ពិតណាស់ ការផ្លាស់ប្តូរទម្លាប់ក្នុងការថែទាំស្បែកអំឡុងពេលធ្វើដំណើរជិតឆ្ងាយ និងការប្រែប្រួលអាកាសធាតុអាចប៉ះពាល់ទៅដល់សុខភាពស្បែករបស់យើង ដោយបង្កជាការកើតមុន ឬធ្វើឲ្យស្បែកស្ងួតជាដើម។
អ៊ឹចឹងហើយ ដើម្បីថែទាំស្បែកឲ្យនៅតែមានសុខភាពល្អ អំឡុងពេលធ្វើដំណើរជិតឆ្ងាយក្នុងរដូវបុណ្យទាននេះ គ្នាយើងអាចអនុវត្តតាមតិចនិកងាយៗខាងក្រោមនេះ៖
១. រក្សាសំណើមនៃស្បែក
ស្បែករបស់យើងត្រូវការសំណើមពីខាងក្នុង និងខាងក្រៅ ដូច្នេះ ទើបគ្នាយើងចាំបាច់លាបប្រភេទក្រែមផ្តល់សំណើមដល់ស្បែក និងញ៉ាំទឹកឲ្យបានគ្រប់គ្រាន់។ ស្បែកដែលមានសំណើម នឹងមើលទៅក្មេងជាងវ័យ ព្រមទាំងទន់ម៉ត់រលោង។
២. លាបក្រែមការពារកម្តៅថ្ងៃ
ការលាបក្រែមការពារកម្តៅថ្ងៃ ជាវិធីសាស្រ្តដ៏ល្អបំផុតក្នុងការការពារស្បែកពីការបំផ្លាញ។ កាំរស្មី UV អាចបំផ្លាញកោសិកាស្បែក និងបង្កជាជំងឺមហារីកថែមទៀតផង។ យ៉ាងហោចណាស់ យើងគួរជ្រើសរើសក្រែមការពារកម្តៅថ្ងៃណាដែលមាន SPF30 ឬខ្ពស់ជាងនេះ ព្រមទាំងលាបក្រែមជារៀងរាល់ពីរបីម៉ោងម្តង។
៣. ព្យាបាលប្រើផលិតផលដដែល
មួយវិញទៀត ស្រីៗយើងគួរជៀសវាងផ្លាស់ប្តូរផលិតផលថែរក្សាស្បែកនៅពេលដែលធ្វើដំណើរទៅណាមកណា ពីព្រោះការផ្លាស់ប្តូរផលិតផលថ្មី រួមមាននឹងអាកាសធាតុថ្មី អាចបណ្តាលឲ្យស្បែកកើតមុនដោយមិនដឹងខ្លួន។
៤. បិតម៉ាសមុខ
ការធ្វើដំណើរទៅទីជិតឆ្ងាយ អាចនាំឲ្យយើងស្រ្តេស និងបង្កជាការកើតមុន ដូច្នេះហើយ គ្នាយើងអាចផ្តល់ការថែទាំដ៏ល្អបំផុតសម្រាប់ស្បែកដោយការបិតម៉ាសមុខ ក៏ដូចជាបាញ់ទឹកផ្តល់សំណើមដល់ផ្ទៃមុខ (Facial mists)។
[embed-health-tool-ovulation]
៥. លាងសម្អាតដៃឲ្យបានញឹកញាប់ និងជៀសវាងយកដៃប៉ះមុខ
ម្យ៉ាងវិញទៀត យើងគួរប្រើសាប៊ូលាងសម្អាតដៃឲ្យបានញឹកញាប់ ដើម្បីបញ្ចៀសការរាលដាលនៃបាក់តេរី និងធូលីដីទៅលើផ្ទៃមុខ ដែលអាចបង្កឲ្យកើតមុន ជាពិសេសនៅអំឡុងពេលធ្វើដំណើរនេះតែម្តង។
ចំណុចសំខាន់
១. រក្សាសំណើមនៃស្បែក
២. លាបក្រែមការពារកម្តៅថ្ងៃ
៣. ព្យាបាលប្រើផលិតផលដដែល
៤. បិតម៉ាសមុខ
៥. លាងសម្អាតដៃឲ្យបានញឹកញាប់ និងជៀសវាងយកដៃប៉ះមុខ
អត្ថបទគួរអាន៖
- ស្រីៗយើង នេះជារបៀបធ្វើក្រែមលាបមាត់ងាយៗតាមបែប
- វិធីខាត់ស្បែកត្រឹមត្រូវ ការពារកុំឲ្យខូចស្បែកមិនដឹងខ្លួន
- វិធីសាស្រ្តធម្មជាតិធ្វើស្រ្កាប់ខាត់ស្បែកមុខ គួរសាកល្បង
- ចែកគ្នាដឹង! វិធីកម្ចាត់មុនក្បាលខ្មៅលើច្រមុះតាមបែបធម្មជាតិ
- ប្រែបបូរមាត់ពីខ្មៅស្រអាប់ទៅជាទន់ល្មើយផ្កាឈូក ដោយរូបមន្ត ៨ យ៉ាងនេះ
- តិចនិកកម្ចាត់ខ្លាញ់កកក្រោមស្បែកភ្លៅ ស្រីៗយើងចែកគ្នាដឹង
