home

What are your concerns?

close
Inaccurate
Hard to understand
Other

ឬ​ចម្លង​តំណភ្ជាប់

អនាម័យពេក សូម្បីប៉ះពាល់បរិស្ថានធម្មជាតិ ក៏មិនប៉ះ ប្រយ័ត្នមានបញ្ហាសុខភាព

អនាម័យពេក សូម្បីប៉ះពាល់បរិស្ថានធម្មជាតិ ក៏មិនប៉ះ ប្រយ័ត្នមានបញ្ហាសុខភាព

ទម្លាប់​រស់​នៅ​ស្អាត​ អនាម័យ​ជា​រឿង​ល្អ​ និងគប្បី​​ធ្វើ​ជា​រៀង​រាល់​ថ្ងៃ តែ​​អនាម័យ​ក្នុង​ន័យ​នោះ​ មិន​មែន​ត្រូវ​​ទម្លាប់​ស្អាត​រហូត​​ មិន​ដែល​ចេញ​ទៅ​លេង ឬ​ប៉ះ​ពាល់​ធម្មជាតិ​ខាង​ក្រៅ​នោះ​ទេ ព្រោះអាច​បណ្តាល​ទៅ​ជា​បញ្ហា។

លោក​ វេជ្ជបណ្ឌិត​ Jack Gilbert ប្រធាន​​នៃ​វិទ្យាស្ថាន​ស្រាវជ្រាវ ហ្សែន​ និង​​​​ជីវវិទ្យា​ជា​ប្រព័ន្ធ នៃ​សាកលវិទ្យាល័យ​ កាលីហ្វ័ញ៉ា នៅអាមេរិក បាន​លើក​ឡើង​ដូច​ខាង​លើ​នេះ បន្ទាប់​ពី​លោក​បាន​ស្រាវជ្រាវ​ទាក់​ទង​នឹង​ត្រី​​​ឌូហ្វីន (Dolphin) ដែលជាពពួកសត្វ​ចិញ្ចឹម​កូន​ដោយ​ទឹក​ដោះ។

វេជ្ជបណ្ឌិត​​អាមេរិក​រូប​នេះ ​រក​ឃើញ​ថា​ ត្រី​ឌូហ្វីន​ស្រាប់​តែ​មាន​សុខភាព​ល្អ ក្លៀវ​ក្លា នៅ​ពេល​​ពួក​វា ស្ថិត​នៅ​ក្នុង​បរិស្ថាន​មួយ ដែល​​ដី ទឹក​កខ្វក់​ តាម​ធម្មជាតិ ល្អ​ជាង​នៅ​ពេល ដែល​ពួក​វា​ស្ថិត​នៅ​ក្នុង​អាង​ទឹក​ចិញ្ចឹម​ គេ​រៀប​ចំ​ឡើង​​ស្អាត។

ករណី​មួយ​ទៀត អ្នក​វិទ្យាសាស្រ្តជនជាតិ​អង់គ្លេស​​​ និង​ជា​ម្ចាស់​ព្រឹត្តិបត្រ​វិទ្យាសាស្រ្ត​​ល្បី “I Contain Multitudes” លោក Ed Yong ក៏​បាន​លើក​ឡើង​​ដូច​គ្នា បរិស្ថាន​ធម្មជាតិ មាន​​ដី​ ឬ​ប្រភព​ទឹក​តាម​ធម្មជាតិ​ សម្បូរ​​ពពួក​បាក់​តេរី ទាំង​ល្អ​ និង​អាក្រក់ ​លាយ​ឡំ​គ្នា។ ​អ្វីគួរឲ្យ​ចាប់​អារម្មណ៍​នោះ ពពួក​បាក់​តេរី​ល្អ ​ជួយ​ទាំង​សត្វ​ និង​មនុស្ស​​រស់​នៅ​មាន​ សុខភាព​ល្អ ដោយ​ពពួក​បាក់​តេរី​​ខ្លះ ជួយ​ឲ្យ​រាង​កាយ​ស៊ាំ​ទៅ​នឹង ជំងឺ​ផ្សេង​ៗ ​ថែម​ទាំង​ជួយ​​រាង​កាយ​​មនុស្ស និង​សត្វ ឲ្យ​ស្រូប​យក​ជីវជាតិ​ចិញ្ចឹម ជួយ​ជួស​ជុល​កោសិកា​​​ផ្សេង​ៗ​ក្នុង​រាង​កាយបាន​កាន់​តែ​ល្អ។

​ស្រាវជ្រាវ​រូបនេះ លើក​ឡើង​ដែរ​ថា ជា​ធម្មតា យើងត្រូវ​ការ​បាក់​តេរី​ទាំង​នោះ នៅ​ក្នុង​ខ្លួន​ តាម​រយៈ​ការ​ បរិភោគ ចំណី​អាហារ​ផ្ទាល់ ដូច​ជា​ ទឹក​ដោះ​គោជូរ​ ឬ​អាហារ​មួយ​ចំនួន ដែល​ជា​ការ​​បំប្លែង​របស់​បាក់​តេរី​ល្អ ដើម្បី​​ធ្វើ​ឲ្យ​ ប្រព័ន្ធ​រំលាយ​អាហារ​ដើរ​បាន​ល្អ និង​ជម្រុញ​រាង​កាយ​ឲ្យ​ស្រូប​សារធាតុ​បំប៉ន​បាន​គ្រប់​គ្រាន់​។ ហើយ​បាក់​តេរី​ល្អ​ៗ ទាំង​នោះ ក៏​មាន​នៅ​ក្នុង​បរិស្ថាន​ខាង​ក្រៅ ដើម្បី​ជួយ​រាង​កាយ​មនុស្ស និង​សត្វ ឲ្យ​ស៊ាំ​ទៅ​នឹង​ បរិស្ថាន​ថ្មី​ៗ​ជុំ​វិញ​ខ្លួន​ផង​ដែរ តាម​រយៈ​ទម្រង់​ជា​ការ​ផ្ស៊ាំ​ខ្លួន​ តោង​ជាប់​នឹង​រាង​កាយ​ មនុស្ស សត្វ​។

អត្ថបទពាក់ព័ន្ធ៖

ដោយ​ឃើញ​ពី​ គុណ​តម្លៃ​នេះ អ្នក​ស្រាវជ្រាវ​ ក៏​ដូច​ជា​អ្នក​វិទ្យាសាស្រ្ត​ បាន​លើក​ទឹក​​ចិត្ត ឲ្យ​មនុស្ស​ម្នា គិត​គូរ ​ចំណាយ​ពេល​ជា​មួយ​បរិស្ថាន​ធម្មជាតិ ជា​ជាង ចំណាយ​ពេល​នៅតែ​ក្នុង​បរិស្ថាន​ស្អាត​ល្អ​​មួយ​កន្លែង តាម​រយៈ​សកម្មភាព​ ​ការ​ចេញ​ទៅ​លេង​នៅ​ពិភព​ខាង​ក្រៅ​ ប៉ុន្តែ​ក៏​ត្រូវ​មាន​អនាម័យ​ខ្លួន​ ក្រោយ​ពេល​ប៉ះ​ពាល់​​បរិស្ថាន​ទាំង​នោះ ព្រោះ​បាក់​តេរី​ ទាំង​ល្អ និង​អាក្រក់ ស្ថិត​នៅ​លាយ​ឡំ​​គ្នា​ក្នុង​ធម្មជាតិ៕

ក្នុង​ករណី​មាន​សំណួរ ឬ​មន្ទិល​សង្ស័យ​ជុំវិញ​សុខ​ភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជា​មួយ​ពេទ្យ​ជំនាញ។Hello Health Group មិនចេញ វេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

health-tool-icon

គណនា BMI

ប្រើ​រង្វាស់សុខភាព​BMI ដើម្បី​គណនា​រាងកាយ ទម្ងន់ និង​កម្ពស់​សមសួន និង​សុខភាព​ល្អ

ប្រុស

ស្រី

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

រូបថត​របស់​អ្នក​និពន្ធbadge
ដោយ មាន រតនា កែសម្រួល​ចុងក្រោយ 01/09/2019
ត្រួតពិនិត្យដោយ សន សុភា