តារាល្បី YouTube វ័យក្មេងម្នាក់ អាយុទើប ៦ឆ្នាំសោះ បែរជាបាត់បង់ជីវិត​ដោយជំងឺគ្រុនចាញ់

    តារាល្បី YouTube វ័យក្មេងម្នាក់  អាយុទើប ៦ឆ្នាំសោះ បែរជាបាត់បង់ជីវិត​ដោយជំងឺគ្រុនចាញ់

    កុមារា​ជន​ជាតិ​​​អាហ្រ្វិក​ ជា​តារា​ Youtuber ដ៏​ល្បី​​ម្នាក់​ មក​ពី​ប្រទេស ប៊ូរុណឌី ត្រូវ​​ជំងឺ​គ្រុន​ចាញ់​ ឆក់​យក​ជីវិត នៅ​ត្រឹម​វ័យ​៦​ឆ្នាំ​ ដែល​ធ្វើ​ឲ្យ​​មាន​ការ​សោក​ស្តាយ​ខ្លាំង ពី​ប្រជាជន​​នៃ​ប្រទេស​នេះ ក៏​ដូច​ជា​​ការ​ផ្សាយ​អំពី​​ការ​ប្រុង​ប្រយ័ត្ន​បន្ថែម​ ចំពោះ​ឃាត​ករ​ដែល​ជា​ជំងឺ​គ្រុន​ចាញ់។

    តាម​សារព័ត៌មាន កុមារា មាន​ឈ្មោះ Darcy Irakoze ដែល​គេ​ស្គាល់​ក្នុង​ Youtube ថា​ Kacaman ជា​ក្មេង​មាន​ទេព្យកោសល្យ​ខាង​ គំនូរ​ព្រាង​ខ្មៅ​ដៃ និង​គំនូរ​រត់​ចេញ​ជា​ចលនា ក្នុង​សៀវភៅ បាន​កើត​អាការៈ​​​​ធ្វើ​ទុក្ខ​ខ្លាំង (រោគ​គ្រុន​ចាញ់) ​កាល​ពី​ថ្ងៃ​ពុធ​ ហើយ​ក៏​បាត់​បង់​ជីវិត​​នៅ​ថ្ងៃ ព្រហស្បតិ៍​​កន្លង​ទៅ​។

    បើ​យោង​តាម​របាយការណ៍​របស់​អង្គការ​សុខភាព​ពិភព​លោក (WHO) នៅ​ឆ្នាំ​២០១៩ ជំងឺ​គ្រុន​ចាញ់​នៅ​ប្រទេស​ក្នុង​ទ្វីប​អាហ្វ្រិក​​ខាង​លើ​នេះ បាន​សម្លាប់​ជីវិត​មនុស្ស​​ដល់ ១៨០០​នាក់​ហើយ ដោយ​រាប់​ទាំង​ កុមារា​ខាង​លើ​ផង​។ ផ្អែក​តាម​ មូលនិធិ​​កុមារ​នៃ​អង្គការ​សហប្រជាជាតិ UNICEF បាន​ឲ្យ​ដឹង​ថា គ្រុន​ចាញ់​ជា​ជំងឺ​ឃាត​ករ​លេខ​១ ដែល​សម្លាប់​កុមារ​ នៅ​ទ្វីប​អាហ្វ្រិក ត្រឹម​តែ​មួយ​ថ្ងៃ មាន​ករណី​នេះ ផ្ទុះ​ឡើង​ដល់​ទៅ ២៥០០​ករណី។

    អត្ថបទពាក់ព័ន្ធ៖

    រំលឹក​ដែរថា ក្រោយ​មរណភាព​របស់​​កុមារា​តារា​ Youtube ដ៏​ល្បី​ខាង​លើ មាន​ការ​​លើក​ឡើង​ពី​សំណាក់​ប្រទេស​ជិត​ខាង​ នៃ​ប្រទេស​ប៊ូរុណឌី តួយ៉ាង​ កំពុង​បង្កើន​ការ​ប្រុង​ប្រយ័ត្ន​​ខ្លាំង​បំផុត​ សម្រាប់​ជំងឺ​មួយ​នេះ៕ ​​

    ក្នុង​ករណី​មាន​សំណួរ​ ឬ​មន្ទិល​សង្ស័យ​ជុំវិញ​បញ្ហា​សុខភាព​អ្នក​ ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា​ មិន​ធ្វើ​រោគ​វិនិច្ឆ័យ​ ឬ​ព្យាបាល​ជូន​ទេ៕

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    រូបថត​របស់​អ្នក​និពន្ធbadge
    ដោយ មាន រតនា កែសម្រួល​ចុងក្រោយ 11/08/2019
    ត្រួតពិនិត្យដោយ វេជ្ជ. ចាន់ ស៊ីណេត