នៅអាយុ ៥ ឆ្នាំដំបូងរបស់កុមារ ផ្នែកខួរក្បាលមានការវិវត្តលឿនបំផុត ដូចនេះការជំរុញការគិតពិចារណារ តាមការអាន ជាប្រយោជន៍ធំមួយជួយសមត្ថភាពពួកគេ នៅពេលចូលសាលា។ នេះបើតាមការលើកឡើងរបស់លោកវេជ្ជបណ្ឌិត John Hutton អ្នកដឹកនាំការស្រាវជ្រាវ ដោយមន្ទីរពេទ្យ Cincinnati Children នៅសហរដ្ឋអាមេរិក។
ចង់ឲ្យកូនឆាប់ចេះអាន ម៉ាក់ប៉ាអាចជួយកូនតាមវិធីទាំងនេះ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
មានតិចនិកល្អណា អាចជួយម៉ាក់ប៉ាជំរុញការអានរបស់កូនឲ្យល្អទេ?
នៅពេលកូនកំពុងរៀនអាន ហើយកូនៗមានភាពលំបាកក្នុងការអានដោយខ្លួនឯង ម៉ាកប៉ាអាចជួយកូនបានដោយប្រើវិធីច្រើនយ៉ាងដែលក្នុងនោះមានដូចជា៖
បង្កើតទម្លាប់អាន៖ ការអានជាមួយកូនជាប្រចាំអាចពង្រឹងសមត្ថភាពអានកូនបានច្រើនផ្នែកដូច ការយល់សាច់រឿង ចេះពាក្យច្រើន ចេះបញ្ចេញសំឡេងឲ្យត្រូវតាមពាក្យ។ល។ ទោះបីជាកូនមិនទាន់ចេះអាចខ្លួនឯងក្ដី យើងត្រូវអានជាមួយកូនរហូត ពួកគេចេះអានដោយខ្លួនឯង និងយល់ដឹងពីគុណតម្លៃនៃការអាន។
រកសៀវភៅដែលកូនចូលចិត្ត៖ បើកូនមើលទៅដូចមិនចង់អាន ឬលេងអ្វីផ្សេងៗពេលយើងអានឲ្យស្ដាប់ អាចមកពីវាមិនមែនដែលរឿងកូនចូលចិត្ត ឬចង់ដឹង។ យើងគួរបង្ហាញឲ្យកូនស្គាល់នូវប្រភេទសៀវភៅខុសគ្នាៗ ដើម្បីឲ្យកូនស្វែងរកសៀវភៅដែលត្រូវនឹងចំណាប់អារម្មណ៍របស់កូន។
លេងល្បែងទាយអក្សរ៖ ពេលដែលកំពុងអាន យើងអាចលេងល្បែងទាយអក្សរជាមួយកូនៗ ដោយឲ្យកូនទាយពីពាក្យដែលនឹងត្រូវអានបន្ទាប់ ឬអាចឲ្យកូនប្រកបអក្សរផងក៏បាន។ ម៉ាក់ប៉ាក៏អាចឲ្យកូនរៀនទាយពីហេតុការដែលនឹងកើតឡើងនៅពេលក្រោយៗបានដែរ។
បង្កើតឱកាសឲ្យកូនអានបានច្រើន៖ ចង់ឲ្យកូនអានបានល្អ មិនចាំបាច់ទាល់បើកសៀវភៅ បានអានកើតទេ។ យើងអាចឲ្យកូនអានពាក្យ ឬឃ្លាផ្សេងៗដែលយើងជួបប្រទះក្នុងការរស់នៅសព្វថ្ងៃក៏បានដែរ។ ឧទាហរណ៍. ពេលទៅមើលកុន ឲ្យកូនអាចចំណងជើងរឿង ពេលធ្វើដំណើរ ឲ្យកូនអានផ្លាកសញ្ញាចរាចរណ៍។ល។
បន្ថែមពីលើនេះ លោកស្រីវេជ្ជបណ្ឌិត កុសល កណិការ ឯកទេសជំងឺកុមារ សញ្ញាប័ត្រពីបារាំង ពន្យល់ឲ្យដឹងថា ការចំណាយពេលអាន ឬបង្រៀនកូនជារៀងរាល់ថ្ងៃ ជាទង្វើតូចតាចមួយ ប៉ុន្តែអាចធ្វើឲ្យកូនមានភាពកក់ក្ដៅ ទទួលបានអារម្មណ៍ក្ដីស្រឡាញ់ពីម៉ាក់ប៉ាដោយមិនចាំបាច់ចំណាយលុយច្រើន។
ម៉្យាងវិញទៀត នៅពេលដែលយើងដកពេលវេលាខ្លះ ក្នុងថ្ងៃដ៏មមាញឹករបស់យើង មកផ្ដោតលើកូន ទោះបី ៤-១០នាទីក្ដី នៅពេលដែលកូនធំឡើង កូននឹងអាចយល់ថា ម៉ាក់ប៉ាព្យាយាមបង្ហាញក្ដីស្រឡាញ់មកខ្លួន ទោះបីម៉ាក់ប៉ារវល់យ៉ាងណាក៏ដោយ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម