home

តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

ហេតុអី​ស្រីៗ​គួរ​ហាត់ប្រាណ ពេល​មក​រដូវ?

ហេតុអី​ស្រីៗ​គួរ​ហាត់ប្រាណ ពេល​មក​រដូវ?

មកខែ​ម្ដងៗ ស្រីៗ​យើង​ប្រាកដ​ជា​អារម្មណ៍​មួម៉ៅបន្តិច ណាមួយ​បើ​ឈឺពោះផង ឆេវឆាវមិន​តិច​ទេ។ “Hello គ្រូពេទ្យ” មាន​គន្លឹះ​ជួយ​សម្រួល​អារម្មណ៍ ភាព​ឈឺចាប់ និង​ការ​រំខាន​ផ្សេង​ទៀត​​ដោយសារ​មក​រដូវ គឺ​ហាត់​ប្រាណ​ពេល​មក​រដូវ ដោយ​វាផ្តល់​ប្រយោជន៍​​ច្រើនដល់​ស្រីៗ​យើង។

១- កាត់បន្ថយភាពហើម

រដូវ​បង្ក​ឡើង​ដោយ​​សារ​ការ​ផ្លាស់​ប្តូរ​អ័រម៉ូន ហើយ​ការ​ផ្លាស់​ប្តូរ​ទាំង​នេះ​អាច​បណ្តាល​ឲ្យ​រាង​កាយ​ស្តុក​ទឹក​ទុក​។ បាតុ​ភូត​នេះ​ហៅ​ថា Water Retention។ លើស​ពី​នេះ ​ការ​ផ្លាស់​ប្តូរ​ចំណង់​អាហារ​ ក៏​​កើត​ឡើង ​ខ្លះចង់​ញ៉ាំ​អាហារ​ធ្វើ​ឲ្យ​ឡើង​គីឡូ ហើយ​​ការ​ផ្លាស់​ប្តូរ​នេះ​ក៏​អាចនាំ​ឲ្យ​មាន​សភា​ហើម ​ជា​ដើម។ ហាត់​ប្រាណ​ទៀង​ទាត់​អាច​ជួយ​បន្ថយ​នេះ​បាន។

២- បន្ថយការឈឺចាប់ពេលមករដូវ

សញ្ញា​មួយ​ទៀត​តែង​​រំខាន​នោះ​ គឺ​ការ​ឈឺ​ចាប់ សូម្បី​តែ​ស្រីៗយើង​រឹង​មាំ​ខ្លាំង ​ក៏​មិន​ចង់​ទ្រាំ​ទ្រ​នឹង​ការ​រមួល​ចុក​ដូច​គ្នា។ ពេល​ហាត់​ប្រាណ​ អ័រម៉ូនអង់ដូហ្វីន (Endorphin) នឹង​ដំណើរ​ការ ​អាច​ជួយ​សំរួល​ការ​ឈឺ​ចាប់​បាន។

៣- សម្រួលអារម្មណ៍ឲ្យនឹងនរ

មាន​អារម្មណ៍​រសាប់​រសល់​ជា​សញ្ញា​មួយ​ទៀត​​បញ្ជាក់​ប្រាប់​ថា ​នឹង​មាន​រដូវ​ឆាប់​ៗ។​ធ្លាប់ឮ​គេ​​និយាយ​ថា «​ហាត់​ប្រាណ​ជួយ​កាត់​ស្ត្រេសដែរ​អត់»? ការពិត សកម្មភាព​រាង​កាយ​ជួយ​ផ្តល់​អត្ថ​ប្រយោជន៍​នេះ។ អ័រម៉ូនអង់ដូហ្វីន ជួយ​តាម​រយៈ​ការ​ធ្វើ​ឲ្យ​យើង​គិត​វិជ្ជមាន ​និង​រំសាយ​អារម្មណ៍។ បែប​នេះ​ យើង​ច្បាស់ជា​មាន​អារម្មណ៍​ល្អ​។

៤. សម្រួល​ការ​មក​រដូវ

ហាត់ប្រាណ ឬមានសកម្មភាព​រាងកាយ ដូចជា ដើរ រត់តិចៗ ជួយ​សម្រួល​ចលនា​ឲ្យ​រដូវ​កាន់តែ​ធ្លាក់ឆាប់​អស់ មិន​រអាក់​រអួល​ពន្យារ​ដល់​ច្រើន​ថ្ងៃ។

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត​ សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគ​វិនិច្ឆ័យ ឬ​​ព្យាបាល​ជូន​ទេ៕

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

“5 Things to Know About Exercising During Your Period”

http://news.health.com/2015/08/13/5-things-to-know-about-exercising-during-your-period/ Accessed November 16th, 2016

“Benefits of Exercising During Your Period”

http://sport.onehowto.com/article/benefits-of-exercising-during-your-period-7510.html Accessed November 16th, 2016

“Exercise and Your Menstrual Cycle: What Your Period Means for Your Workout Schedule”

http://www.shape.com/lifestyle/mind-and-body/exercise-and-your-menstrual-cycle-what-your-period-means-your-workout Accessed November 16th, 2016

រូបថត​របស់​អ្នក​និពន្ធbadge
ដោយ Leng Pechsovatey កែសម្រួល​ចុងក្រោយ 27/02/2019
ត្រួតពិនិត្យដោយ វេជ្ជ. ចាន់ ស៊ីណេត