home

តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

កៀកថ្ងៃសម្រាលមែនទែន ឬយ៉ាងណា ម៉ាក់ៗអាចសម្គាល់សញ្ញាប៉ុន្មាននេះ

កៀកថ្ងៃសម្រាលមែនទែន ឬយ៉ាងណា ម៉ាក់ៗអាចសម្គាល់សញ្ញាប៉ុន្មាននេះ

ជា​ធម្មតា​ស្រីៗ​មាន​ផ្ទៃ​ពោះ​អាច​ដឹង​ថា ជិត​ដល់​ថ្ងៃ​សម្រាល​កូន​បាន​ដោយ​សារ​ការ​ពិនិត្យ​អេកូ ឬ​រាប់​ចាប់​ពី​ថ្ងៃ​មាន​រដូវ​ចុង​ក្រោយ​មក។ តែ​ទោះ​​យ៉ាង​ណា បើ​កៀក​ថ្ងៃ​សម្រាល​អូន​តូច​មែន​ទែន​ហើយ​នោះ នឹង​មាន​ចេញ​សញ្ញា​មួយ​ចំនួន ដែល​ម៉ាក់ៗ​អាច​កត់​ចំណាំ​បាន។

លោក​វេជ្ជបណ្ឌិត ចាន់ ស៊ីណេត ប្រធាន​ផ្នែក​សម្ភព និង​រោគ​ស្ត្រី នៃ​មន្ទីរពេទ្យ​មិត្តភាព​កម្ពុជា-ចិន សែនសុខ បាន​ឲ្យ​ដឹង​ថា ពិត​ណាស់​ស្ត្រី​ពពោះ បើ​កៀក​ដល់​ថ្ងៃ​សម្រាល​មែន​ទែន​ហើយ មាន​សញ្ញា​មួយ​ចំនួន​កើត​ឡើង ដូច​ជា​ពោះ​ធ្លាក់​ចុះ​ក្រោម​កាន់​តែ​ខ្លាំង មាន​ន័យ​ថា ក្បាល​កូន​បង្វិល​ចុះ​មក​ក្រោម ដើម្បី​ត្រៀម​លក្ខណៈ​សម្រាល។ ក្រៅ​ពី​សញ្ញា​ទាំង​នេះ នៅ​មាន​សញ្ញា​ផ្សេង​ទៀត ដូចជា ម៉ាក់ៗ​ឧស្សាហ៍​រមួល​ក្រពើ ពិបាក​គេង​កាន់​តែ​ខ្លាំង ឈឺ​ចុក​រួយ​ចង្កេះ ធ្ងន់​ត្រគាក នោម​កាន់​តែ​ញឹក ឯ​ស្បូន​ក៏​កន្ត្រាក់។

បញ្ហា​ទាំង​ប៉ុន្មាន​ខាង​លើ​នេះ ធ្វើ​ឲ្យ​ម៉ាក់ៗ​កាន់​តែ​ស្ត្រេស​ ធុញថប់​ខ្លាំង​ជាង​មុន តែ​ទោះ​យ៉ាង​លោក​វេជ្ជបណ្ឌិត​ថា អំឡុង​ពេល​នេះ​ស្ត្រី​ពពោះ​ត្រូវ​ព្យាយាម​សម្រាក​ឲ្យ​បាន​ច្រើន បើ​អាច​ត្រូវ​សុំ​ច្បាប់​សម្រាក​ពី​ការងារ​មុន​កំណត់​ឲ្យ​បាន​យ៉ាង​ហោច​ណាស់​ក៏​២​សប្តាហ៍​ដែរ។ ការ​ឈប់​សម្រាក​ពី​ការងារ​មុន​នេះ ជា​ឱកាស​ដែរ​ម៉ាក់​មាន​ពេល​សម្រាក​ច្រើន សន្សំ​កម្លាំង ដើម្បី​សម្រាល​អាអូន​បាន​ដោយ​សុវត្ថិភាព។

ផ្ទុយ​ទៅ​វិញ បើ​ដល់​ថ្ងៃ​កំណត់​ត្រូវ​សម្រាល​​ហើយ តែ​ម៉ាក់ៗ​មិន​សញ្ញា​អ្វីឲ្យ​ដឹង ឬ​គ្មាន​អ្វី ប្រែប្រួល​នោះ​ទេ ត្រូវ​ប្រញាប់​ទៅ​ជួប​គ្រូពេទ្យ បើ​បណ្តោយ​ទុក​យូរ កូន​កាន់​តែ​ចាស់​ខែ​ទៅ មិន​ល្អ​នោះ​ទេ។

health-tool-icon

គណនាថ្ងៃសម្រាលកូន

ប្រើ​វិធី​គណនា​នេះ​​ គឺ​ដើម្បី​រក​ថ្ងៃ​សម្រាល​កូន​។ វិធី​​នេះ​អាច​ប៉ាន់ស្មាន​ថ្ងៃ​សម្រាល​បាន​ តែ​មិន​ធានា​ថា​ត្រឹម​ត្រូវ​ទាំង​ស្រុង​ទេ​។ ស្រ្តី​ភាគ​ច្រើន មិន​ទាំង​អស់​ទេ អាច​ឆ្លង​ទន្លេ​មុន​ ឬ​ក្រោយ​មួយ​សប្ដាហ៍ នៃ​ពេល​វេលា​ប៉ាន់​ស្មាន​នេះ។

រយៈពេល​វដ្ដរដូវ

28 ចំំនួន​ថ្ងៃ​

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕


អត្ថបទពាក់ព័ន្ធ

ឈឺពោះសម្រាលកូន ស្ត្រីត្រូវឆ្លងកាត់ ៣ ដំណាក់កាលសំខាន់ៗនេះ

ម៉ាក់ៗទើបសម្រាលកូនរួច ធ្វើតាមប៉ុន្មានចំណុចនេះ ឆាប់មានកម្លាំង សម្បូរទឹកដោះឲ្យកូនម៉ឹម

មិនទាន់គ្រប់ខែផង តែបើម៉ាក់ៗមានសញ្ញាទាំងនេះ អាចសម្រាលកូនមុនខែ

វះកាត់សម្រាលកូនមានផលវិបាកច្រើនទាំងអំឡុង និងក្រោយសម្រាល

ឥរិយាបថមួយចំនួន ជួយឲ្យម៉ាក់ៗសម្រាលកូនស្រួល​​(វីដេអូ)

សញ្ញា​គ្រោះថ្នាក់​ពេល​ឈឺពោះ និង​សម្រាលកូន​ (វីដេអូ)

ល្អទេ ម៉ាក់ៗធ្វើការរហូតដល់ថ្ងៃសម្រាលកូន ? (វីដេអូ)

វះកាត់សម្រាលកូនមានផលវិបាកច្រើនទាំងអំឡុង និងក្រោយសម្រាល

គុណសម្បត្តិ-គុណវិបត្តិ នៃការសម្រាលកូនដោយធម្មជាតិ និងវះកាត់


រូបថត​របស់​អ្នក​និពន្ធbadge
ដោយ ដេត ធន្នី កែសម្រួល​ចុងក្រោយ 21/07/2020
ត្រួតពិនិត្យដោយ វេជ្ជ. ចាន់ ស៊ីណេត