ប្រទេសវៀតណាម និងសិង្ហបុរី កាលពីម្សិលមិញបានបញ្ជាក់ថាខ្លួនបានរកឃើញវត្តមានអ្នកផ្ទុកវីរុសកូរ៉ូណាថ្មីនៅក្នុងប្រទេសរបស់ខ្លួនហើយ បន្ទាប់ពីវីរុសនេះបានចាប់ផ្តើមរាលដាលដំបូងនៅក្នុងទីក្រុងវូហាន ប្រទេសចិនកាលពីខែធ្នូ ឆ្នាំ២០១៩ និងគិតត្រឹមព្រឹកថ្ងៃសុក្រនេះ ចំនួនអ្នកស្លាប់កើនដល់២៥នាក់ហើយ។
វីរុសកូរ៉ូណាថ្មីមកដល់វៀតណាម និងសិង្ហបុរី ខណៈអ្នកស្លាប់កើនដល់២៥នាក់
ក្រសួងសុខាភិបាលសិង្ហបុរី ក្នុងសន្និសីទសារព័ត៌មានកាលពីល្ងាចមិញបាននិយាយថាបុរស់ជនជាតិចិនអាយុ៦៦ឆ្នាំម្នាក់មានផ្ទុកវីរុសកូរ៉ូណាថ្មីនេះ។ ប្រភពបន្តថាជនជាតិចិនខាងលើរស់នៅទីក្រុងវូហានប្រទេសចិន និងបានធ្វើដំណើរមកកាន់សិង្ហបុរីជាមួយក្រុមគ្រួសារកាលពីថ្ងៃទី២០ ខែមករា កន្លងមក ដោយបានហោះហើរពីGuangzhou ប្រទេសចិន។
ជាមួយគ្នានេះដែរ កាលពីម្សិលមិញប្រទេសជាប់របងកម្ពុជាឯនេះវិញ គឺវៀតណាម ក៏បានបញ្ជាក់ថាជនជាតិចិនពីររូបគឺម្នាក់មានអាយុ៦៦ឆ្នាំ និងម្នាក់ទៀតអាយុ២៨ឆ្នាំ ត្រូវបានអាជ្ញាធររកឃើញមានមានផ្ទុកវីរុសកូរ៉ូណាថ្មីនេះ។ អ្នកទាំងពីបានមកដល់ទីក្រុងហាណូយប្រទេសវៀតណាម កាលពីថ្ងៃទី១៣ ខែមករា និងបានបន្តដំណើរដល់ទីក្រុងសៃហ្គន ជាទីដែលគេរកឃើញថាអ្នកទាំងពីរមានផ្ទុកវីរុសកូរ៉ូណាប្រភេទថ្មីនេះ។
គួរបញ្ជាក់ថាគិតត្រឹមព្រឹកថ្ងៃសុក្រនេះ អ្នកឆ្លងវីរុសកូរ៉ូណាថ្មី ឬជំងឺផ្លូវដង្ហើមប្រភេទថ្មីនេះមានចំនួន៨៣០ករណី និងចំនួនអ្នកស្លាប់កើនដល់២៥នាក់។ គិតមកដល់ពេលនេះប្រទេសដែលរកឃើញថាមានការឆ្លងវីរុសកូរ៉ូណាប្រភេទថ្មីនេះមានចិន ជប៉ុន កូរ៉េខាងត្បូង សិង្ហបុរី អាមេរិក ថៃ និងវៀតណាម។
អត្ថបទពាក់ព័ន្ធ៖
- អ្នកវិទ្យាសាស្ត្រសង្ស័យវីរុសកូរ៉ូណាថ្មី ឆ្លងពីសត្វពស់ទៅមនុស្ស និងខ្លះថាពីប្រចៀវ
- ជំងឺផ្លូវដង្ហើមថ្មីអាចនឹងផ្លាស់ប្ដូររូបរាងជាថ្មី និងរាលដាលកាន់តែខ្លាំង
- អ្នកជំនាញថា វីរុសកូរ៉ូណាថ្មីអាចសម្ងំប្រហែល ៧ ថ្ងៃ មុនចេញរោគសញ្ញា
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម