ថ្ងៃនេះក្រសួងសុខាភិបាល បានប្រកាសដំណឹងដ៏ល្អ២ ទី១ ពុំរកឃើញករណីឆ្លងថ្មី និងទី២ មានអ្នកជាសះស្បើយ COVID-19 រហូតជាង ១០ នាក់ ដែលចំនួនច្រើនបែបនេះធ្លាប់មានកាលពីថ្ងៃ ៤ មេសា ឆ្នាំ ២០២០ ម្ដងមកហើយ។ ក្នុងចំណោមអ្នកជាសះស្បើយទាំង ១៤ នាក់ ដែលក្រសួងបានប្រកាសកាលពីព្រឹកមិញនេះ ភាគច្រើនជាអ្នកទេសចរជនជាតិបារាំង។
អ្នកមិនទាន់ជាសះស្បើយពី COVID-19 នៅសល់ប៉ុន្មាននាក់ទៀត?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ចំនួនអ្នកឆ្លង COVID-19 ទូទាំងប្រទេសមានសរុបចំនួន ១២២នាក់ (ស្រី ៣៨ និងបុរស ៨៤ នាក់) ដែលរាប់ទាំងអ្នកបានព្យាបាលជាសះស្បើយ និងអ្នកកំពុងព្យាបាល ហើយចំពោះករណីជាសះស្បើយមានចំនួនសរុប ៩១ នាក់ ស្មើនឹង ៧៤,៥៩% ធៀបទៅនឹងចំនួនអ្នកផ្ទុក COVID-19 ទាំងអស់។
អ្នកជាសះស្បើយទាំង ៩១ នាក់ក្នុងនោះបុរស ៦៤ នាក់ និងស្ត្រី ២៧ នាក់ ក្នុងនោះបុរសចិន ១ នាក់ បុរសអង់គ្លេស ១ នាក់ បុរសបែលហ្សិក ១ នាក់ បុរសបារាំង ១៥ នាក់(មានទារកអាយុ ៤ ខែម្នាក់) បុរសម៉ាឡេស៊ី ១០ នាក់ បុរសឥណ្ឌូណេស៊ី ២ នាក់ និងបុរសខ្មែរ ៣៤ នាក់។ ចំណែកស្ត្រីវិញមានអង់គ្លេស ៣ នាក់ បារាំង ២០ នាក់ និងខ្មែរ ៤ នាក់។
ដូចនេះអ្នកមិនទាន់ជា នៅតែ ៣១ នាក់ទៀតប៉ុណ្ណោះ ក្នុងនោះមាននៅស្ត្រី ១១ នាក់ និងបុរស ២០ នាក់ទៀត ដែលកំពុងសម្រាកព្យាបាលនៅមន្ទីរពេទ្យរដ្ឋថ្នាក់ជាតិ និងថ្នាក់ខេត្ត ហើយពុំមានករណីស្លាប់នោះទេ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម