ការអានឲ្យឮៗ អាចជាវិធីសាស្ត្រមួយដែលមានសារសំខាន់ និងមានឥទ្ធិពលក្នុងការនិយាយទៅកាន់កូន ក៏ដូចជាជួយឲ្យពួកគេមានការអភិវឌ្ឍន៍យ៉ាងឆាប់រហ័ស។ ពិតណាស់ នៅពេលដែលយើងអានសៀវភៅឲ្យកូនៗស្ដាប់ វានឹងបណ្ដុះគំនិតច្នៃប្រឌិត ព្រមទាំងបង្កើតចំណេះដឹងដល់ពួកគេ។ បន្ថែមពីនេះ ការអានសៀវភៅក៏អាចជួយបង្កើនជំនាញភាសារបស់កូនៗផងដែរ។ ចំណុចទាំងនេះហើយ ដែលប៉ាម៉ាក់អាចជួយកូនរបស់ខ្លួនប្រកបដោយភាពឈ្លាសវៃតាមរយៈការអាន។