នាមជាឪពុកម្ដាយ យើងមិនត្រឹមតែផ្ដល់ហ្សែនទៅឲ្យកូនៗតែប៉ុណ្ណោះទេ កូនៗក៏រៀន និងចាប់យកទម្លាប់របស់យើងដែរ ទាំងទម្លាប់ល្អ និងអាក្រក់។ ក្នុងនោះដែរ ផ្នែកសុខភាពក៏ជារឿងសំខាន់មួយដែលម៉ាក់ប៉ាគ្រប់រូបគួរតែបង្រៀនកូនឲ្យដឹងតាំងពីតូចៗមកម៉្លេះ។ ហេតុនេះហើយ ប៉ាម៉ាក់មានកាតព្វកិច្ចសំខាន់ក្នុងការក្លាយជាគំរូដ៏ល្អមួយឲ្យកូន ដើម្បីឲ្យកូនលូតលាស់ធំពេញវ័យទៅមានទម្លាប់ល្អ និងជាបុគ្គលមួយរូបចេះស្រលាញ់សុខភាព។