បើមានកំហុសឆ្គងណាមួយ សូមប្រាប់ពួកយើងដើម្បីកែតម្រូវ
បើមានកំហុសឆ្គងណាមួយ សូមប្រាប់ពួកយើងដើម្បីកែតម្រូវ
ថ្វីត្បិតតែ Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនក៏ពិតមែន ប៉ុន្តែពួកយើងពិតជាស្វាគមន៍រាល់មតិកែលម្អិតទាំងអស់របស់លោកអ្នកដែលតែងតែតាមដាន Hello គ្រូពេទ្យ ជាប្រចាំ។ សូមវាយបញ្ចូលមតិយោបល់របស់លោកអ្នកក្នុងប្រអប់ខាងក្រោម។
បន្លែពិតជាល្អសម្រាប់សុខភាព គ្នាយើងគួរតែញ៉ាំបន្លែឲ្យបានច្រើនក្នុងរបបអាហារប្រចាំថ្ងៃ។ ដឹងហើយ គ្នាយើងខ្លះចង់បានសុខភាពល្អដែរ តែអត់ចេះញ៉ាំបន្លែសោះ ពិសេសក្មេងៗ ឬប្រុសៗចូលចិត្តតែសាច់សុទ្ធ ច្បាស់ជាត្រូវពឹងលើស្រីៗគ្នាយើងដែលជាមេផ្ទះដៃចំណាននេះហើយ។ “Hello ពេទ្យ” មានតិចនិកពិសេសៗខ្លះ ចង់ណែនាំគ្នាយើង ដើម្បីអាចបញ្ចូលបន្លែក្នុងរបបអាហារបាន។
១- ចម្អិនបន្លែបានលឿនជាងមុន
គ្នាយើងមួយចំនួនស្ទាក់ស្ទើររឿងញ៉ាំបន្លែ ដោយសារតែពួកគេមិនមានពេលគ្រប់គ្រាន់ដើម្បីចម្អិន ទោះបីជាបន្លែស្រស់ ឬក្លាសេទុកក៏ដោយ សុទ្ធតែអាចយកទៅធ្វើម្ហូបបានយ៉ាងងាយស្រួលដោយ គ្រាន់តែយកទៅកម្ដៅក្នុងម៉ាស៊ីនកម្ដៅអាហារ ជាការស្រេច។
២- រៀបចំទុកជាមុន
ចំណុចសំខាន់ដើម្បីចៀសវាងភាពស្ទាក់ស្ទើរប្រើបន្លែដើម្បីចម្អិនជាអាហារ គប្បីរៀបចំទុកជាមុន។ ឧទាហរណ៍ ទិញផ្កាខាត់ណា ខាត់ណាខៀវ ម្ទេសផ្លោក ទុកក្នុងទូរទឹកកកជាមុន ធ្វើបែបនេះ យើងអាចយកវាមកចម្អិននៅពេលណាក៏បាន។
៣- ជ្រើសរើសបន្លែមានពណ៌ស្រស់ល្អ
ប្រភេទបន្លែមានពណ៌ស្រស់ល្អ ដូចជា ពណ៌ក្រហម បៃតងចាស់ និងពណ៌ទឹកក្រួច សុទ្ធតែល្អព្រោះមានផ្ទុកវីតាមីន និងសារធាតុរ៉ែច្រើន។ យើងអាចសាកញ៉ាំផ្លែ ប៉េងប៉ោះ ដំឡូង ការ៉ុត ឬសណ្តែក ដើម្បីទទួលបានផលប្រយោជន៍ច្រើនពីបន្លែទាំងនេះ ណាមួយអាចជួយធ្វើឲ្យអាហារមានពណ៌ចម្រុះ គួរឲ្យចង់ញ៉ាំទៀតផង។
អត្ថបទពាក់ព័ន្ធ៖
៤- សាកល្បងញ៉ាំបន្លែក្លាសេ
បន្លែក្លាសេ ក៏ល្អ និងសារធាតុចិញ្ចឹម ដូចបន្លែស្រស់ដែរ។ ទោះយ៉ាងណាក៏ដោយ យើងគួរតែញ៉ាំវាក្នុងរយៈពេលណាមួយឲ្យបានលឿន ដើម្បីចៀសវាងការបាត់បង់វីតាមីន និងសារធាតុរ៉ែ ដូចជា សណ្តែកបារាំង ស្ពៃខ្មៅ ឬពោត ទៅក្នុងអាហារយើង អាចធ្វើឲ្យមាន រសជាតិកាន់តែឆ្ងាញ់ ពិសេសជួយដល់ប្រព័ន្ធរំលាយអាហារទៀតផង។
៥-ទិញបន្លែទុក
តើគួរធ្វើបែបណាបើអ្នកចង់បន្ថែមបន្លែជាមួយទៅក្នុងរបបអាហារប្រចាំថ្ងៃ ប៉ុន្តែគ្មានពេលទៅទិញសោះ? យើងអាចទិញប្រភេទបន្លែកំប៉ុងទុកបាន ព្រោះក៏មានរសជាតិឆ្ងាញ់ដែរ ហើយថែមទាំងមានសុពលភាពប្រើប្រាស់បានយូរទៀតផង។
៦- ធ្វើសាលាដមានពណ៌ចម្រុះ
សាលាដពិតជាមានរសជាតិឆ្ងាញ់ ប៉ុន្តែយើងអាចធ្វើឲ្យវាកាន់តែមានរសជាតិជាងនេះបាន ដោយគ្រាន់តែបន្ថែមផ្លែប៊ើរ ២-៣ ដុំ ម្រេចក្រហម និងការ៉ុតចំណិតតូចៗ នឹងធ្វើឲ្យយើងកាន់តែពេញចិត្ត ញ៉ាំសាលាដជាអាហារប្រចាំថ្ងៃមិនខាន។
៧- សាកល្បងធ្វើស៊ុបបន្លែ
បើមិនចូលចិត្តញ៉ាំបន្លែឆៅ ក៏មិនអីដែរ យើងអាចញ៉ាំជាប្រភេទ ស៊ុប ឬបបរបន្លែ អាចធ្វើឲ្យយើងទទួលបានរសជាតិថ្មី និងចូលចិត្តទៀតផង។
៨- កុម្ម៉ង់សាលាដពេលទៅញ៉ាំនៅខាងក្រៅ
គួរតែកុម្ម៉ង់សាលាដ នៅពេលយើងទៅញ៉ាំអាហារនៅខាងក្រៅ ជាជាងការកុម្ម៉ង់ប្រភេទអាហារឆា ឬចៀន។
៩- ញ៉ាំតាមរដូវកាលរបស់បន្លែ
ការញ៉ាំបន្លែស្របតាមរដូវកាលដាំដុះរបស់វា បើទោះជាមិនមានអាចធានាថាវាមានរសជាតិឆ្ងាញ់ក៏ពិតមែន ប៉ុន្តែមានតម្លៃថោក បើប្រៀបធៀបទៅ បន្លែដែលស្ថិតក្នុងរដូវទទួលផល។
១០- ញ៉ាំប្រភេទបន្លែផ្សេងៗគ្នា
សូមញ៉ាំបន្លែផ្សេងៗគ្នា និងព្យាយាមបង្កើតអាហារថ្មីៗឲ្យបានច្រើនដង អាចជួយបង្កើតគំនិតច្នៃប្រឌិតអាហារថ្មី និងពង្រឹងការលាយពណ៌ក្នុងម្ហូបចម្អិនពីបន្លែ។ បើមិនចូលចិត្តច្នៃមុខម្ហូបដោយខ្លួនឯង អាចទិញសៀវភៅចម្អិនម្ហូបល្បីៗ មកសាកល្បងបាន។ ចម្អិនអាហារ មានបន្លែច្រើនមុខ មិនពិបាកទេសម្រាប់គ្នាយើង ពិសេសស្រីៗមានរូបមន្ត បទពិសោធច្រើនឆ្នាំ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
10 Tips: Add More Vegetables to Your Day. https://www.choosemyplate.gov/ten-tips-add-more-vegetables-to-your-day Accessed February 17, 2017
10 tips to help you eat more vegetables. https://www.cnpp.usda.gov/sites/default/files/dietary_guidelines_for_americans/DGTipsheet2AddMoreVegetables.pdf Accessed February 17, 2017
12 Ways to Eat More Vegetables and Fruit. http://www.cookinglight.com/healthy-living/healthy-habits/eat-vegetables-fruits Accessed February 17, 2017
