ស្រីៗយើងតែងតែប្រាថ្នាចង់បានស្បែកទន់រលោង គួរឲ្យទាក់ទាញ។ ពិតណាស់ ជើងក៏ជាផ្នែកសំខាន់ដែលយើងគប្បីយកចិត្តទុកដាក់ថែទាំដូចគ្នា ហើយដើម្បីឲ្យជើងរបស់យើងទន់ល្មើយ និងមានស្បែកភ្លឺថ្លា គ្នាយើងគប្បីអនុវត្តតិចនិកទាំងនេះ។
ការថែទាំជើងឲ្យស្អាត និងមានសុខភាពល្អមានសារសំខាន់ណាស់។ ដូចនេះ យើងគប្បីសម្អាតជើងឲ្យបានសព្វល្អជាមួយនឹងទឹកក្ដៅឧណ្ហៗ និងសាប៊ូដែលគ្មានជាតិកាត់ មុនពេលចូលគេងជារៀងរាល់យប់ ដើម្បីបង្ការការឆ្លងមេរោគ និងជំងឺផ្សេងៗ។ បន្ទាប់មក ជូតជើងឲ្យស្ងួតជាមួយនឹងកន្សែងទន់ ហើយជូតកោសិកាស្បែកដែលងាប់ថ្នមៗ ជាមួយនឹងកំណាត់ក្រាស់។
ម្សៅBaking Soda ជាភ្នាក់ងារជម្រុះកោសិកាចាស់ៗដ៏ល្អបំផុតមួយ ដែលអាចជួយឲ្យស្បែកទន់ល្មើយ។ ចូរលាយម្សៅBaking Soda ក្នុងបរិមាណតិចតួច ជាមួយនឹងទឹក និងលាបលើជើង។ បន្ទាប់មក ត្រដុសជើង ដើម្បីកម្ចាត់ស្បែកងាប់ចេញ ដោយលាងសម្អាតឲ្យបានស្អាត រួចជូតឲ្យស្ងួត។ គ្នាយើងអាចអនុវត្តតិចនិកនេះចំនួន ៣ទៅ៤ដងក្នុងមួយសប្ដាហ៍ មុនពេលចូលគេង។ បើគ្មានម្សៅBaking Soda យើងអាចប្រើប្រាស់អំបិលជំនួសក៏បាន។
ទឹកឃ្មុំជាក្រែមផ្ដល់សំណើមដ៏អស្ចារ្យ ហើយមានគុណប្រយោជន៍ជួយឲ្យស្បែកទន់ល្មើយ។ ជាមួយគ្នានេះដែរ ទឹកឃ្មុំឆៅក៏អាចជួយកម្ចាត់ស្បែកជើងស្ងួតផងដែរ។ យើងគប្បីត្រាំជើងរបស់យើងរយៈពេល១០ទៅ១៥នាទី រួចត្រដុសទឹកឃ្មុំលើជើង និងទុកចោលរយៈពេល ៥ទៅ១០នាទី។ ក្រោយមក លាងជម្រះចេញជាមួយនឹងទឹកក្ដៅឧណ្ហៗ និងធ្វើដូចនេះរយៈពេល ៣ទៅ៤ដងក្នុងមួយសប្ដាហ៍។
ប្រេងអូលីវ ជារូបមន្តល្អបំផុតជួយឲ្យស្បែកជើងរលោងស្អាត។ ជាពិសេស ប្រេងអូលីវអាចជួយកម្ចាត់កោសិកាស្បែកងាប់ និងជួយឲ្យបរិវេណនោះទន់ល្មើយ។ រីឯប្រេងដូងមានប្រសិទ្ធភាពខ្ពស់ក្នុងការជួយឲ្យជើងទន់រលោង ពីព្រោះវាផ្ទុកសារធាតុប្រឆាំងផ្សិត និងបាក់តេរីដែលស័ក្ដិសមបំផុតសម្រាប់ស្បែកជើង។
ប្រើវិធីគណនានេះ គឺដើម្បីរកថ្ងៃសម្រាលកូន។ វិធីនេះអាចប៉ាន់ស្មានថ្ងៃសម្រាលបាន តែមិនធានាថាត្រឹមត្រូវទាំងស្រុងទេ។ ស្រ្តីភាគច្រើន មិនទាំងអស់ទេ អាចឆ្លងទន្លេមុន ឬក្រោយមួយសប្ដាហ៍ នៃពេលវេលាប៉ាន់ស្មាននេះ។
រយៈពេលវដ្ដរដូវ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Want Soft Feet? These Simple Tricks Really Work
https://www.femina.in/beauty/skin/soft-feet-tricks-213939.html
How To Remove Hard Skin & Get Silky Soft Feet (In 5 EASY Steps!)
https://experthometips.com/home-pedicure-soft-feet-remove-hard-skin
How to Get Baby Soft Feet at Home With Simple Ingredients
