គាត់​បែរជា​ទន់​ជើង មិន​អាច​ធ្វើ​បាន​រហូត​ដល់​វ័យ ២ ឆ្នាំ​ទើប​ចេះ​ឈរ ហើយ​ស្រប​ពេល​មាន​កូន​ទី ២ ទើប​មិន​ធ្វើ​ការ​មួយ​នោះ​បន្ត ព្រោះ​ខ្លាច​កូន​ឈឺ​ច្រើន​ដូច​កូន​បង។ ជា​លទ្ធផល កូន​ទី ២ និង​ទី ៣ ពេល​ឈប់​ប្រកប​របរ​អ៊ុត​សក់ សុទ្ធតែ​រឹងមាំ និង​មិន​ចេះ​ឈឺ​ផ្ដាស​ដូច​កូន​មុន​មែន ទើប​អ្នកស្រី​យល់​ឃើញ​ថា ការ​ស្រូប​យក​ផ្សែង​ពី​ថ្នាំ​អ៊ុតសក់​ត្រង់ ជា​មូលហេតុ​ធ្វើឲ្យ​កូន​មុន​មាន​សុខភាព​មិន​ល្អ​រហូត​ដល់​ឥឡូវ។

អ៊ុតសក់ត្រង់

២- រលូត​កូន

ជាង​អ៊ុត​សក់​ឈ្មោះ កែវ ពុទ្ធានី បាន​ឲ្យ​ដឹង​ថា អ្នកនាង​បើក​អាជីវកម្ម​ហាង​អ៊ុត​សក់​នេះ​រហូត​ដល់​មាន​ប្ដី និង​កូន តែ​ធ្លាប់​រលូត​កូន​ទាំង ២ ដង។ ស្ត្រី​វ័យ ៣៣ ឆ្នាំ​រូប​នេះ​បាន​ឲ្យ​ដឹង​ថា កូន​ទាំង ២ របស់​ខ្លួន​មាន​អាយុ​ត្រឹម ៣ ខែ​ប៉ុណ្ណោះ ហើយ​ក៏​រលូត​ទៅ​វិញ ព្រោះតែ​ខ្លួន​នៅ​បន្ត​ប្រកបរបរ​អ៊ុត​សក់​នេះ​ដដែល។ អ្នកនាង​បាន​បន្ត​ទៀត​ថា ថ្នាំ​អ៊ុតសក់​ត្រង់​មាន​ផ្ទុក​សារធាតុ​គីមី​ខ្លាំង​ណាស់ កុំ​ថា​ឡើយ​អ្នក​មាន​កូន អ្នក​គ្មាន​កូន​ពេល​អ៊ុត​ក៏​វិល​មុខ​ដែរ ព្រោះ​ចំហាយ​ដែល​ភាយ​ប៉ះ​ចំ​ផ្ទៃ​មុខ​ក៏​ក្រហាយ រមាស់ណាស់ ទម្រាំ​តែ​យើង​ស្រូប​ចូល​ទៅ ហើយ​កូន​បឺតស្រូប​បន្ត​ ​មិន​ដឹង​ជា​ក្រហល់ក្រហាយ​យ៉ាង​ណា។ ពុទ្ធានី បន្ត​ទៀត​ថា រាល់ថ្ងៃ​ព្រោះតែត្រូវ​ត្រៀម​ខ្លួន​យក​កូន​ជា​ថ្មី ទើប​ផ្អាក​ទទួល​អ៊ុតសក់​ដោយ​ទឹក​ថ្នាំ​នេះ​សិន តែ​នៅ​ទទួល​អ៊ុត​ដោយ​ខូឡេជេន​វិញខ្លះៗ ព្រោះ​វា​មិន​សូវ​មាន​ជាតិ​កាត់ និង​ធុំ​ក្លិន​ឈួល​ឡើយ ហើយ​ក៏​មិន​អាច​មិន​ធ្វើ​ដែរ ដោយសារ​តែ​កត្តាជីវភាព។

