home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

របស់ទាំងអស់នេះ អាចប្រើនៅបរិវេណខាងក្រៅបាន តែហាមដាក់ចូលទ្វារមាស

របស់ទាំងអស់នេះ អាចប្រើនៅបរិវេណខាងក្រៅបាន តែហាមដាក់ចូលទ្វារមាស

ទ្វារមាស​ស្រីៗ ជា​កន្លែង​មានរំញោច​ខ្លាំង ប៉ុន្តែ​ស៊ាំញ៉ាំ និង​ងាយ​ឆ្លង​មេរោគ បាក់តេរីណាស់ ហេតុ​នេះស្រីៗគួរ​មាន​ការ​ប្រុង​ប្រយ័ត្ន ពិសេស​អនាម័យឲ្យ​បាន​ត្រឹម​ត្រូវ។ ដូច​ធ្លាប់បានលើក​ឡើង​ជា​រឿយៗ​អ៊ីចឹង ជា​ធម្មតា​ ទ្វារ​មាស តែង​មាន​ក្លិន​ អាច​ជា​ក្លិន​ធម្មជាតិ ឬ​បង្ក​ឲ្យ​សារ​បញ្ហា​អ្វី​មួយ យ៉ាង​ណា បើ​ចង់​សម្អាត​ទ្វារ​មាស គឺ​មិន​​ត្រូវ​បាញ់​ទឹក​ចូល​ ឬ​យកអ្វី​ដើម្បី​កាត់​ក្លិន​ជា​ដាច់​ខាត​ ព្រោះ​អាច​បង្ក​ជា​របួស ឬប្រឈម​គ្រោះ​ថ្នាក់​ធ្ងន់​ធ្ងរ ខណៈ​របស់​ប៉ុន្មាន​មុខ ក្នុង​អត្ថបទ​នេះ ដាច់ខាត ហាម​ដាក់​ចូល​ទ្វារ​មាស​។

១- ស្ព្រាយ​បាញ់​បំបាត់​ក្លិន និងសាប៊ូ

ខុស​ពី​អ្វីស្រីៗ​ភាគ​ច្រើន​​បាន​គិត ទ្វារ​មាសយើង​​មិន​ចាំ​បាច់​មាន​ក្លិន​ក្រអូប​ដូចផ្កា ផ្លែ​ឈើ​នោះ​ទេ។ ទ្វារ​មាស ​គឺ​មាន​ក្លិនបែបធម្មជាតិ ហើយ​ក៏​មិន​មាន​អ្វី​មួយ​ ត្រូវ​មក​កំណត់​ក្លិន​ធម្ម​ជាតិ​នេះ​បាន​ដែរ។ ហេតុ​នេះ​ ទើប​បាន​ជា​សារធាតុ​មួយ​ចំនួន​ ដូច​ជា ស្ព្រាយ​បាញ់​បំបាត់​ក្លិន និង​សាប៊ូ​ត្រូវ​គេ​ណែនាំ មិន​គួរ​មាន​​នៅ​ក្នុង​ទ្វារ​មាស​ឡើយ។ បើ​ចង់​ប្រើ ​អាច​យក​សាប៊ូ​មក​សម្អាត​នៅ​បរិវេណ​ខាង​ក្រៅ​ ហើយ​​ត្រូវ​ចាំ​​ថា ​ពេល​​ដាក់សាប៊ូ ឬ​ប្រើបាញ់​ស្ព្រាយ​ចូល​ក្នុង​ទ្វារ​មាស ​នឹង​ធ្វើ​ឲ្យ​មាន​គ្រោះ​ថ្នាក់​ច្រើន​ដល់​យើង ដោយ​សារ​តែ​សារធាតុ​ទាំង​នេះ នឹង​ធ្វើ​ឲ្យ​មាន​រកាំ ឬ​រលាក​នៅ​លើ​ជញ្ជាំងទ្វារ​មាស។

២- ក្រែមបំបាត់រោម

ស្រីៗមួយ​ចំនួន​ តែង​​មិន​ចង់​ប្រើ​ឡាម​យក​មក​កោរ​រោម​លើ​ប្រដាប់​ភេទ ដោយ​សារ​តែ​ពេល​ស្លៀក​ប៊ីគីនី​ទៅ​មិន​ស្អាត ខណៈមូល​ហេតុ​នេះ​ ទើប​បាន​ជា គ្នា​យើង​​ជ្រើស​រើស​យក​ក្រែម​បំបាត់​រោម​យក​មក​ប្រើ។ ជា​ធម្មតា​ ក្រែម​បំបាត់​រោម​ មិន​បង្ក​គ្រោះ​ថ្នាក់​អ្វី​ដល់​ទ្វារ​មាសទេ បើ​យើងពិនិត្យ​វា​ឲ្យ​បាន​ត្រឹម​ត្រូវ ​មុន​យក​មក​ប្រើ។ មុន​ពេល​យក​ក្រែម​មក​​លាប ​គួរ​សាក​លាប​វា​បន្តិច​នៅ​លើ​ស្បែកសិន ដើម្បី​ការ​ពារ​កុំ​ឲ្យ​មាន​ប្រតិកម្ម ឬ​ធ្វើ​ឲ្យ​ស្បែក​ឡើង​ហើម។ ប៉ុន្តែ​ទោះ​ជា​យ៉ាង​ណា​ក្ដី គ្នា​យើង ក៏​​មិន​ត្រូវ​ឲ្យ​ក្រែម​ទាំង​នោះ​ចូល​ក្នុង​ទ្វារ​មាស​​ជា​ដាច់​ខាត។

៣- ប្រដាប់បាញ់លាងសម្អាតទ្វារមាស

ស្រីៗ​មួយ​ចំនួន ​ចូល​ចិត្ត​ប្រើ​ទឹក​បាញ់​លាង​ទ្វារ​មាស ប៉ុន្តែគ្រូពេទ្យ ​រក​ឃើញ​ថា​ ប្រដាប់​បាញ់​លាង​សម្អាត​ទ្វារ​មាស​ ​គ្មាន​អ្វីសំខាន់​ឡើយ ហើយ​​ថែម​ទាំង​អាច​បង្ក​គ្រោះ​ថ្នាក់​ដល់​ទ្វារ​មាស​ទៀត​ផង។ បើ​យោង​តាម​លោកស្រី Alyssa Dweck, M.D ​វេជ្ជ​បណ្ឌិត​ផ្នែក​រោគ​ស្រ្តី និងការ​សាស្ត្រា​ចារ្យ​ជំនួយ​​ នៃសាលា​វេជ្ជសាស្ត្រ Mount Sinai លើក​ឡើង​ថា ប្រដាប់​បាញ់​លាង​សម្អាត​ទ្វារ​មាស ធ្វើ​ឲ្យ​មាន​អតុល្យភាព​នៃ​បាក់​តេរី​ល្អ​ៗ​​ក្នុង​ទ្វារ​មាស និង​ប៉ះ​ពាល់​ដល់​កម្រិត pH ក្នុង​ទ្វារ​មាស​ដូច​គ្នា ជាហេតុ​ធ្វើ​ឲ្យ​មាន​រលាក​ក្នុង​ទ្វារ​មាស​កើត​ឡើង។

លើសពី​នេះ ​ប្រដាប់​បាញ់​លាង​សម្អាត​ទ្វារ​មាស ​ក៏​មាន​ទាក់​ទង​ជាមួយ​ជំងឺ​រលាក​អាង​ត្រគាក និង​ជំងឺ​កើន​ឡើង​បាក់តេរី​ក្នុង​ទ្វារមាស (Bacterial vaginosis) ដូច​គ្នា។

