គណនារកចង្វាក់បេះដូងល្អបំផុតពេលហាត់ប្រាណ

កំណត់​រក​កម្រិត​ចង្វាក់​បេះដូង​ល្អ​បំផុត​ពេល​ហាត់​ប្រាណ របស់​យើង ដោយ​គ្រាន់​តែ​ប្រើ​វិធី​គណនា​ខាង​ក្រោម
សូម​បំពេញ​ព័ត៌មាន​ខាង​ក្រោម ដើម្បី​រក​កម្រិត​ចង្វាក់​បេះដូង​ល្អ​បំផុត​អំឡុង​ពេល​ហាត់​ប្រាណ។ ការ​ហាត់​ប្រាណ​នឹង​កាន់​តែ​មាន​ប្រសិទ្ធភាព បើ​សិន​ចង្វាក់​បេះដូង​យើង​ស្ថិត​ក្នុង​កម្រិត​នេះ (ដង/នាទី)
 
ប្រុស
ស្រី
Please select your gender!
Please enter your age

ចង់​ដឹង​ចង្វាក់​បេះដូង​ល្អ​បំផុត​ពេល​ហាត់​ប្រាណ មាន​កម្រិត​ប៉ុន្មាន យើង​គួរ​គណនា​តាម​វិធី​ណា? ការពិត គ្រាន់​តែ​ប្រើ​វិធី​គណនា​នៅ​ខាង​ឆ្វេង​ដៃ​នេះ! ការ​គណនា​រក​កម្រិត​ចង្វាក់​បេះដូង​ល្អ​បំផុត​ពេល​ហាត់​ប្រាណ អាច​ធ្វើ​បាន​សម្រាប់​មនុស្ស​គ្រប់​វ័យ និង​គ្រប់​កម្រិត​លំហាត់​ប្រាណ ដើម្បី​តាមដាន​ចង្វាក់​បេះដូង​កម្រិត​ចន្លោះ​ប៉ុនណា​ល្អ​បំផុត និង​ធ្វើ​ឲ្យ​ការ​ហាត់ប្រាណ​កាន់​តែ​មាន​ប្រសិទ្ធភាព។

អ្វី​ជា​កម្រិត​ចង្វាក់​បេះដូង​ល្អ​បំផុត​ពេល​ហាត់​ប្រាណ?

មុន​គណនា​រក និង​តាម​ដាន​កម្រិត​ចង្វាក់​បេះដូង​ល្អ​បំផុត​ពេល​ហាត់​ប្រាណ យើង​ត្រូវ​ដឹង​ពី​កម្រិត​ចង្វាក់​បេះដូង​ធម្មតា របស់​យើង​សិន។ កម្រិត​ចង្វាក់​បេះដូង​ធម្មតា គឺ​ជាចំនួន​ដង​ដែល​បេះដូង​លោត​ក្នុង​មួយ​នាទី ពេល​យើង​មិន​មាន​សកម្មភាព​រាងកាយ។ យើង​អាច​ឆែក​មើល​ចង្វាក់​បេះដូង​ធម្មតា នៅ​ពេល​ព្រឹក បន្ទាប់​ពី​គេង​បាន​ស្កប់ស្កល់ និង​មុន​ពេល​ចូល​គេង។

យោង​តាម​វិទ្យាស្ថានជាតិ​សុខាភិបាល​អាមេរិក​ថា ចង្វាក់​បេះដូង​ធម្មតា​ជា​មធ្យម៖

  • សម្រាប់​ក្មេង​អាយុ ១០​ ឆ្នាំ ឬ​លើស​ហ្នឹង និង​មនុស្ស​ពេញ​វ័យ (រួម​ទាំង​មនុស្ស​ចាស់) មាន​ចង្វាក់​បេះដូង​ធម្មតា​ចន្លោះ​ពី ៦០-១០០ ដង​ក្នុង​មួយ​នាទី
  • សម្រាប់​អត្តពលិក​អាជីព មាន​ចង្វាក់​បេះដូង​ធម្មតា ចន្លោះ​ពី ៤០-៦០ ដង​ក្នុង​មួយ​នាទី

ដឹង​ចង្វាក់​បេះដូង​ល្អ​បំផុត​ពេល​ហាត់​ប្រាណ មាន​ប្រយោជន៍​អ្វីខ្លះ?

ចង្វាក់​បេះដូង​ល្អ​បំផុត​ពេល​ហាត់​ប្រាណ ជា​រង្វាស់​មួយ​ដើម្បី​វាស់​ស្ទង់​កម្រិត​ហាត់​​ប្រាណ​ថា​តើ យើង​ហាត់​ប្រាណ​ស្រាល ឬ​ធ្ងន់​ប៉ុនណា។ ការ​ស្រាវជ្រាវ​បង្ហាញ​ថា បើ​យើង​ហាត់​ប្រាណ ដោយ​រក្សា​ចង្វាក់​បេះដូង​យើង​ឲ្យ​នៅ​ក្នុង​រង្វង់​កម្រិត​ចង្វាក់​បេះដូង​ល្អ​បំផុត​ពេល​ហាត់​ប្រាណ (ដែល​បាន​គណនា​រក​ឃើញ) នោះ​ការ​ហាត់​ប្រាណ​របស់​យើង​នឹង​កាន់​តែ​មាន​ប្រសិទ្ធភាព ដោយ​ពង្រឹង​សុខភាព​សរសៃ​ឈាម​បេះដូង។ អ្នក​ដែល​ធ្វើលំហាត់​ប្រាណ​តិច​តួច ឬ​មិន​ធ្វើ​សោះ ព្រមទាំង​អ្នក​ដែល​ទើប​ចាប់ផ្ដើម​ធ្វើ​លំហាត់​ប្រាណ ដំបូង គួរ​ហាត់​ប្រាណ​ក្នុង​កម្រិត​ចន្លោះ​ទាប​នៃចង្វាក់​បេះដូង​ល្អ​បំផុត​ពេល​ហាត់​ប្រាណ​របស់​ខ្លួន ពោល​គឺ​ប្រមាណ​ជា ៦០% នៃ​ចង្វាក់​បេះដូង​អតិបរមា​របស់​ខ្លួន រហូត​ដល់​ចាប់​ផ្ដើម​ស៊ាំ ចាំ​បង្កើនកម្រិតហាត់ប្រាណ។ ធម្មតា បើ​យើង​ហាត់ប្រាណ​ខ្លាំង ដង្ហើម​យើង​នៅ​អាច​និយាយ​​បាន តែ​មិន​អាច​ច្រៀង​បាន។