វៀតណាម ដំឡើងតម្លៃសេវាវេជ្ជសាស្ត្រ

    វៀតណាម ដំឡើងតម្លៃសេវាវេជ្ជសាស្ត្រ

    សេវាវេជ្ជសាស្ត្រ​របស់​វៀតណាម ទទួល​ការជឿទុកចិត្ត ដោយមាន​អ្នកជំងឺ​វៀតណាម​យ៉ាងច្រើន ហើយ​ក៏​មាន​ខ្មែរយើង​ខ្លះ ទៅ​ទទួល​សេវា​នេះ នៅ​ទីនោះ​ដែរ។ តែ​ពេលនេះ វៀតណាម បាន​ដំឡើង​តម្លៃសេវា​វេជ្ជសាស្ត្រ​ហើយ។

    ក្រសួងសុខាភិបាល​វៀតណាម បញ្ជាក់​ថា សេវា​វេជ្ជសាស្ត្រ ប្រមាណ ១.៩០០​មុខ នៅ​តាម​បណ្ដា​មន្ទីរពេទ្យ​រដ្ឋ​នានា ត្រូវ​ដំឡើង​តម្លៃ ចាប់ពី​ថ្ងៃ​ទី២០ ខែ​សីហា ឆ្នាំ​២០១៩។ តម្លៃ​ពិនិត្យ​សុខភាព និង​តម្លៃ​គ្រែគេង នឹងឡើង ៤,៤% ហើយ​តម្លៃ​សេវា​បច្ចេកទេស នឹង​ឡើង ១,១%។

    ការដំឡើង​តម្លៃ​សេវា​វេជ្ជសាស្ត្រ ត្រូវ​គណនា​តាម​បៀវត្ស​មូលដ្ឋាន ៦០​ដុល្លារ/ខែ ប៉ុន្ដែ​ដោយសារ​ចាប់ខែ​កក្កដា ២០១៩ បៀវត្ស​មូលដ្ឋាន បានឡើង ៦៤​ដុល្លារ/ខែ ដូច្នេះ​តម្លៃ​វេជ្ជសាស្ត្រ ចាំបាច់​ត្រូវ​កែប្រែ​។

    លោក Nguyen Nam Lien មន្ត្រីជាន់ខ្ពស់​ក្រសួង​សុខាភិបាល​វៀតណាម បញ្ជាក់​ថា ទោះ​តម្លៃ​អគ្គិសនី បាន​កើនឡើង​ចាប់តាំង​ពីខែ​មីនា ឆ្នាំ​២០១៩ ប៉ុន្ដែ​ក្រសួង​គណនា​តម្លៃ​សេវា​វេជ្ជសាស្ត្រ​ផ្អែក​លើតែ​បៀវត្ស​មូលដ្ឋាន​ប៉ុណ្ណោះ ដើម្បី​ធានា​ចំណូលពិត​សម្រាប់​បុគ្គលិក​សុខាភិបាល។ លោក​បន្ដ​ថា ការ​ដំឡើង​តម្លៃ​សេវា​នេះ នឹង​ជួយ​បង្កើន​ប្រាក់ចំណេញ​សម្រាប់​មន្ទីរពេទ្យ។

    អត្ថបទពាក់ព័ន្ធ៖ វៀតណាម អាចផលិតថ្នាំខ្លួនឯង ផ្គត់ផ្គង់តម្រូវការក្នុងស្រុក បានជិត ៥០%

    ទោះយ៉ាងណា មន្ត្រី​ជាន់ខ្ពស់​ដដែល​នេះ បញ្ជាក់​ថា ការ​កែសម្រួល​តម្លៃនេះ មិន​ប៉ះពាល់​ដល់​ប្រជាជន​ដែល​ទទួល​បាន​ការធានា​រ៉ាប់រង​សុខភាព​នោះ​ទេ។

    ក្នុង​ករណី​មាន​សំណួរ ឬ​មន្ទិល​សង្ស័យ​ជុំវិញ​សុខ​ភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជា​មួយ​ពេទ្យ​ជំនាញ។Hello Health Group មិនចេញ វេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    រូបថត​របស់​អ្នក​និពន្ធbadge
    ដោយ គីង ច័ន្ទវាសនា​ កែសម្រួល​ចុងក្រោយ 21/08/2019
    ត្រួតពិនិត្យដោយ វេជ្ជ. ចាន់ ស៊ីណេត