ការឈឺចាប់ជង្គង់គឺជាសភាពដែលឃើញមានញឹកញាប់ ហើយជាធម្មតាជះឥទ្ធិពលប៉ះពាល់មនុស្សគ្រប់វ័យ។ មានប្រភេទជាច្រើននៃការឈឺចាប់ជង្គង់ ហើយរបួសគឺជាផ្នែកមួយក្នុងចំណោមនោះ។ យ៉ាងនេះក្តី មនុស្សជាច្រើនមិនចេះរបៀបរៀបរាប់ពីការឈឺចាប់របស់ខ្លួនឲ្យត្រូវចំម៉ាច់ៗទៅកាន់វេជ្ជបណ្ឌិតទេ។ នៅក្នុងអត្ថបទនេះ នឹងមានគន្លឹះល្បិចមួយចំនួនដែលយើងអាចយកប្រើប្រាស់ដើម្បីជួយវេជ្ជបណ្ឌិតកំណត់បុព្វហេតុ និងរកបានការព្យាបាលសក្តិសមសម្រាប់អ្នកបាន។
ចង់ចាកចេញពី Hellokrupet?
ប្រាកដហើយថា អ្នកចង់ចាកចេញ?
យើងគួរធ្វើម៉េចខ្លះ ដើម្បីកែលម្អបញ្ហានេះ?
អត្ថបទនេះមានកំហុស ព័ត៌មាន ឬតួលេខមិនត្រឹមត្រូវ
បើមានកំហុសឆ្គងណាមួយ សូមប្រាប់ពួកយើងដើម្បីកែតម្រូវ
អត្ថបទនេះមានព័ត៌មានមិនគ្រប់គ្រាន់
បើមានកំហុសឆ្គងណាមួយ សូមប្រាប់ពួកយើងដើម្បីកែតម្រូវ
ហមមម... ខ្ញុំមានចម្ងល់ពីបញ្ហាសុខភាពខ្លះចង់សាកសួរ
ថ្វីត្បិតតែ Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនក៏ពិតមែន ប៉ុន្តែពួកយើងពិតជាស្វាគមន៍រាល់មតិកែលម្អិតទាំងអស់របស់លោកអ្នកដែលតែងតែតាមដាន Hello គ្រូពេទ្យ ជាប្រចាំ។ សូមវាយបញ្ចូលមតិយោបល់របស់លោកអ្នកក្នុងប្រអប់ខាងក្រោម។
ចេះតែមានអាការៈឈឺជង្គង់ នេះជាវីធីរៀបរាប់ប្រាប់ពេទ្យឲ្យស្រួលយល់ងាយព្យាបាល
១- តើយើងឈឺជង្គង់ត្រង់កន្លែងណា?
ការរៀបរាប់យ៉ាងចំម៉ាច់ៗនៅទីតាំងនៃការឈឺចាប់ជួយវេជ្ជបណ្ឌិតរកឃើញរោគវិនិច្ឆ័យត្រឹមត្រូវសម្រាប់យើង។ ឧទាហរណ៍ ប្រសិនបើយើងមានការឈឺចាប់ជង្គង់ខាងមុខ (ដែលត្រូវបានស្គាល់ផងដែរថាជាការឈឺចាប់នៅខាងមុខនៃជង្គង់) វាមានន័យថាយើងអាចមានការឈឺចាប់ដោយសារការរត់ ឬជាភាសាបច្ចេកទេសគឺជំងឺ Osgood Schlatters។ យ៉ាងនេះក្តី ប្រសិនបើយើងមានការឈឺចាប់នៅខាងក្រោយនៃជង្គង់ វាអាចជារោគសញ្ញានៃជំងឺរលាកសន្លាក់ ឬការរហែកឆ្អឹងខ្ចី។ ដូចគ្នាផងដែរ ការឈឺចាប់នៅលើផ្នែកខាងក្នុងអាចទាក់ទងនឹងការរោលរាលទៅលើសរសៃពួរ សរសៃរយាង ឬឆ្អឹងខ្ចី។
២- តើយើងចាប់ផ្តើមឈឺជង្គង់នៅពេលណា ?
ប្រសិនបើយើងមានអារម្មណ៍ថាវាពិបាកក្នុងការរៀបរាប់កន្លែងឈឺនៅត្រង់ណានោះ យើងអាចនឹងចង់គិតថាពេលណាវាចាប់ផ្តើម។ តាមធម្មតា ហេតុផលញឹកញាប់ជាធម្មតាបំផុតនៃការឈឺចាប់ជង្គង់ភ្លាមៗ គឺការដួលពេលដែលមានការពត់កាច់មិនធម្មតា ឬកម្លាំងយ៉ាងខ្លាំងឆ្លងកាត់ជង្គង់។ តាមធម្មតាយើងមានអារម្មណ៍ឈឺចាប់ភ្លាមៗក្នុងរង្វង់ ២៤ ម៉ោងដំបូងក្រោយពីដួល។ ការឈឺចាប់នេះនាំទៅដល់របួសចំពោះ សរសៃរយាង ឬឆ្អឹងខ្ចី។
ក្នុងករណីការឈឺចាប់របស់យើងបានចាប់ផ្តើមអស់ពេលមួយរយៈដោយគ្មានមូលហេតុ វាអាចជាសភាពបញ្ហារបស់ជង្គង់ដែលនៅពីខាងក្រោយ ដែលយើងអាចនឹងមិនដឹង។
៣- តើរៀបរាប់រោគសញ្ញាការឈឺជង្គង់យ៉ាងដូចម្តេច ?
ដើម្បីផ្តល់ព័ត៌មានកាន់តែច្រើនអំពីការឈឺចាប់ទៅកាន់វេជ្ជបណ្ឌិត យើងអាចរៀបរាប់កាលៈទេសៈនៅក្បែរជុំវិញការឈឺចាប់ទាំងនោះ។ ការឈឺចាប់កាន់តែអាក្រក់ឡើងនៅពេលព្រឹក ឬក្រោយពីរយៈកាលនៃភាពអសកម្ម ។ ការឈឺចាប់កាន់តែអាក្រក់ឡើងពេលយើងភ្ញាក់ពីដំណេក ឬចុះជណ្តើរ ការឈឺចាប់កាន់តែអាក្រក់ឡើងពេលយើងធ្វើសកម្មពេញមួយថ្ងៃ ឬចល័តចុះឡើងអស់មួយរយៈ ដែលអ្វីទាំងនេះយើងត្រូវប្រាប់ដល់គ្រូពេទ្យ។
យើងក៏អាចមានការឈឺចាប់កាន់តែអាក្រក់ឡើងក្រោយពីសកម្មភាពជាក់លាក់មួយចំណួន រួមមានឡើងជណ្តើរ ដើរ អង្គុយច្រហោងនៅក្នុងសួនច្បារ ឬជិះកង់ជាមួយកូនៗតូចៗ។ ដូចគ្នាផងដែរយើងអាចប្រាប់ពីអ្វីដែលយើងបានជួបប្រទះដូចជា៖
- ជង្គង់ហើម ថាតើជង្គង់ហើមពេលណា នៅក្នុងថ្ងៃនីមួយៗដើម្បីប្រាប់វេជ្ជបណ្ឌិតនៅពេលណាត់ជួបបន្ទាប់។
- មានអារម្មណ៍ថាផ្ទៃគ្រើមចំនួនពីរនៅក្នុងជង្គង់កំពុងតែធ្វើចលនាផ្អិបទល់គ្នា។
- អាចឭសំឡេងនោះកំពុងតែចេញមកពីជង្គង់។
- មានអារម្មណ៍ខ្សោយពេលដើរ ហើយត្រូវការចាប់តោងទៅលើអ្វីមួយដើម្បីកុំឲ្យដួល។
បើយើងអាចរៀបរាប់រោគសញ្ញាបានកាន់តែច្រើន វេជ្ជបណ្ឌិតកាន់តែធ្វើរោគវិនិច្ឆ័យបានកាន់តែប្រសើរឡើង។
៤- តាមដានការឈឺចាប់ជង្គង់
វេជ្ជបណ្ឌិតអាចនឹងលើកស្នើឡើងជាយោបល់ឲ្យសរសេរកត់ទុកសេចក្តីលម្អិតច្រើនថែមទៀតអំពីការឈឺចាប់របស់យើងដែលអាចជួយដល់ការធ្វើរោគវិនិច្ឆ័យបាន ដូចជា៖
- តាមដានការឈឺចាប់ជង្គង់របស់យើងនៅលើក្រដាសអំពីពេលវេលានៅក្នុងថ្ងៃនីមួយៗដែលយើងឈឺចាប់អាក្រក់បំផុត និងអ្វីដែលយើងកំពុងតែធ្វើនៅពេលនោះ។
- ដាក់ពិន្ទុការឈឺចាប់ជង្គង់។ ចំណុចចាប់ផ្តើមដ៏ល្អគឺពី១ដល់ ១០ បន្ទាប់មក យើងគួរតែដាក់ពិន្ទុការឈឺចាប់ដោយផ្អែកលើក្រិតរង្វាស់រង្វាល់នេះ។
- និយាយអំពីភាពមានកម្រិតកំណត់។ យើងគួរប្រាប់វេជ្ជបណ្ឌិតថាតើការឈឺចាប់នេះបានរារាំងហាមឃាត់យើងមិនឲ្យធ្វើសកម្មភាពនៅក្នុងជីវិតប្រចាំថ្ងៃយ៉ាងដូចម្តេចខ្លះ។
ជាមួយនឹងគន្លឹះល្បិចដ៏មានប្រយោជន៍ខាងលើនេះ វេជ្ជបណ្ឌិតនឹងអាចធ្វើរោគវិនិច្ឆ័យស្ថានភាពយើងបានយ៉ាងងាយស្រួល។
អត្ថបទពាក់ព័ន្ធ៖
- ទម្លាប់មិនល្អមួយចំនួន ជាមូលហេតុធ្វើឲ្យឈឺសន្លាក់ទាំងវ័យក្មេង
- មកពីទម្លាប់ញ៉ាំបែបនេះ បានជាលើសជាតិអាស៊ីដ ទៅជាឈឺសន្លាក់
- មូលហេតុធ្វើឲ្យជង្គង់ខ្មៅ និងរូបមន្តជួយប្រែជាសវិញ
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
គណនា BMI
ប្រើរង្វាស់សុខភាពBMI ដើម្បីគណនារាងកាយ ទម្ងន់ និងកម្ពស់សមសួន និងសុខភាពល្អ
ប្រុស
ស្រី
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ប្រភព
How to describe your knee pain to get the help you need? https://www.healthgrades.com/right-care/arthritis/how-to-describe-your-knee-pain-to-get-the-help-you-need. Accessed July 21, 2017
Questions for your knee pain. https://www.apostherapy.com.sg/questions-knee-pain/. Accessed July 21, 2017
