ក្រុមអ្នកវិទ្យាសាស្រ្តនៃប្រទេសអ៊ីស្រាអែល បានរកឃើញដំណើរការហ្សែនសំខាន់ពីរ ដែលបម្រែបម្រួលខុសប្រក្រតីនៃហ្សែនទាំងនេះ ជាញឹកញាប់បង្កជាមហារីកសុដន់។
អ៊ីស្រាអែលរកឃើញដើមហេតុបង្កមហារីកសុដន់ អាចជាពន្លឺព្យាបាលថ្មី
ក្រុមកាងារស្រាវជ្រាវនៃវិទ្យាស្ថានវិទ្យាសាស្រ្ត Weizmann បានឲ្យដឹងថា ហ្សែនទាំងពីរនោះគឺ LATS1 និង LATS2 ស្ថិតនៅលើច្រវាក់ប្រតិកម្មគីមីហៅថា “Hippo Pathway” ហើយកាលណាប្រតិកម្មគីមីនេះខ្វះចន្លោះ ឬដំណើរការមិនពេញលេញនោះនាំឲ្យវិវត្ដទៅរកជំងឺមហារីកបាន។ ហ្សែនសំខាន់ទាំងពីរមាននាទីជំរុញសកម្មភាពនៃហ្សែនបង្រ្កាបសាច់ដុំពក(មហារីក) ហៅថាP53។
ការស្រាវជ្រាវថ្មីដែលបានផ្សាយនៅលើព្រឹត្តិបត្រវិទ្យាសាស្រ្ត Life Science Alliance បានពន្យល់ទៀតថា នៅពេលសកម្មភាពរបស់ហ្សែន LATS1 ខូច ឬបាត់បង់ សាច់ដុំមហារីកកាចក៏ចាប់ផ្តើមវិវត្ដ។ ករណីមួយទៀត ពួកគេក៏បានរកឃើញដែរថា កង្វះហ្សែន LATS2 ក៏បានបង្កជាការដុះសាច់មហារីកសុដន់ផងដែរ។
ជាមួយការរកឃើញនេះ ក្រុមអ្នកវិទ្យាសាស្រ្តនាពេលនេះ ក៏កំពុងពិចារណារធ្វើតេស្តនូវកម្រិតហ្សែន LATS1 និងLATS2 នៅក្នុងខ្លួនអ្នកជំងឺមហារីកសុដន់ ដើម្បីឲ្យដឹងថា តើនីតិវិធីព្យាបាលដោយអ័រម៉ូននឹងអាចមានប្រសិទ្ធភាពព្យាបាលជំងឺមហារីកប្រភេទនេះបាន ឬអត់។
អត្ថបទពាក់ព័ន្ធ៖
រម្លឹកផងដែរថា មហារីកសុដន់ គឺជំងឺកាចសាហាវមួយ ក្នុងចំណោមមហារីកឆក់យកជីវិតស្ត្រីរាប់សែននាក់ក្នុងមួយឆ្នាំៗ។ មហារីកប្រភេទនេះ មាន ៥ ដំណាក់កាល គិតពីដំណាល់កាលសូន្យ ដល់ដំណាក់កាលទី ៤ ដែលដំណាក់កាលចុងក្រោយ និងធ្ងន់ធ្ងរបំផុត៕
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម