កាន់តែទំនើប គ្រាន់តែតេស្តឈាមដឹងថា យើងរស់បានប៉ុន្មានឆ្នាំទៀត

    កាន់តែទំនើប គ្រាន់តែតេស្តឈាមដឹងថា យើងរស់បានប៉ុន្មានឆ្នាំទៀត

    គ្នាយើង​ភាគច្រើន ប្រាកដ​ជាដឹង​ហើយថា ការតេស្ត​ឈាម គឺសម្រាប់​ពិនិត្យ​មេរោគ ឬបាក់តេរី ដែល​បង្ក​បញ្ហា​ដល់​សុខភាព​របស់​យើង ដើម្បី​ងាយស្រួល​ក្នុង​ការ​ព្យាបាល។ ប៉ុន្ដែថ្មីៗ​នេះ មាន​ការសិក្សា​មួយ បញ្ជាក់​ថា ការតេស្តឈាម អាច​ព្យាករ​ពី​ការស្លាប់​ ថាតើ​យើង​អាច​រស់​នៅ​បាន​ប្រហែល​ប៉ុន្មាន​ឆ្នាំទៅមុខ​ទៀត។

    ការតេស្តឈាម​នេះ ផ្អែកលើ​សូចនាករ​ជីវសាស្ត្រ​ចំនួន ១៤ ពាក់ព័ន្ធ​ជាមួយ​សុខភាព​ទូទៅ និង​ហានិភ័យ​នៃ​ការឆ្លង​ជំងឺ​ជាក់លាក់​នានា ហើយ​មានភាព​ត្រឹមត្រូវ​រហូត​ដល់ ៨៣%។ ការ​តេស្តឈាម​នេះ បាន​ធ្វើឡើង​លើ​មនុស្ស ៤៤.១៦៨​នាក់ អាយុ​ពី ១៨-១០៩​ឆ្នាំ នៅប្រទេសហូឡង់ និងអាល្លឺម៉ង់ ដោយ​ចំណាយ​ពេល​តាមដាន​ចំនួន ១៦​ឆ្នាំ និង​មាន​មនុស្ស ៥.៥១២​នាក់ បាន​ស្លាប់។

    សូចនាករ​ជីវសាស្ត្រ​សំខាន់ ដែល​ប្រើ​ក្នុង​ការសិក្សា មាន​ដូចជា អាស៊ីតអាមីណូ កម្រិត​កូលេស្តេរ៉ូល​ល្អ និង​អាក្រក់ អតុល្យភាព​អាស៊ីតខ្លាញ់ ការរលាក ការឆ្លើយតបរបស់​ប្រព័ន្ធ​ការពារ និង​ការរក្សា​គ្លុយកូស។

    អ្នកស្រាវជ្រាវ បញ្ជាក់​ថា ការតេស្តឈាម​នេះ អាច​ផ្ដល់​លទ្ធផល​ក្នុង​រយៈពេល​ខ្លី សម្រាប់​ប្រជាជន​ទូទៅ ប៉ុន្ដែ​ការតេស្តឈាម​ព្យាករ​អាយុ​នេះ គឺ​សម្រាប់​ប្រើ​ក្នុង​ការវាយ​តម្លៃ​ប្រសិទ្ធភាព​របស់​ថ្នាំ​ថ្មីៗ ពេល​ឈាន​ដល់​វ័យ​ចំណាស់។

    សម្រាប់​ការរកឃើញ​នេះ តាមពិតទៅ អ្នកស្រាវជ្រាវ ចង់ពិនិត្យ​ពី​ជីវសាស្ត្រ​របស់​អ្នក​ជំងឺ ជាង​ភាព​រស់រាន​មាន​ជីវិត​របស់​អ្នក​ជំងឺ ដើម្បី​ព្យាបាល​ប្រកប​ដោយ​ប្រសិទ្ធភាព​លើ​ជំងឺ​ដែល​នឹង​កើត​នៅ​ពេល​ខាងមុខ។

    ក្នុង​ករណី​មាន​សំណួរ ឬ​មន្ទិល​សង្ស័យ​ជុំវិញ​សុខ​ភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជា​មួយ​ពេទ្យ​ជំនាញ។Hello Health Group មិនចេញ វេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    រូបថត​របស់​អ្នក​និពន្ធbadge
    ដោយ គីង ច័ន្ទវាសនា​ កែសម្រួល​ចុងក្រោយ 28/08/2019
    ត្រួតពិនិត្យដោយ វេជ្ជ. ចាន់ ស៊ីណេត