ទម្លាប់រស់នៅស្អាត អនាម័យជារឿងល្អ និងគប្បីធ្វើជារៀងរាល់ថ្ងៃ តែអនាម័យក្នុងន័យនោះ មិនមែនត្រូវទម្លាប់ស្អាតរហូត មិនដែលចេញទៅលេង ឬប៉ះពាល់ធម្មជាតិខាងក្រៅនោះទេ ព្រោះអាចបណ្តាលទៅជាបញ្ហា។
លោក វេជ្ជបណ្ឌិត Jack Gilbert ប្រធាននៃវិទ្យាស្ថានស្រាវជ្រាវ ហ្សែន និងជីវវិទ្យាជាប្រព័ន្ធ នៃសាកលវិទ្យាល័យ កាលីហ្វ័ញ៉ា នៅអាមេរិក បានលើកឡើងដូចខាងលើនេះ បន្ទាប់ពីលោកបានស្រាវជ្រាវទាក់ទងនឹងត្រីឌូហ្វីន (Dolphin) ដែលជាពពួកសត្វចិញ្ចឹមកូនដោយទឹកដោះ។
វេជ្ជបណ្ឌិតអាមេរិករូបនេះ រកឃើញថា ត្រីឌូហ្វីនស្រាប់តែមានសុខភាពល្អ ក្លៀវក្លា នៅពេលពួកវា ស្ថិតនៅក្នុងបរិស្ថានមួយ ដែលដី ទឹកកខ្វក់ តាមធម្មជាតិ ល្អជាងនៅពេល ដែលពួកវាស្ថិតនៅក្នុងអាងទឹកចិញ្ចឹម គេរៀបចំឡើងស្អាត។
