ទារក កើតតាមបែបធម្មជាតិ និងវះកាត់ មានបាក់តេរីខុសគ្នា

ត្រួតពិនិត្យដោយ | ដោយ

កែសម្រួលចុងក្រោយនៅថ្ងៃទី 20/09/2019
Share now

ពីដើម ម៉ាក់ៗ តែងតែ​សម្រាល​កូន​តាមបែប​ធម្មជាតិ ប៉ុន្ដែ​បច្ចុប្បន្ន មាន​ម៉ាក់ៗ​មិន​តិចទេ បាន​សម្រេច​ជ្រើសរើស​យក​ការ​សម្រាល​ដោយ​វះកាត់។ ពាក់ព័ន្ធ​នឹង​ការ​សម្រាល​ទាំង ២​បែប​នេះ អ្នក​ស្រាវជ្រាវ​អង់គ្លេស បាន​រកឃើញ​ភាព​ខុសគ្នា​សំខាន់​មួយ ដែល​ជា​តម្រុយ​អំពី​ការ​វិវត្ត​នៃ​ប្រព័ន្ធ​ការពារ​ក្នុងរាងកាយ។

ជាលទ្ធផលបង្ហាញថា ទារក​កើត​តាម​បែប​ធម្មជាតិ ទទួល​បាក់តេរី​ពោះវៀន​ជាច្រើន ពី​ម៉ាក់ៗ ចំណែក​ទារក​កើត​តាម​ការ​វះកាត់​វិញ ពុំទទួល​បាក់តេរី​ពី​ម៉ាក់ៗ​ទេ តែ​ទទួល​បាក់តេរី ដែល​ស្ថិតនៅ​មន្ទីរពេទ្យ ដែល​រួមមាន​ប្រភេទ​បាក់តេរី​ស៊ាំ​នឹង​ថ្នាំផងដែរ​។

លោកសាស្ត្រាចារ្យ Peter Brocklehurst មកពី​សាកលវិទ្យាល័យ Birmingham បញ្ជាក់​ថា សប្ដាហ៍​ដំបូង​ក្រោយ​សម្រាល គឺសំខាន់​ណាស់​សម្រាប់​ការ​វិវត្ត​ប្រព័ន្ធ​ការពារ​របស់​ទារក ប៉ុន្ដែ​អ្នកវិទ្យាសាស្ត្រ​ដឹង​តិចតួច​ណាស់​អំពី​ការ​វិវត្ត​នេះ។ លោក​ថា ក្រុម​អ្នកស្រាវជ្រាវ​នឹង​តាមដាន​បន្ថែម​ទៀត លើ​បញ្ហា​នេះ។

ប៉ុន្ដែ​ការសិក្សា​ពីមុន រកឃើញ​ថា ទារក​ទទួល​បាក់តេរី​តិច ក្រោយ​សម្រាល ប្រឈម​កើត​ជំងឺ​ប្រឆាំង​ប្រព័ន្ធ​ការពារ ដូចជា ហឺត អាលែកហ្ស៊ី និង​ទឹកនោមផ្អែម។ ទោះយ៉ាងណា វាមិន​ច្បាស់​ថា ភាព​ខុសគ្នា​នេះ ប៉ះពាល់​ដល់​សុខភាព​របស់​កុមារ​នាពេល​ខាងមុខ ឬ​អត់​នោះ​ទេ។ នេះ​បើតាម​អ្នកស្រាវជ្រាវ។

គួរបញ្ជាក់​ថា ការសិក្សា​ថ្មី​នេះ ក្រុមអ្នកស្រាវជ្រាវ​អង់គ្លេស បាន​វិភាគ​លើ​គំរូ​បាក់តេរី ជាង ១.៦០០ ដោយ​យកចេញ​ពី​ម៉ាក់ៗ ១៧៥​នាក់ និង​ទារក ជិត ៦០០​នាក់។

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

អត្ថបទពាក់ព័ន្ធ:

    អ្នកអាចចូលចិត្ត

    ខ្សោយសាច់ដុំពេលពពោះមានអាការៈម៉េចខ្លះ? ប៉ះពាល់កូនអត់?

    ពពោះ -​ ស្រីៗ​នៅ​ពេល​ពពោះ សុខភាព​ចាប់​ផ្តើម​ចុះ​ខ្សោយ ហើយអាចប្រឈមនឹងបញ្ហាខ្សោយសាច់ដុំ ដែលភាគច្រើន បង្ហាញអាការៈដូចជាទន់​ខ្សោយ...

    ត្រួតពិនិត្យដោយ ចាន់ ស៊ីណេត
    ដោយ នាង សុខុមដាលីញ៉ា

    គុណសម្បត្តិ-គុណវិបត្តិ នៃការសម្រាលកូនដោយធម្មជាតិ និងវះកាត់

    សម្រាលកូន - ការ​សម្រាល​បែង​ចែក​ជា​២ប្រភេទ គឺ​ការ​សម្រាល​តាម​ធម្មជាតិ និង​ការ​សម្រាល​ដោយ​វះកាត់។ បើ​តាម​ការ​បញ្ជាក់​របស់​សាស្ត្រាចារ្យ​វេជ្ជបណ្ឌិត

    ត្រួតពិនិត្យដោយ ចាន់ ស៊ីណេត
    ដោយ ដេត ធន្នី

    វិធីកាត់បន្ថយជ្រុះសក់ ក្រោយសម្រាលកូនរួច

    សម្រាលកូន-ក្រោយ​សម្រាល​កូន​រួច ម៉ាក់​ៗ​ជាច្រើន​ប្រាកដ​ជា​ជួប​បញ្ហា​ជ្រុះ​សក់​ជាក់ជា​មិន​ខាន ដែល​ចាស់​ៗ​និយាយ​ថា​កូន​ស្គាល់​មុខ។ ក្នុង​នោះ​ដែរ គ្មាន​...

    ត្រួតពិនិត្យដោយ ចាន់ ស៊ីណេត
    ដោយ ទ្រី រ៉ាវី

    WHO ណែនាំការលាងសម្អាតបន្លែ ផ្លែឈើ ដើម្បីការពារមិនឲ្យឆ្លងCOVID-19

    COVID-19- អង្គការសុខភាពពិភពលោក បាន​ផ្សព្វផ្សាយ​ពី​វិធី​ណែនាំ ៣ចំណុច ក្នុង​ការ​លាង​សម្អាត​បន្លែ ឬ​ផ្លែឈើ ជា​វិធានការ​បន្ថែម​ក្នុង​ការ​ទប់ស្កាត់​.....

    ត្រួតពិនិត្យដោយ ដេត ធន្នី
    ដោយ នាង សុខុមដាលីញ៉ា