ផ្ដាសាយជាជំងឺដែលកើតច្រើនបំផុតនាខែត្រជាក់នេះ ដូចនេះយើងទាំងអស់គ្នាគួរតែដឹង និងមានវិធីទប់ស្កាត់ឲ្យបានទាន់ពេលវេលា។ ខាងក្រោមនេះគឺជាការណែនាំរបស់អ្នកគ្រូ ពុំ ចន្ទ័ អនុប្រធានមណ្ឌលសុខភាពទទួលបន្ទុកចាក់វ៉ាក់សាំង នៅមន្ទីរពេទ្យបង្អែកស្រុកខ្សាច់កណ្ដាល។
ស្វែងយល់ពីមេរោគផ្ដាសាយ និងវិធីការពារទាំងអស់គ្នា
អ្នកគ្រូបានឲ្យដឹងថាមេរោគផ្ដាសាយបង្កឡើងដោយ Influenza viruses ដែលវាមានសមត្ថភាពអាចចម្លងពីមនុស្សម្នាក់ទៅមនុស្សម្នាក់ទៀតបានតាមរយៈចំហាយទឹក និងដំណក់ទឹកតូចៗពេលក្អក ឬកណ្តាស់ម្តងៗ។ ចំពោះអាការៈជំងឺផ្ដាសាយវិញមានដូចជា ក្ដៅខ្លួន ឈឺក្បាល ក្អក ឈឺបំពង់ក និងឈឺចាប់តាមសាច់ដុំ។
វិធីបង្ការ និងព្យាបាលវិញ៖
– ពេលកណ្ដាស់ត្រូវយកកន្សែងខ្ទប់មាត់ តែបើគ្មានអាចយកដៃមកខ្ទប់សិន បន្ទាប់មកត្រូវទៅលាងសម្អាតជាមួយសាប៊ូ
– ឧស្សាហ៍លាងសម្អាតដៃ
– សម្រាកឲ្យបានច្រើន
– ផឹកទឹកឲ្យបានច្រើន
– ញ៉ាំផ្លែឈើសម្បូរវីតាមីន C
– ផឹកទឹកក្ដៅឧណ្ហៗ
– ងូតទឹកក្ដៅឧណ្ហៗ។
ដើម្បីកាត់បន្ថយ ជំងឺផ្ដាសាយយើងមានជម្រើសល្អមួយ គឺចាក់វ៉ាក់សាំងដែលអាចកាត់បន្ថយ និង បង្ការជំងឺផ្ដាសាយបាន១ឆ្នាំ តែវាអាចការពារបានតែផ្ដាសាយធំមួយមុខប៉ុណ្ណោះ។
អត្ថបទពាក់ព័ន្ធ៖ បកស្រាយចម្ងល់ ស្រីៗពពោះចាក់វ៉ាក់សាំងផ្ដាសាយ នៅតែឈឺដដែល
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម