គ្រុនឈាមនៅមីយ៉ាន់ម៉ា កើនជាង ១ម៉ឺនករណី ស្លាប់ ៤៨នាក់

    គ្រុនឈាមនៅមីយ៉ាន់ម៉ា កើនជាង ១ម៉ឺនករណី ស្លាប់ ៤៨នាក់

    ចំនួន​ពលរដ្ឋ​ស្លាប់​ដោយ​សារ​ជំងឺ​គ្រុនឈាម នៅ​ប្រទេស​មីយ៉ាន់ម៉ា ក៏​មាន​ការ​កើនឡើង​យ៉ាង​ខ្លាំង​ដូច​គ្នា ដោយ​តួ​លេខ​ចុង​ក្រោយ បង្ហាញ​ថា មកទល់​ពេល​នេះ មនុស្ស​យ៉ាង​ហោចណាស់ ៤៨​នាក់​បាន​ស្លាប់ និង​​ជាង ១០.០០០នាក់ ឆ្លង​មេរោគ​​គ្រុនឈាម។

    យោង​តាម​នាយកដ្ឋាន​សុខភាព​ នៃ​ក្រសួង​សុខាភិបាល​ និង​កីឡា​ភូមា គិត​ត្រឹម​ ៧ខែ ឆ្នាំ២០១៩ ប្រទេស​ក្នុង​តំបន់​អាស៊ី​អាគ្នេយ៍​មួយ​នេះ ក៏​រង​គ្រោះ​ធ្ងន់​ធ្ងរ​ពី​ការ​ផ្ទុះ​ឡើង​ជំងឺ​គ្រុនឈាម សម្លាប់​មនុស្ស​ដល់​ទៅ ៤៨នាក់ ខណៈ​តំបន់​សំខាន់​ពីរ​​ ផ្ទុះ​គ្រុន​ឈាម​ខ្លាំង​ជាង​គេ មាន​រដ្ឋធានី​យ៉ាំង​ហ្គូន និង​តំបន់​អាយីយ៉ាវាឌី។

    បើ​តាម​ របាយ​ការណ៍នាយកដ្ឋាន​​​ដដែល​​នេះ ​ទិន្នន័យ​ឆ្លង​ជំងឺ​ជាង ​១០.០០០ គឺ​មានក្មេង​​អាយុ​ពី ៥-៩​ឆ្នាំ ​​ឆ្លង​​មេរោគ​គ្រុន​ឈាម ដល់​ទៅ​ ៤.៤៧៣​​ករណី​។

    អត្ថបទ​ពាក់ព័ន្ធ៖

    គ្រុន​ឈាម ជា​ជំងឺ​មួយ​បណ្តាល​​ឲ្យ​មាន​ករណី​ធ្ងន់​ធ្ងរ​ រហូត​ដល់​ស្លាប់​បាន ហៅ​ថា គ្រុន​ឈាម​កម្រិត​ធ្ងន់។ ហើយ​ជំងឺ​នេះ ភាគ​ច្រើន​​ ផ្ទុះ​ឡើង​​នៅ​រដូវ​ភ្លៀង ជា​ពិសេស​នៅ​តំបន់​អាស៊ាន​តែ​ម្តង។ សម្រាប់​បណ្តា​ប្រទេស​ក្នុង​តំបន់​អាស៊ាន ដោយ​សារ​កង្វះ​អនាម័យ ជា​ពិសេស​នៅ​ជុំ​វិញ​ផ្ទះ ​បណ្តាល​ឲ្យ​មាន ជម្រក​​មូស​​ខ្លា ដែល​ជា​ភ្នាក់​ងារ​សំខាន់​ បង្ក​ឲ្យ​​មាន​ គ្រុន​ឈាម និង​គ្រុន​ចាញ់​៕

    ក្នុង​ករណី​មាន​សំណួរ ឬ​មន្ទិល​សង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគ​វិនិច្ឆ័យ ឬ​ព្យាបាល​ជូន​ទេ៕

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    រូបថត​របស់​អ្នក​និពន្ធbadge
    ដោយ មាន រតនា កែសម្រួល​ចុងក្រោយ 15/07/2020
    ត្រួតពិនិត្យដោយ វេជ្ជ. ចាន់ ស៊ីណេត