៣- សុខភាព​ម៉ាក់​ៗ​ចុះ​ខ្សោយ

អ្នកនាង យឺន សុគាន់ ជា​អ្នក​រស់នៅ​ខេត្ត​កំពង់ចាម​បាន​ឲ្យ​ដឹង​ថា ព្រោះ​តែ​ចង់​ស្អាត​កូន​ក្នុង​ផ្ទៃ​បាន ៣ ខែ​ក៏​ទៅ​អ៊ុត​សក់​ត្រង់ ហើយ​តាំងពី​ពេល​នោះ​មក​ខ្លួន​មាន​អាការៈ​វិល​មុខ​ឈឺក្បាល​រហូត ស្រប​ពេល​នឹង​ជិត​សម្រាល​កូន​ទៀត​នោះ ធ្វើឲ្យ​កាន់តែ​បារម្ភ។ ស្ត្រី​វ័យ ២៣ ឆ្នាំ​រូប​នេះ​បាន​ឲ្យ​ដឹង​ទៀត​ថា អាការៈ​សំខាន់​មួយ​ទៀត គឺ​ខ្លួន​អ្នកនាង​ផ្ទាល់​ចេះ​តែ​ថប់​ៗ​ដង្ហើម និង​គ្មាន​កម្លាំង​កំហែង​ក្នុង​ខ្លួន។ ក្រោយ ស្ថានភាព​ខ្លួន​ដុនដាប​បែប​នេះ សុគាន់ ក៏​បារម្ភ​ចំពោះ​កូន​ក្នុង​ផ្ទៃ​ដែរ តែ​ពេល​ទៅ​អេកូ​ពេទ្យ​ថា​មិន​អី​ទេ រង់ចាំ​តាមដាន​ពេល​កើត​ចុង​ខែ ១២ នេះ​សិន។

ពាក់​ព័ន្ធនឹង​ការ​លាប​សក់ ឬ​អ៊ុត​សក់​ត្រង់​ពេល​ពពោះ​នេះ​ដែរ លោកស្រី​ អ៊ួង លីដា នាយ​សាល ផ្នែក​បន្ទប់​សម្រាល នៃ​មជ្ឈមណ្ឌល​ជាតិ​គាំពារ​មាតា និង​ទារក បញ្ជាក់ថា ថ្នាំ​លាប​សក់ និង​ថ្នាំ​អ៊ុត​សក់​គ្រប់​ប្រភេទ មិន​ថា ថ្នាំ​អ៊ុត​សក់​ត្រង់ ឬ​សក់​រួញ​នោះ​ទេ សុទ្ធ​មាន​ជាតិ​គីមី ជាតិ​គីមី​ទាំង​នេះ ទោះ​តិច ឬ​ច្រើន នឹង​ជ្រាប​ចូល​តាម​រយៈ​ស្បែក ពិសេស​ផ្លូវ​ដង្ហើម​របស់​ម៉ាក់ៗ ដែល​អាច​ប៉ះ​ពាល់​ដល់​ការ​លូតលាស់​កូន​ផ្ទៃ។

អត្ថបទពាក់ព័ន្ធ៖

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

អត្ថបទពាក់ព័ន្ធ:

    អត្ថបទនេះមានប្រយោជន៍ចំពោះអ្នកដែរទេ?
    happy unhappy"

    អ្នកអាចចូលចិត្ត

    កូនឈឺដល់កម្រិតណា ទើបគ្រូពេទ្យតម្រូវឲ្យព្យួរសេរ៉ូម?

    ព្យួរសេរ៉ូម-បើ​តាម​ក្បួន​ពេទ្យ អ្នក​ជំងឺ​មិនមែន​សុទ្ធតែ​ត្រូវ​ឲ្យ​បញ្ចូល​សេរ៉ូម​តាម​សរសៃ​ឡើយ តែ​ជាក់ស្ដែង​យើង​សង្កេត​ឃើញ​ជំងឺ​ខ្លះ​មាន​បញ្ហា​បន្តិច...

    ត្រួតពិនិត្យដោយ ចាន់ ស៊ីណេត
    ដោយ ទ្រី រ៉ាវី
    ថែទាំកូន, ចិញ្ចឹមកូន 14/09/2020 . អាន 1 នាទី

    ហេតុផលម៉ាក់ៗចាំបាច់សម្អាតធ្មេញឲ្យកូន តាំងពីមិនទាន់ដុះពន្លក

    ដុសធ្មេញ - ជា​ទូទៅ​យើង​តែង​បង្ហាត់​កូន​ឲ្យ​ចេះ​ដុស​ធ្មេញ នៅ​វ័យ​ប្រហែល ១ ឆ្នាំ​ជាង​ឡើង​ទៅ។ ប៉ុន្តែ​លោកស្រី​វេជ្ជបណ្ឌិត គុជ ឆោមដាលីន បាន​ណែ...

    ត្រួតពិនិត្យដោយ ចាន់ ស៊ីណេត
    ដោយ ទ្រី រ៉ាវី
    ថែទាំកូន, ចិញ្ចឹមកូន 14/09/2020 . អាន 1 នាទី

    ប៉ូវខួរក្បាលកូនក្នុងផ្ទៃឲ្យលូតលាស់ល្អ ម៉ាក់ៗគួរញ៉ាំអីខ្លះពេលពពោះ?

    ខួរក្បាល - ខួរក្បាលជាផ្នែកមួយសំខាន់ ហើយម៉ាក់ប៉ាក៏ខ្វាយខ្វល់ជាងគេដែរ តើធ្វើម៉េចខ្លះដើម្បីឲ្យខួរក្បាលកូនក្នុងផ្ទៃលូតលាស់បានល្អ កើតមកឆ្លាតនោះ?លោកវេជ្ជបណ្ឌិត...

    ត្រួតពិនិត្យដោយ ចាន់ ស៊ីណេត
    ដោយ ដេត ធន្នី
    មានផ្ទៃពោះ, ពពោះ 14/09/2020 . អាន 2 នាទី

    បើកូនក្នុងពោះថ្លោសលើសគីឡូហើយ គួរតម និងផ្អាកអាហារបែបណា?

    ពពោះ - សម្រាប់​ស្ត្រី​មាន​ផ្ទៃពោះ​អាការៈ​ឃ្លាន និង​ញ៉ាំ​ច្រើន​មិន​មែន​ជា​រឿង​ចម្លែក​ឡើយ ព្រោះ​ជា​តម្រូវការ​មនុស្ស ២ នាក់។ ប៉ុន្តែ​អ្វី​ដែល​ប្លែក...

    ត្រួតពិនិត្យដោយ ចាន់ ស៊ីណេត
    ដោយ ទ្រី រ៉ាវី
    មានផ្ទៃពោះ, ពពោះ 14/09/2020 . អាន 2 នាទី

    អត្ថបទគួរអាន

    អាលែកហ្ស៊ី

    អាលែកហ្ស៊ីមានប៉ុន្មានប្រភេទ ហើយបង្កឡើងដោយសារអ្វី?

    ត្រួតពិនិត្យដោយ ចាន់ ស៊ីណេត
    ដោយ ទ្រី រ៉ាវី
    ចេញផ្សាយថ្ងៃទី 15/09/2020 . អាន 2 នាទី
    សុខភាពផ្លូវភេទ

    ពេទ្យណែនាំមិនឲ្យប្រើថ្នាំ ឬផលិតផលផ្ដេសផ្ដាស់នៅបរិវេណទ្វារមាស ប្រយ័ត្នស៊យធំ!

    ត្រួតពិនិត្យដោយ ចាន់ ស៊ីណេត
    ដោយ ទ្រី រ៉ាវី
    ចេញផ្សាយថ្ងៃទី 15/09/2020 . អាន 1 នាទី
    អេកូ

    កូនក្នុងផ្ទៃមានជំងឺខ្សោយបញ្ញាពីកំណើត គេអាចមើលដឹងដោយរបៀបណា?

    ត្រួតពិនិត្យដោយ ចាន់ ស៊ីណេត
    ដោយ ទ្រី រ៉ាវី
    ចេញផ្សាយថ្ងៃទី 15/09/2020 . អាន 2 នាទី
    នំកញ្ចប់

    ហេតុផលម៉ាក់ប៉ា មិនគួរឲ្យកូនតូចៗញ៉ាំនំកញ្ចប់

    ត្រួតពិនិត្យដោយ ចាន់ ស៊ីណេត
    ដោយ ទ្រី រ៉ាវី
    ចេញផ្សាយថ្ងៃទី 14/09/2020 . អាន 2 នាទី