ងាកមកប្រធានបទពេញនិយមសម្រាប់ម៉ាក់ៗថា ការញ៉ាំពងក្ងាន អូទ្រីស កូនឆ្លាតនោះ លោកសូមបដិសេធ ដោយលើកឡើងថា ស៊ុតទាំងអស់សុទ្ធតែមានអត្ថប្រយោជន៍ដូចគ្នា គ្រាន់តែពងមាន់ ពងទា វាតូចជាង និងមានតម្លៃថោក ហើយបើពងអូទ្រីសជារបស់កម្រ។ បន្ថែមពីនោះលោកបានលើកឧទាហរណ៍អ្នកនៅតាមទីជនបទដាច់ស្រយាលញ៉ាំតែពងគ្រួច កូនក៏នៅតែឆ្លាតនោះ បែបនេះមកពីអីវិញ ពោលគឺញ៉ាំពងសត្វអ្វីក៏ល្អដូចគ្នា។
លោកវេជ្ជបណ្ឌិតក៏បានបន្ថែមទៀតថា ការនិយមញ៉ាំពងក្ងាន ពងអូទ្រីស សម្រាប់គ្រួសារទំនើបស៊ីវិល័យ ឬកូនអ្នកមានៗប៉ុណ្ណោះ ហើយគុណសម្បត្តិវាមិនខុសពីពងមាន់ ទា ក្រួច អ្វីនោះទេ តែបើយើងចង់ប្លែក និងមានថវិកាញ៉ាំក៏មិនខុសដែរ។