home

តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

ទោះសម្រាលតាមវិធីវះកាត់ក៏ដោយ ម៉ាក់ៗមិនគួរបណ្ដាយខ្លួនបែបនេះដែរ

ទោះសម្រាលតាមវិធីវះកាត់ក៏ដោយ ម៉ាក់ៗមិនគួរបណ្ដាយខ្លួនបែបនេះដែរ

ការ​សម្រាល​តាម​បែប​ធម្មជាតិ​ គឺជា​ជម្រើស​ល្អ​បំផុតក្នុង​ការ​ផ្ដល់​កំណើតដល់​កូន។ ប៉ុន្តែ​មាន​ហេតុផល​ជាច្រើន​ធ្វើឲ្យ​ម៉ាក់​ៗ​មិន​អាច​សម្រាល​កូន​តាម​វិធី​ធម្មជាតិ​បាន និង​ជ្រើសរើស​ការ​វះកាត់ ហើយ​អ្នក​ខ្លះ​គិត​ថា វះ​កូន​លើក​ទី​មួយ​ហើយ កូន​ក្រោយ​គង់តែ​វះ អាច​ញ៉ាំ​ច្រើន​បាន​តាម​ចិត្ត។

វេជ្ជបណ្ឌិត ចាន់ ស៊ីណេត បាន​ឲ្យ​ដឹង​ថា ពេល​មាន​ផ្ទៃពោះ​មិន​ថា​កូន​ទី​ប៉ុន្មាន​ឡើយ ការ​ញ៉ាំ​ត្រូវតែ​មាន​តុល្យភាព ដោយ​មិន​ឲ្យ​ឡើង​ទម្ងន់​លើស ១៤ គីឡូ​ឡើយ ព្រោះ​ពិបាក​ក្នុង​ការ​សម្រាល​មិន​ថា​ទាំង​ធម្មជាតិ ឬ​វះកាត់ សុទ្ធតែ​ប្រឈម​គ្រោះ​ថ្នាក់​ដូច​គ្នា។

ប្រធាន​ផ្នែក​សម្ភព និង​រោគ​ស្ត្រី​នៃ​មន្ទីរពេទ្យ​បង្អែក​មិត្តភាព​កម្ពុជា-ចិន​សែន​សុខ រូប​នោះ​បន្ថែម​ទៀត​ថា បើ​កូន​ថ្លោស បញ្ច្រាស ស្រប​ពេល​ម្ដាយ​មាន​ស្នាម​វះ​លើ​ស្បូន​កូន​មុន​ក្នុង​គម្លាតឆាប់ និង​ទឹកភ្លោះ​ច្រើន​លើស​លុប ពិតជា​ផ្ដល់​ផល​វិបាក​ពេល​ដំណើរ​ការ​វះកាត់។ វេជ្ជបណ្ឌិត​រូប​នោះ​ក៏​បាន​បន្ត​ទៀត​ថា ការ​ដែល​កូន​ថ្លោស​រហូត​ដល់ ៤ គីឡូ​ហើយ គឺ​បណ្ដាល​មក​ពី​ម៉ាក់​ៗ​ញ៉ាំ​ច្រើន ដែល​នាំ​គ្រោះថ្នាក់ចំពោះខ្លួនឯង និងកូន។

វះកាត់សម្រាលកូន

លោក​បាន​រៀបរាប់​ទៀត​ថា បើ​គីឡូ​ឡើង​ខ្លាំង បូក​រួម​ទំហំ​ពោះ​ធំ ស្បែក​ក៏​ក្រាស់ ការ​វះ​បើក​ពោះ​ឡើង​វិញ​អាច​ស្អិត ហើយ​កូន​ថ្លោស​ទៀត ពិតជា​មិន​ស្រួល​ទេ និង​ក្រោយ​ពេល​ទម្លាក់​សុក ស្បូន​មិន​កន្ត្រាក់​ល្អ មាន​ធ្លាក់ឈាម ពិតជា​គ្រោះថ្នាក់​ដល់​ប្រឈម​នឹង​កាត់​ស្បូន ប្រសិនបើ​ប្រើ​មធ្យោបាយ​ដាក់​ថ្នាំ ឬ​ចង​ក្អោប​ស្បូន ចង​សរសៃ​ឈាម​ស្បូន​គ្មាន​ប្រសិទ្ធិភាព។

ដូចនេះ​ហើយ​វេជ្ជបណ្ឌិត ណែនាំ​ឲ្យ​ស្រ្តី​ពពោះ​ទាំងអស់​កំណត់​របប​អាហារ​ឲ្យ​បាន​ត្រឹមត្រូវ ដោយ​ញ៉ាំ​សាច់​តិច បន្លែ​ផ្លែឈើ​ឲ្យ​បាន​ច្រើន ញ៉ាំ​អាហារ​តិច​ៗ​ឲ្យ​បាន​ច្រើន​ដង ទំពា​ឲ្យ​យូរ តែ​បើ​នៅ​ឃ្លាន​អាច​ញ៉ាំ​គ្រាប់​ធញ្ញជាតិ​ជា​អាហារ​សម្រន់​បាន។

ចំពោះ​រឿង​មិន​គួរ​វិញ មាន​ម៉ាក់​ខ្លះ​យល់​ថា កូន​គង់​តែ​វះកាត់​សម្រាល​ដដែល ដូចនេះ​ហើយ​ចង់​ឡើង​ទម្ងន់​លើស​ខ្លាំង ឬ​ចង់​ញ៉ាំ​អាហារ​គ្មាន​តុល្យភាព​បាន​តាម​ចិត្ត​ចង់ គឺជា​រឿង​ខុស​ហើយ។ អ្នក​ដែល​យល់​ខុស​បែប​នេះ ច្រើន​នាំ​ឲ្យ​ខ្លួន​ឯង​ធាត់​ខ្លាំងសម្រាល​រួចក៏​មិន​ងាយ​ស្រក​ទម្ងន់​មក​វិញ លើស​ឈាម ​ទឹកនោម​ផ្អែម កូន​ថ្លោស ទឹក​ភ្លោះ​ច្រើនជាដើម។

health-tool-icon

គណនាថ្ងៃសម្រាលកូន

ប្រើ​វិធី​គណនា​នេះ​​ គឺ​ដើម្បី​រក​ថ្ងៃ​សម្រាល​កូន​។ វិធី​​នេះ​អាច​ប៉ាន់ស្មាន​ថ្ងៃ​សម្រាល​បាន​ តែ​មិន​ធានា​ថា​ត្រឹម​ត្រូវ​ទាំង​ស្រុង​ទេ​។ ស្រ្តី​ភាគ​ច្រើន មិន​ទាំង​អស់​ទេ អាច​ឆ្លង​ទន្លេ​មុន​ ឬ​ក្រោយ​មួយ​សប្ដាហ៍ នៃ​ពេល​វេលា​ប៉ាន់​ស្មាន​នេះ។

រយៈពេល​វដ្ដរដូវ

28 ចំំនួន​ថ្ងៃ​

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

រូបថត​របស់​អ្នក​និពន្ធbadge
ដោយ Try Ravi កែសម្រួល​ចុងក្រោយ 16/07/2020
ត្រួតពិនិត្យដោយ វេជ្ជ. ចាន់ ស៊ីណេត