ផ្សែង​បារី​អេឡិចត្រូនិក បើ​ក្មេងៗ​ស្រូប​ចូល ​​អាច​កើត​​ជំងឺ ២ យ៉ាង

    ផ្សែង​បារី​អេឡិចត្រូនិក បើ​ក្មេងៗ​ស្រូប​ចូល ​​អាច​កើត​​ជំងឺ ២ យ៉ាង

    គ្រោះ​ថ្នាក់​ណាស់​បើ​អ្នក​ណា​ជក់​បារី​អេឡិចត្រូនិក មក​បង្ហុយ​​ជិតក្មេងៗ ព្រោះអ្វីដែល​យើង​គិត​ថា​មិន​អី បែរ​ជា​នាំទុក្ខ​ដាក់​កូន​ជា​ទីស្រឡាញ់ ឬ​ដូច​យក​ជំងឺ ២មុខ មក​ដាក់​ក្នុង​ខ្លួន​កូន​អ៊ីចឹង។ បើ​ក្មេង​ស្រូប​ផ្សែង​ចូល គេ​អាច​ប្រឈម​នឹង​កើត​ហឺត និង​​ គាំង​បេះដូង។

    ការសិក្សា​របស់​វិទ្យាស្ថាន​ជាតិ​ស្ដីពី​សុខភាព​ជនជាតិ​ភាគតិច របស់​អាមេរិក រកឃើញ​ថា ផលប៉ះពាល់​នៃ​ការ​ស្រូប​ផ្សែង​បារី​អេឡិចត្រូនិក ទៅ​ជន​ទី២ ជា​ក្មេងៗ នាំ​ឲ្យ​ពួកគេ ប្រឈម​នឹង​ជំងឺ​ហឺត ២៧%។ ជាងនេះទៅទៀត ផ្សែង​បារី​អេឡិចត្រូនិក​នេះ មាន​ភាគល្អិត​តូចៗ ច្រើន​ជាង​ផ្សែង​បារីធម្មតា​ទៀត ដែល​រារាំង​សរសៃ​អាកទែ បង្ក​ឲ្យ​ក្មេងៗ គាំង​បេះដូង។ អ្នក​ស្រាវ​ជ្រាវ​​លើ​ករណី​នេះ បញ្ជាក់​ថា ក្មេងៗរស់នៅ​ជាមួយ​អ្នក​ជក់​បារី​អេឡិចត្រូនិក ទំនង​ជក់​ផលិតផល​នេះ​ផងដែរ។

    ចំណែក​ការសិក្សារបស់​មជ្ឈមណ្ឌល​វេជ្ជសាស្រ្ត Maine នៅ​រដ្ឋ Oregon សហរដ្ឋអាមេរិក រកឃើញ​ថា មនុស្ស​ចាស់ ៥% ជក់បារី​អេឡិកត្រូនិច ពេល​ពួកគេ​នៅ​ផ្ទះ​ជាមួយ​កូនៗ​របស់​ពួកគេ។ អ្នក​ស្រាវជ្រាវ បញ្ជាក់​ថា ក្មេង​ទាំង​នេះ ទំនង​នឹង​ជក់​បារី​អេឡិចត្រូនិក​ដែរ ដោយ​ធ្វើ​ឲ្យ​តួលេខ​យុវជន​ប្រើប្រាស់​ផលិតផល​មាន​សារធាតុញឿន កើតឡើងនៅ​សហរដ្ឋអាមេរិក។

    ការ​ជក់​បារី​អេឡិចត្រូនិកនៅ​អាមេរិក ក្លាយជា​បញ្ហា​ព្រួយបារម្ភ​ហើយ ដោយ​នៅ​ឆ្នាំ២០១៨ សិស្ស​វិទ្យាល័យ ២០% ប្រើប្រាស់​​បារី​ប្រភេទ​នេះ។ បច្ចុប្បន្ន រដ្ឋបាល​ចំណីអាហារ និង​ឱសថ​អាមេរិក (FDA) ក៏មិន​ឯកភាព​ឲ្យ​ប្រើប្រាស់​សារធាតុ​ញឿន​ប្រភេទ​នេះ​ផងដែរ។

    អត្ថបទពាក់ព័ន្ធ៖

    ក្នុង​ករណី​មាន​សំណួរ ឬ​មន្ទិល​សង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិ​និច្ឆ័យ​ ឬ​ព្យាបាល​ជូន​ទេ៕

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ត្រួតពិនិត្យដោយ

    វេជ្ជ. ចាន់ ស៊ីណេត

    · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


    អត្ថបទ​ដោយ គីង ច័ន្ទវាសនា​ · កែ 08/05/2019

    ផ្សព្វផ្សាយពាណិជ្ជកម្ម
    ផ្សព្វផ្សាយពាណិជ្ជកម្ម
    ផ្សព្វផ្សាយពាណិជ្ជកម្ម
    ផ្សព្វផ្សាយពាណិជ្ជកម្ម