ប្រាកដហើយថា អ្នកចង់ចាកចេញ?
តើគ្នាយើងធ្លាប់មានអារម្មណ៍រីករាយ និងមានចង់ធ្វើការនៅកន្លែងខ្លះទេ? នេះគឺមកពីយើងមានអារម្មណ៍វិជ្ជមានក្នុងការលើកទឹកចិត្តខ្លួនឯង និងមានអារម្មណ៍ល្អខណៈអ្នកផ្សេងទៀតមិនមាន។ នេះជាមូលហេតុដែលបរិស្ថានការងារល្អគឺជាកត្តាដែលជំរុញដល់ការធ្វើការរបស់និយោជិក។ បរិយាកាសការងារដែលល្អអាចបង្កើនផលិតភាព និងសុខភាពសធារណៈផងដែរ។
ដើម្បីរៀនពីរបៀបបង្កើតបរិយាកាសការងារដ៏ល្អយើងត្រូវពិនិត្យមើលពីចំណុចសំខាន់ៗទាំង ៥ មាន៖
១– បរិយាកាសវិជ្ជមានក្នុងការងារ
វានឹងធ្វើឲ្យយើងមានភាពរីករាយ និងគ្មានភាពតានតឹងនៅពេលយើងធ្វើការជាមួយនឹងបរិយាកាសដែលវិជ្ជមាន។ បរិយាកាសការងារវិជ្ជមានគឺមិនត្រឹមតែមានសារៈសំខាន់សម្រាប់សុខភាពរាងកាយទេ វាក៏សំខាន់សម្រាប់ផ្លូវចិត្ត និងអារម្មណ៍របស់យើងដែរ ប៉ុន្តែវាក៏នៅមានកម្រិតនៅឡើយ។ នៅពេលដែលយើងមានអារម្មណ៍ល្អនៅកន្លែងធ្វើការ នោះដំណើរការក្នុងការងារ និងវិធានការការងារក៏ល្អប្រសើរដែរ។
វិធីក្នុងការបង្កើត៖
ត្រូវមានបរិស្ថានការងារស្អាត និងមានផាសុខភាពជាមួយនឹងពន្លឺព្រះអាទិត្យគ្រប់គ្រាន់ និងគ្រឿងសង្ហារឹមសម្រាប់សម្រាក។ ត្រូវមានរុក្ខជាតិរស់នៅក្នុងការិយាល័យដូចជាការសិក្សាខាងផ្នែកវិទ្យាសាស្ត្របានបង្ហាញពីអត្ថប្រយោជន៍នៃរុក្ខជាតិពណ៌បៃតងច្រើននៅក្នុងការិយាល័យដែលជាតម្រូវការរបស់មនុស្សពីធម្មជាតិដែលអ្នកវិទ្យាសាស្ដ្រសំដៅថាជា “biophilia” ។
២– វិធានការសុខភាព និងសុវត្ថិភាពការងារ
កន្លែងធ្វើការដែលមានសុខភាពល្អគឺត្រូវគិតលើសុខភាព និងសុវត្ថិភាពរបស់និយោជិករបស់ខ្លួន។ វាជួយរារាំងដល់ការព្រួយបារម្ភ និងភាពខ្វល់ខ្វាយពីសុវត្ថិភាពនៅពេលធ្វើការ។
វិធីក្នុងការបង្កើត៖
ត្រូវធានាថាខ្សែភ្លើងអេឡិចត្រូនិចត្រូវបានដាក់នៅក្រោម ឬក្នុង និងជួសជុលកម្ទេចកម្ទីនៅជញ្ជាំង ឬពិដាន។ ត្រូវមានបង្អួចគ្រប់គ្រាន់ និងឧបករណ៍ពន្លត់អគ្គីភ័យសម្រាប់វិធានការសុវត្ថិភាពពេលចាំបាច់។
អត្ថបទពាក់ព័ន្ធ៖ ធុញការងារកម្រិតណា សាកវាស់ខ្លួនឯងប៉ុន្មានចំណុចនេះ
៣– សកម្មភាពរស់នៅដែលប្រកបដោយសុខភាពល្អ
បុគ្គលិកគឺជាកម្លាំងរបស់អង្គភាពទាំងអស់។ រាល់សុខុមាលភាពរបស់និយោជិកគឺជាការបង្កើនផលិតភាពនឹងអាចទទួលបានដូចជាកាត់បន្ថយចំនួនអវត្តមានតាមរយៈការសម្រាកឈឺ។
វិធីក្នុងការបង្កើត
លើកទឹកចិត្តនិយោជិតឱ្យយកម្ហូបអាហារពីផ្ទះមកដោយខ្លួនឯង ហើយផ្តល់នូវទូរទឹកកក និងម៉ាស៊ីនកំដៅម្ហូប។ អាហារថ្ងៃត្រង់ និងអាហារសម្រន់អាចយកចូលកិច្ចប្រជុំបាន។ លើកកម្ពស់ដល់សុខុមាលភាព និងការហាត់ប្រាណកាយសម្បទាដោយមានកន្លែងហាត់ប្រាណនៅការិយាល័យដើម្បីលើកទឹកចិត្តដល់និយោជិកឱ្យធ្វើការហាត់ប្រាណមុននិងក្រោយពេលធ្វើការ និងពេលសម្រាក។ លើកទឹកចិត្តឲ្យបុគ្គលិកប្រើប្រាស់ជណ្តើរជើងហើយឲ្យពួកគេចូលរួមក្នុងការរត់ និងការរត់ម៉ារ៉ាតុងដើម្បីឱ្យពួកគេមានសុខភាពល្អ។
អត្ថបទពាក់ព័ន្ធ៖ សម្ពាធការងារ មនុស្ស ៤៥% សារភាពថា ធ្លាប់សម្រក់ទឹកភ្នែក
៤– ការគាំទ្រ និងការសហការរបស់សហការី
ការផ្តល់អាហាររូបត្ថម្ភ និងការគាំទ្រគ្នាទៅវិញទៅមកនៅក្នុងការិយាល័យដើម្បីបង្ហាញពីការយកចិត្តទុកដាក់របស់ក្រុមហ៊ុនមិនមែនមានតែមុខជំនួញទេ ប៉ុន្តែគឺដើម្បីខ្វល់ពីសុខភាពរបស់បុគ្គលិក និងមិត្តរួមការងារផងដែរ។ វប្បធម៌នៃការគាំទ្រគ្នា និងការយកចិត្តទុកដាក់គ្នាគឺជាកត្តាដែលនាំឲ្យបរិស្ថានការងារអ្នកនាំឲ្យអ្នកមានសុខភាពល្អ។
អត្ថបទពាក់ព័ន្ធ៖ ការងារមួយចំនួន អាចបង្កឲ្យមានអត្រាកើតជំងឺហឺតខ្ពស់ជាងការងារផ្សេង(ភាគទី ២)
វិធីក្នុងការបង្កើត៖
បណ្ដុះបណ្តាលមិត្តភាពនៅកន្លែងធ្វើការ ធ្វើពិធីបុណ្យកំណើត កម្មវិធីជួបជុំគ្នា មានសកម្មភាពល្បែងកម្សាន្តជាក្រុម បង្ហាញការយកចិត្តទុកដាក់គ្នា និងការអាណិតអាសូរចំពោះគ្នាទៅវិញទៅមក។ អនុវត្តកម្មវិធីសប្បុរសធម៌ ការដឹងគុណគ្នា ត្រូវមានភាពស្មោះត្រង់ និងការជឿទុកចិត្តលើគ្នា។
៥– សុខភាព និងវប្បធម៌អជីវកម្ម
ក្រុមហ៊ុននីមួយៗមានវប្បធម៌ក្នុងការធ្វើអជីវកម្មរៀងៗខ្លួនដែលធ្វើឱ្យតម្លៃរបស់វានៅមានកម្រិត។ វាជាទម្លាប់ដែលនិយោជិកជាធម្មតាបានប្រកាន់ខ្ជាប់។ ក្រុមហ៊ុនដែលមានវប្បធម៌នូវសុខភាពល្អនោះបរិស្ថានការងារនឹងកាន់តែមានភាពវិជ្ជមាននិងមានភាពសប្បាយរីករាយជាងមុន ដែលធ្វើឲ្យបរិយាកាសកាន់តែស្រស់ថ្លា និងសុទិដ្ឋិនិយមជាងមុន។ វប្បធម៌អជីវកម្មប្រកបដោយសុខភាពល្អក៏អាចជួយឲ្យនិយោជិកមានផលិតភាពខ្ពស់ និងជុំរុញឲ្យគុណភាពការងារបានល្អជាងមុន។
អត្ថបទពាក់ព័ន្ធ៖ ដឹងអត់! រំលែកពេលខ្លះដើរលេងកម្សាន្ត ជួយបានទាំងសុខភាព និងបង្កើនផលិតភាពការងារ
វិធីក្នុងការបង្កើត៖
កសាងគោលបំណងដោយផ្តោតលើសុខភាពរបស់អង្គភាព និងការចូលរួមរបស់ក្រុមមនុស្សដែលឆ្ពោះទៅរកគោលបំណងទាំងនេះ។ ត្រូវមានកម្មវិធីហាត់ប្រាណប្រចាំសប្តាហ៍ដូចជាវគ្គ Zumba ជាក្រុម អនុវត្តការអភ័យទោសឲ្យគ្នាទៅវិញទៅមកចំពោះកំហុសដែលធ្លាប់មាន និងសិក្សាពីមេរៀនដែលមានជំនួសដោយការចង្អុលកំហុសគ្នាទៅវិញទៅមក។
បរិយាកាសការងារដែលមានសុខភាពល្អអាចជំរុញដល់ទឹកចិត្តរបស់បុគ្គលិក និងឲ្យផលិតភាពកាន់តែប្រសើរឡើង។ វាជាស្ថានភាពឈ្នះឈ្នះសម្រាប់ទាំងនិយោជក និងនិយោជិត ហើយគួរតែធ្វើនៅគ្រប់កន្លែងធ្វើការ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញ វេជ្ជបញ្ជា មិនធ្វើរោគវិនិច្ឆ័យ ឬការព្យាបាលជូនទេ។
ប្រើវិធីគណនានេះ គឺដើម្បីរកថ្ងៃសម្រាលកូន។ វិធីនេះអាចប៉ាន់ស្មានថ្ងៃសម្រាលបាន តែមិនធានាថាត្រឹមត្រូវទាំងស្រុងទេ។ ស្រ្តីភាគច្រើន មិនទាំងអស់ទេ អាចឆ្លងទន្លេមុន ឬក្រោយមួយសប្ដាហ៍ នៃពេលវេលាប៉ាន់ស្មាននេះ។
រយៈពេលវដ្ដរដូវ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
https://inside.6q.io/creating-a-healthy-workplace-environment/
https://www.ciphr.com/advice/plants-in-the-office/
https://inside.6q.io/57-great-ways-to-encourage-better-employee-health/
https://medium.com/thrive-global/3-key-characteristics-of-a-happy-workplace-6fec4d7d7d87
