home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

អាហារល្អៗគួរញ៉ាំមុនពេលហាត់ប្រាណ

អាហារល្អៗគួរញ៉ាំមុនពេលហាត់ប្រាណ

ហាត់​ប្រាណ និង​របប​អាហារ​សុខភាព ជា​ទម្លាប់​រស់​នៅល្អ​ ទាំង​ផ្លូវកាយ និង​ផ្លូវ​ចិត្ត ជួយ​ឲ្យ​អាយុ​វែង ប៉ុន្តែ​បើ​ញ៉ាំ​មិន​ត្រឹម​ត្រូវ ទោះ​ខំ​ហាត់​ប្រាណ​យ៉ាង​ណា ក៏​ក្លាយ​ជា​អាសា​បង់​ដែរ។ ពេល​ខ្លះ​គ្នា​យើង ចូល​ចិត្ត​ជ្រើស​រើស​ការ​ហាត់​ប្រាណ​ដោយ​ពពោះ​ទទេ ដែល​វិធី​នេះ អាច​ប៉ះ​ពាល់​សុខភាព​បាន ហេតុនេះ គួរ​ញ៉ាំ​អី​ខ្លះ​មុន​ពេល​ហាត់​ប្រាណ ខណៈ “Hello គ្រូពេទ្យ” នឹង​ណែនាំ​អាហារ​ល្អៗ​គួរ​ញ៉ាំ​ ១ម៉ោង មុន​ពេល​ហាត់​ប្រាណ​ គ្នា​យើង​គួរ​តែដឹង។

១- ផ្លែ​ចេក

ផ្លែ​ចេក ជា​បណ្តុំ​នៃ​ថាមពល​ពី​ធម្មជាតិ សម្បូរ​ទៅ​ដោយ​កាបូអ៊ីដ្រាត និង​ប៉ូតាស្យូម ជួយ​ឲ្យ​រាងកាយ​ ទទួល​បាន​ថាមពល​គ្រប់​គ្រាន់​សម្រាប់​ហាត់​ប្រាណ និង​ថែរក្សា​មុខងារ​សរសៃ​ប្រសាទ ក៏​ដូចជា​សាច់​ដុំ។ រាងកាយ​យើង មិន​អាច​ផ្ទុក​ជាតិ​ប៉ូតាស្យូម​បាន​យូរ​នោះ​ទេ ហេតុនេះ​ញ៉ាំ​ចេក​បន្តិច​មុន​ពេល​ហាត់​ប្រាណ នឹង​ជួយ​រក្សា​សារជាតិ​ចិញ្ចឹម​ឲ្យ​នូវ​ក្នុង​កម្រិត​ខ្ពស់។

២- យ៉ាអួ

យ៉ាអួ ជា​ប្រភេទ​អាហារ​សម្បូរ​ជាតិ​ប្រូតេអ៊ីន​ខ្ពស់។ ស្រប​ពេល​គ្នា​យើង​ជា​ច្រើន ដែល​បាន​ព្យាយាម​មិន​ញ៉ាំ​ផ្លែ​ឈើ​​មាន​ជាតិ​កាបូអ៊ីដ្រាត​ខ្ពស់ នាំ​ឲ្យ​អំឡុង​ពេល​ហាត់​ប្រាណ រាង​កាយ​ពិបាក​បំបែក​ជាតិ​ប្រូតេអ៊ីន​បាន​លឿន តាម​ថាមពល​យើង​បញ្ចេញ​នោះ​ឡើយ ខណៈ​កាបូអ៊ីដ្រាត​ក្នុង​យ៉ាអួ គឺ​អាច​បំបែក​បាន​លឿន និង​មាន​ប្រូតេអ៊ីន​ច្រើន អាច​ជួយ​ការពារ​ករណី​ខូចខាត​សាច់​ដុំ​ថែម​ទៀត​ផង។

៣- ទឹក​ផ្លែ​ឈើ​ក្រឡុក

អាហារ​សម្រន់​សម្រាប់​ញ៉ាំ​អំឡុង​ពេល​កំពុង​ហាត់​ប្រាណ អាច​សាក​ល្បង​ទឹក​ផ្លែ​ឈើ​ក្រឡុក​បាន ព្រោះ​មិន​ត្រឹម​តែ​ចំណេញ​ពេល​ទេ ថែម​ទាំង​អាច​ក្រឡុក​ដោយ​ខ្លួន​ឯង​ ផ្តល់​ប្រយោជន៍​កាន់​តែ​ច្រើន​ដល់​ការ​ហាត់​ប្រាណ​របស់​យើង។ យើង​អាច​ប្រើ​រូប​មន្ត​ផ្លែឈើ​យើង​ពេញ​ចិត្ត និង​ត្រឹម​ត្រូវ​ចំពោះ​សុខភាព ក៏​អាច​បន្ថែម​យ៉ាអួ​ចូល​បន្តិច ដើម្បី​បង្កើន​រសជាតិ និង​ទទួល​បាន​ផល​ប្រយោជន៍​ទ្វេដង។ យ៉ាង​ណា ត្រូវ​កំណត់​បរិមាណ​ប្រូតេអ៊ីន​ឲ្យ​បាន​ត្រឹម​ត្រូវ​ផង ព្រោះ​មុន​ពេល​ហាត់​ប្រាណ រាង​កាយ​គួរ​ទទួល​បាន​ប្រូតេអ៊ីន​ចន្លោះ​ពី ១០-២០ ក្រាម គ្រប់​គ្រាន់​ហើយ។

៤- ស្រូវ​សាឡី ឬ Oatmeal

Oatmeal ជា​ដៃ​គូ​សំខាន់​មិន​អាច​ខ្វះ​បាន​សម្រាប់​គ្នា​យើង​ចូល​ចិត្ត​ហាត់​ប្រាណ។ ព្រោះ​អាហារ​សុខភាព​មួយ​នេះ អាច​នៅ​ជាមួយ​យើង​ពេញ​មួយ​ពេល​ហាត់​ប្រាណ ដោយ​បញ្ចេញ​ជាតិ​ស្ករ​ចូល​ទៅ​ក្នុង​ចរន្ត​ឈាម​យើង។ បើ​បន្ថែម​ផ្លែ​ឈើ​ចូល​ទៅ​ជាមួយ Oatmeal​នឹង​ជួយ​យើង​បង្កើន​ថាមពល​សម្រាប់​ត្រៀម​ហាត់​ប្រាណ និង​​រក្សា​ជាតិ​ទឹក​ក្នុង​ខ្លួន​បាន​ល្អ​ថែម​ទៀត។

៥- ផ្លែ​ប៉ោម

បើ​ត្រូវ​រើស​យក​ស្ករ​មួយ​ចាន ឬ​ប៉ោម​មួយ​ផ្លែ សម្រាប់​ត្រៀម​ជាតិ​ស្ករ​មុន​ពេល​ហាត់​ប្រាណ គួរ​រើស​យក​ផ្លែ​ប៉ោម​ទៅ។ ផ្លែ​ប៉ោម អាច​ជួយ​យើង​ចៀស​ផុត​ពី​គ្រោះថ្នាក់​បង្ក​ដោយ​សារ​ជាតិ​ស្ករ ថែម​ទាំង​អាច​បង្កើន​វីតាមីន ជាតិ​រ៉ែ និង​សារធាតុ​ប្រឆាំង​អុកស៊ីតកម្ម។ លើស​ពី​នេះ ផ្លែ​ប៉ោម អាច​ជួយ​កុំ​ឲ្យ​មាន​អារម្មណ៍​ឃ្លាន និង​បង្កើន​កម្រិត​ថាមពល​បាន​ល្អ។

អត្ថបទ​ពាក់ព័ន្ធ៖

៦- ជាតិ​កាហ្វេអ៊ីន

កាហ្វេអ៊ីន ភ្នាក់ងារ​រំញោច​ឲ្យ​មាន​សកម្មភាព​នៅ​ចំណុច​កណ្តាល​នៃ​ប្រព័ន្ធ​សរសៃ​ប្រសាទ​បេះដូង និង​ចំណុច​កណ្តាល​នៃ​ការ​គ្រប់​គ្រង​សម្ពាធ​ឈាម ទាំង​អស់​នេះ ដើរ​តួនាទី​យ៉ាង​សំខាន់​ក្នុង​ការ​ជួយ​ជំរុញ​ទឹក​ចិត្ត និង​រាងកាយ​ អាច​បន្ត​ហាត់​ប្រាណ​យ៉ាង​ខ្លាំង​ក្លា។ នេះ​បើ​តាម​ការ​អះអាង​របស់​លោក HEIDI SKOLNIK, M.S អ្នក​ឯកទេស​ផ្នែក​អាហារូបត្ថម្ភ និង​ម្ចាស់ក្រុមហ៊ុន Nutrition Conditionin, Inc.។ កាហ្វេអ៊ីន អាច​បង្កើន​រំញោច​ប្រព័ន្ធ​ប្រសាទ ធ្វើ​ឲ្យ​អារម្មណ៍ល្អ ដូច​គ្នា​ជា​មួយ​សារធាតុ Dopamine មាន​ឥទ្ធិពល​មិន​ធ្វើ​ឲ្យ​មាន​ការ​ឈឺ​ចាប់ និង​អារម្មណ៍​ល្អ​អំឡុង​ពេល​ហាត់​ប្រាណ។

៧- ផ្នែកពណ៌​ស​នៃស៊ុត

ជាតិ​ខ្លាញ់​ក្នុងផ្នែក​ពណ៌​​លឿងនៃ​ស៊ុត ធ្វើ​ឲ្យ​ការ​រំលាយ​អាហារ​យឺត និង​ធ្វើ​ឲ្យ​យើង​រសាប់រសល់ ស្ពឹក​ស្រពន់​ក្នុង​ពេល​ហាត់​ប្រាណ ដូច្នេះ​ហើយ​ផ្នែក​ពណ៌​សនៃ​ស៊ុត ជា​ជម្រើស​ប្រសើរ​សម្រាប់​ការ​ហាត់​ប្រាណ។ ស៊ុត​ស​តែ​មួយ​គ្រាប់ អាច​ផ្តល់​ឲ្យ​យើង​នូវ​ប្រូតេអ៊ីន​ដល់​ទៅ ៤ក្រាម និង​គ្មាន​ជាតិ​ខ្លាញ់​ប៉ះ​ពាល់​សុខភាព​ទៀត​ផង។

ក្នុង​ករណី​មាន​សំណួរ ឬ​មន្ទិល​សង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូនទេ។

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

The best pre-workout foods. http://www.mensfitness.com/nutrition/what-to-eat/best-pre-workout-foods. Accessed January 14, 2017.

What to Eat Before and After a Workout. http://www.fitnessmagazine.com/recipes/healthy-eating/nutrition/best-workout-foods/. Accessed January 14, 2017.

What to Eat Before Working Out and When to Eat It. http://www.shape.com/latest-news-trends/what-eat-working-out-and-when-eat-it. Accessed January 14, 2017.

4 Things You Should Do Before Every Workout For Unstoppable Gains! http://www.bodybuilding.com/content/4-things-you-should-do-before-every-workout-for-unstoppable-gains.html. Accessed January 14, 2017.

What to Eat Before a Workout: 50 Pre- and Post-Workout Snacks. http://greatist.com/fitness/50-awesome-pre-and-post-workout-snacks. Accessed January 14, 2017.

Should You Drink Coffee Before Your Workout? http://dailyburn.com/life/health/drink-coffee-before-workout/. Accessed January 14, 2017.

រូបថត​របស់​អ្នក​និពន្ធ
ត្រួតពិនិត្យ​ដោយ វេជ្ជ. ចាន់ ស៊ីណេត
អត្ថបទ​ដោយ Khlaut Rithy
កែ 23/07/2019
x