ពិភពលោកនៅដើមសប្តាហ៍នេះ ចាប់ផ្តើមប្រកាសអាសន្នកាន់តែខ្លាំង ពីការរីកសាយភាពមេរោគផ្លូវដង្ហើមថ្មី New Coronavirus ក្រោយប្រទេសចិនកាលពីចុងសប្តាហ៍ អះអាងថា មេរោគដ៏កាចសាហាវនេះ អាចឆ្លងពីម្នាក់ទៅម្នាក់ មុនពេលអ្នកផ្ទុកមេរោគលេចចេញរោគសញ្ញាទៅទៀត។
ចង់ចាកចេញពី Hellokrupet?
ប្រាកដហើយថា អ្នកចង់ចាកចេញ?
WHO នៅតែមិនជឿការអះអាងរបស់ចិន"មេរោគផ្លូវដង្ហើមថ្មី អាចឆ្លងមុនចេញរោគសញ្ញា"
ការអះអាងពីសំណាក់រដ្ឋាភិបាលចិន បានជំរុញឲ្យបណ្តាប្រទេសជាច្រើនជុំវិញពិភពលោក ប្រុងជើងការណ៍កាន់តែខ្ពស់ចំពោះមេរោគផ្លុវដង្ហើមថ្មីនេះ ប៉ុន្តែអង្គការសុខភាពពិភពលោក (WHO) នៅតែមានមន្ទិលសង្ស័យទៅលើការអះអាងនេះ ដោយកំពុងស្វះស្វែងរកភស្តុតាងដើម្បីបញ្ជាក់ការអះអាងខាងលើ។
ទីភ្នាក់ងារសុខភាពអង្គការសហប្រជាជាតិកាលពេលថ្មីៗនេះ បានប៉ាន់ប្រមាណថា រយៈពេលឆ្លងមេរោគផ្លូវដង្ហើមថ្មីពីមនុស្សម្នាក់ទៅមនុស្សម្នាក់ អាចចន្លោះពី ២-១០ ថ្ងៃ។ “យល់ច្បាស់ពីពេលវេលាឆ្លងមេរោគផ្លូវដង្ហើមថ្មីទៅអ្នកដទៃ ជារឿងសំខាន់មួយសម្រាប់កិច្ចប្រឹងប្រែងគ្រប់គ្រងការរីករាលដាលមេរោគផ្លូវដង្ហើមថ្មីនេះ។” នេះជាការអះអាងរបស់អង្គការសុខភាពពិភពលោក។
អត្ថបទពាក់ព័ន្ធ៖
- ក្រោយផ្ទុះជំងឺផ្លូវដង្ហើមថ្មី ២ករណីអាមេរិក ចាត់វិធានការព្យាបាល ដោយរ៉ូបូត
- កាន់តែខ្លាំង! វីរុសដង្ហើមថ្មីឆក់យកជីវិតគ្រូពេទ្យម្នាក់ និងអាចឆ្លងចូលតាមភ្នែកទៀត
- អាប់ដេត! ទាំងស្រុងពីការរាលដាល វីរុសផ្លូវដង្ហើមណូវែលកូរ៉ូណា គិតត្រឹមថ្ងៃសៅរ៍នេះ
អង្គការដដែលលើកឡើងថា មកទល់នឹងពេលនេះ នៅមិនទាន់មានភស្តុតាងជាក់លាក់ណាមួយ អាចគាំទ្រទៅលើការអះអាងរបស់អាជ្ញាធរចិនដែលថា អ្នកដែលផ្ទុកមេរោគផ្លូវដង្ហើមថ្មីនេះ អាចចម្លងទៅអ្នកដទៃបាន មុនពេលខ្លួនលេចចេញរោគសញ្ញាគ្រុនក្តៅ ឬពិបាកដង្ហើមនៅឡើយទេ។
យ៉ាងណា កាលពីសប្តាហ៍មុន WHO បានបញ្ឈប់ការប្រកាសអាសន្នជាសកលពាក់ព័ន្ធការផ្ទុកមេរោគ New Coronavirus ឬ 2019nCoV ក្នុងចេតនាកុំឲ្យពិភពលោកជ្រួលច្របល់ ប៉ុន្តែកាលពីថ្ងៃច័ន្ទដើមសប្តាហ៍ អង្គការសុខភាពធំបំផុតលើលោកមួយនេះ បានទទួលស្គាល់កំហុស ក្រោយករណីមនុស្សស្លាប់ និងឆ្លងមេរោគ កើនឡើងកាន់តែខ្លាំងដល់កម្រិតប្រកាសអាសន្ន។
អត្ថបទពាក់ព័ន្ធ៖
- ត្រឹមថ្ងៃអាទិត្យនេះ វីរុសកូរ៉ូណាថ្មី នៅតែគួរឲ្យខ្លាច និងបារម្ភបំផុត
- អ្នកវិទ្យាសាស្ត្រសង្ស័យវីរុសកូរ៉ូណាថ្មី ឆ្លងពីសត្វពស់ទៅមនុស្ស និងខ្លះថាពីប្រចៀវ
យោងតាមរបាយការណ៍ចុងក្រោយគិតត្រឹមព្រឹកថ្ងៃអង្គារនេះ ចំនួនអ្នកស្លាប់ដោយសារមេរោគផ្លូវដង្ហើមថ្មី ឬ New Coronavirus គឺមានដល់ជាង ១០៦នាក់ និងជាង ៤.០០០នាក់បានឆ្លងមេរោគ នាំឲ្យពិភពលោកទាំងមូលប្រកាសអាសន្ន ព្រោះជំងឺផ្លូវដង្ហើមថ្មីនេះ កំពុងរីកសាយភាយខ្លាំងក្លាជាងជំងឺ SARS និងជំងឺ MERS កាលពីជាង ១០ ឆ្នាំមុនទៅទៀត។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
គណនា BMI
ប្រើរង្វាស់សុខភាពBMI ដើម្បីគណនារាងកាយ ទម្ងន់ និងកម្ពស់សមសួន និងសុខភាពល្អ
ប្រុស
ស្រី
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Share