វិធី​លាង​សម្អាត​ទ្វារ​មាស​ឲ្យ​បាន​ត្រឹម​ត្រូវ​នោះ​ គឺ​លាង​សម្អាត​ផ្នែក​ខាង​ក្រៅ​ថ្នម​ៗ ព្រោះ​ផ្នែក​ខាង​ក្នុង​ទ្វារ​មាស​ វា​ចេះ​សម្អាត​ដោយ​ខ្លួន​វា​ហើយ។ ​បើគ្នា​យើង​​បារម្ភ​ពី​បញ្ហា​ក្លិន​នៅ​ក្នុង​ទ្វារ​មាស ​គួរ​ប្រញាប់​ទាក់​ទង​ទៅ​គ្រូពេទ្យ​ជា​បន្ទាន់ ដោយ​សារ​តែ​ក្លិន​ទាំង​នោះ​ អាច​ជា​សញ្ញា​​បញ្ហាសុខភាព​​ណា​មួយ យើង​កើត​ឡើង​ហើយ។

អត្ថបទ​ពាក់​ព័ន្ធ៖

៤- ទឹកសូកូឡា គ្រីមលើនំខេក និងក្រែមផ្សេងៗ

ពិត​ណាស់ ពេល​ខ្លះ​រឿង​លើ​គ្រែ ​ត្រូវ​តែ​ធ្វើអ្វី​ប្លែក​ៗ​ខ្លះ ដើម្បីបង្កើន​អារម្មណ៍​ពុះ​កញ្ជ្រោល អាច​ឈាន​ដល់​ឋាន​សួគ៌​បាន។ ប៉ុន្តែ​ចំពោះ​អាហារ​ទាំង​ឡាយ​ណា​​មាន​ផ្ទុក​ជាតិ​ស្ករ សុទ្ធ​តែ​អាច​ធ្វើ​ឲ្យ​រកាំ​ត្រង់​តំបន់​ទ្វារ​មាស ជា​ពិសេស បើយើង​យក​របស់​ទាំង​អស់​នោះ ​ដាក់​ក្នុង​ទ្វារ​មាស។

លើស​ពី​នេះ ពេល​យើង​ចង់​យក​របស់​ទាំង​អស់​នោះ​ចេញ​ពី​ទ្វារ​មាស​ ក៏​​ជា​រឿង​ពិបាកដូច​គ្នា។ ហើយ​ក្រៅ​ពី​ធ្វើ​ឲ្យ​រកាំ​នៅ​ទ្វារ​មាស គ្នា​យើង​អាច​ប្រឈមបញ្ហា​រលាក​នៅ​ទ្វារ​មាស​​ទៀត​ផង។ ដូច​នេះ​ ត្រូវ​មាន​ការ​ប្រុង​​​ប្រយ័ត្ន​ឲ្យ​បាន​ខ្ពស់ មុន​ពេល​ចង់​ប្រើ​អ្វី​មួយ​មក​ដាក់​ចូល​ក្នុង​ទ្វារ​មាស។

ក្នុង​ករណី​មាន​សំណួរ ​ឬ​មន្ទិល​​សង្ស័យ​ជុំវិញ​សុខភាព​អ្នក​ ជម្រើស​ល្អ​បំផុត ​​សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​គ្រូពេទ្យ​ជំនាញ​។ ​ Hello Health Group មិន​ចេញ​វេជ្ជ​បញ្ជា មិន​ធ្វើ​រោគ​វិនិច្ឆ័យ​ ឬ​ព្យាបាល​ជូន​ទេ៕

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

18 Things You Should Never Put In Your Vagina

http://www.self.com/story/things-never-put-in-your-vagina  Accessed day January 20, 2017

7 Things You Should Never, Ever Put in Your Vagina

http://www.seventeen.com/health/sex-health/a42160/things-your-should-never-ever-put-in-your-vagina/ Accessed day January 20, 2017

4 Things You Should Never, Ever Do To Your Vagina

http://www.prevention.com/health/4-things-you-should-never-do-your-vagina Accessed day January 20, 2017

រូបថត​របស់​អ្នក​និពន្ធ
ត្រួតពិនិត្យ​ដោយ គឹម កាណែល
អត្ថបទ​ដោយ ណៃ ទូច
កែ 09/09/2019
x