អ្នកស្រាវជ្រាវ ចិនបានខ្នះខ្នែងយ៉ាងខ្លាំងដើម្បីស្វែងរកថ្នាំដែលអាចប្រឆាំងនឹងវីរុសកូរ៉ូណាថ្មីបានឲ្យលឿនតាមដែលអាចធ្វើទៅបាន។ ខាងក្រោមនេះគឺជាថ្នាំប៉ុន្មានប្រភេទដែលអ្នកស្រាវជ្រាវរកឃើញថាមានប្រសិទ្ធភាពក្នុងការព្យាបាល ប្រឆាំងនឹងវីរុសកូរ៉ូណាថ្មី ដោយថ្នាំខ្លះបានឈានចូលដល់ដំណាក់កាលព្យាបាលសាកល្បង (Clinical trial) និងថ្នាំខ្លះទៀតបានកំពុងតែស្ថិតក្នុងការរៀបចំចូលក្នុងគោលការណ៍នៃការព្យាបាល (Treatments Guidelines)ជំងឺដែលបង្កដោយវីរុសនេះ។
ថ្នាំទាំងនេះ អ្នកស្រាវជ្រាវជឿថាអាចមានប្រសិទ្ធភាពប្រឆាំងវីរុសកូរ៉ូណាថ្មី
១. ថ្នាំ REMDESIVIR
ថ្នាំនេះត្រូវបានផលិតឡើងដោយ ក្រុមហ៊ុនថ្នាំពេទ្យសហរដ្ឋអាមេរិក Gilead Sciences។ ថ្នាំនេះមានប្រសិទ្ធិភាពខ្ពស់ប្រឆាំងនឹងវីរុសកូរ៉ូណា បង្កជំងឺ SARS និងជំងឺ MERS ក្នុងការពិសោធន៍ទៅលើកោសិកា និងសត្វ។ ការធ្វើតេស្ត ព្យាបាលសាកល្បង (Clinical trial) ត្រូវបានធ្វើឡើងពីមុនមកនៅពេលដែលវីរុស Ebola ផ្ទុះឡើង។
ថ្នាំនេះ គេបានរកឃើញថាមានប្រសិទ្ធភាពល្អក្នុងការប្រឆាំងវីរុសកូរ៉ូណាថ្មី (2019-nCoV) ក្នុងការពិសោធន៍កម្រិតកោសិកា។ គិតមកដល់ពេលនេះមានអ្នកជំងឺ ចំនួន ៧៦១នាក់ ត្រូវបានបញ្ចូលក្នុងការធ្វើតេស្តព្យាបាលសាកល្បង ដោយប្រើថ្នាំនេះនៅទីក្រុងវូហាន។ ការធ្វើតេស្តព្យាបាលសាកល្បងចាប់ផ្ដើមនៅថ្ងៃព្រហស្បតិ៍ នេះ ដែលធ្វើឡើងនៅមន្ទីរពេទ្យមួយចំនួននៅទីក្រុងវូហាន រួមទាំងមន្ទីរពេទ្យ Wuhan Jinyintan ផងដែរ។
២.ថ្នាំ CHLOROQUINE
ថ្នាំនេះ ជាថ្នាំប្រឆាំងនឹងជំងឺគ្រុនចាញ់ និងជាថ្នាំប្រឆាំងជំងឺប្រព័ន្ធភាពស៊ាំប្រឆាំងខ្លួនឯង ដែលគ្រូពេទ្យប្រើរយៈពេលច្រើនជាង ៧០ឆ្នាំមកហើយ។ ថ្នាំនេះ គេដឹងថាមានសកម្មភាពប្រឆាំងវីរុស ដោយផ្លាស់ប្ដូរកម្រិតអាស៊ីដ និងបាស នៅក្នុងកោសិកា ហើយរំខានដល់រេសិបទ័រ របស់វីរុសកូរ៉ូណា ដែលបង្កជំងឺ SARS។
ក្នុងការសិក្សាថ្មីៗនេះ អ្នកស្រាវជ្រាវរបស់ចិនបានរកឃើញថា វាមានប្រសិទ្ធភាពទប់ទល់នឹងការបង្ករោគរបស់វីរុសកូរ៉ូណាថ្មី នៅក្នុងការធ្វើតេស្តក្នុងមន្ទីរពិសោធន៍។ វាក៏បង្ហាញពីសកម្មភាពជំរុញប្រព័ន្ធភាពស៊ាំ ដែលនាំឲ្យបង្កើនសកម្មភាពប្រឆាំងនឹងវីរុស ហើយវាក៏អាចសាយភាយពេញរាងកាយ រួមទាំងសួតផងដែរ នៅពេលដែលលេបថ្នាំរួច។
៣. ថ្នាំប្រឆាំងនឹង វីរុស HIV (ANTI-HIV DRUGS)
ក្នុងការសិក្សារមួយនៅឆ្នាំ២០០៤ គេបានរកឃើញថា ថ្នាំ Lopinavir និងថ្នាំ Ritonavir ដែលជាថ្នាំត្រូវប្រើរួមគ្នា ក្នុងការព្យាបាលប្រឆាំងវីរុស HIV ក៏មានប្រសិទ្ធភាពក្នុងការព្យាបាលជំងឺ SARS ដូចគ្នា។ ថ្នាំទាំងពីរនេះ មានសកម្មភាពប្រឆាំងនឹងអង់ហ្ស៊ីម Protease ដែលជាអង់ហ្ស៊ីម វីរុស HIV និង វីរុសកូរ៉ូណាថ្មី ត្រូវការដើម្បីបំបែកខ្លួន។
តាមអ្នកស្រាវជ្រាវចិនបានឲ្យដឹងថា កាលពីចុងខែមុន អ្នកជំងឺចំនួន ៤១នាក់ដំបូង ត្រូវបានព្យាបាលជានៅពេលធ្វើតេស្តព្យាបាលសាកល្បងដោយប្រើថ្នាំផ្សំប្រឆាំងវីរុស HIV ទាំងនេះ។ ក្នុងគោលការណ៍ព្យាបាលជំងឺកូរ៉ូណាថ្មី លើកទីបី ដែលបោះពុម្ភដោយ គណៈកម្មការសុខភាពជាតិរបស់ប្រទេសចិន បានណែនាំឲ្យប្រើ ថ្នាំ Lopinavir/ថ្នាំ Ritonavir និង ហឺត ថ្នាំស្ពុង alpha-interferon មួយដងមួយកម្រិត ពីរដងក្នុងមួយថ្ងៃ អាចមានប្រយោជន៍ដល់អ្នកជំងឺ។
៤. ថ្នាំ ARBIDOL & ថ្នាំ DARUNAVIR
ថ្នាំ Arbidol គឺជាថ្នាំប្រឆាំងវីរុស ដែលនៅប្រទេសចិនប្រើដើម្បីព្យាបាលវីរុសផ្ដាសាយ។ ថ្នាំនេះអាចប្រើផ្សំជាមួយថ្នាំ Darunavir ដែលជាថ្នាំប្រឆាំងនឹងវីរុស HIV ដើម្បីព្យាបាលអ្នកជំងឺដែលឈឺដោយវីរុសកូរ៉ូណាថ្មីនេះ។
ក្រុមអ្នកស្រាវជ្រាវ ដែលដឹកនាំដោយ លោកស្រី Li Lanjuan សមាជិក នៃបណ្ឌិត្យសភា វិស្វកម្ម ប្រទេសចិន និងជាអ្នកជំនាញ របស់គណៈកម្មកាសុខភាពជាតិចិន បាននិយាយថាថ្នាំទាំងនេះ គឺអាចមានប្រសិទ្ធភាពប្រឆាំងនឹងវីរុស កូរ៉ូណាថ្មី នៅពេលធ្វើតេស្តក្នុងមន្ទីរពិសោធន៍។ លោកស្រីក៏បានផ្ដល់យោបល់ឲ្យដាក់ថ្នាំទាំងនេះ ចូលក្នុងគោលការណ៍នៃព្យាបាលដែលត្រូវចុះផ្សាយនៅលើកទី៦។
អត្ថបទពាក់ព័ន្ធ៖
- អ្នកឆ្លងវីរុសកូរ៉ូណាថ្មីជាង ៧០០នាក់នៅចិនស្ម័គ្រចិត្តធ្វើតេស្តឱសថប្រឆាំងវីរុស
- មានផ្ទៃពោះគួរថែខ្លួនបែបណា ដើម្បីគេចផុតពីវីរុសកូរ៉ូណាថ្មី?
- មនុស្សប្រភេទណា ងាយប្រឈមនឹងការឆ្លងវីរុសកូរ៉ូណាថ្មី?
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម