ឪពុកម្ដាយជាច្រើនតែងតែចង់ការពារកូនៗពីបទពិសោធន៍មិនល្អក្នុងជីវិតទាំងប៉ុន្មាន មិនចង់ឲ្យកូនជួបរឿងមិនសប្បាយចិត្ត ឬការបរាជ័យក្នុងជីវិតឡើយ។ ការបរាជ័យ ជារឿងមួយយើងមិនអាចចៀសបានក្នុងជីវិត ហើយទាំងក្មេងៗ និងចាស់ៗ បើជួបការបរាជ័យ អាចធ្វើឲ្យមានអារម្មណ៍ឈឺចាប់ដូចជា ខឹង ពិបាកចិត្ត ធុញទ្រាន់ ឬបាត់បង់ទំនុកចិត្តលើខ្លួនឯង។ល។ ផ្ទុយទៅវិញ យើងអាចប្រែឲ្យការបរាជ័យក្លាយជាមេរៀនមួយជួយពង្រឹងសមត្ថភាពកូនយើងដើម្បីជោគជ័យទៅថ្ងៃខាងមុខបាន។