កូននៅតូចអាយុបាន ៣-៤ ឆ្នាំ ប្រហែលជាចង់លេងច្រើន មិនចង់គេងដូចកាលពីនៅតូចនោះទេ ហើយបើចំក្មេងញៀនទូរស័ព្ទ ឯម៉ាក់ប៉ារវល់ទៀតនោះ ច្បាស់ជាម្ង៉ៃៗចំណាយពេលច្រើនមើលអេក្រង់ទូរស័ព្ទ ថេប្លេត ឬឧបករណ៍អេឡិចត្រូនិកផ្សេងទៀត។
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
កូននៅតូចអាយុបាន ៣-៤ ឆ្នាំ ប្រហែលជាចង់លេងច្រើន មិនចង់គេងដូចកាលពីនៅតូចនោះទេ ហើយបើចំក្មេងញៀនទូរស័ព្ទ ឯម៉ាក់ប៉ារវល់ទៀតនោះ ច្បាស់ជាម្ង៉ៃៗចំណាយពេលច្រើនមើលអេក្រង់ទូរស័ព្ទ ថេប្លេត ឬឧបករណ៍អេឡិចត្រូនិកផ្សេងទៀត។
កូនមើលទូស័ព្ទច្រើនមិនល្អនោះ បែបនេះហើយទើបអង្គការសុខភាពពិភពលោក (WHO) ណែនាំឲ្យក្មេងអាយុចាប់ពី ៣-៤ ឆ្នាំ ត្រូវគេងឲ្យគ្រប់គ្រាន់ ធ្វើសកម្មភាពរាងកាយផ្សេងៗ និងកំណត់រយៈមើលទូរស័ព្ទតិចតួចប៉ុណ្ណោះ ទើបមានសុខភាពល្អ។
១. ធ្វើសកម្មភាពរាងកាយ៖ ចំណាយពេលយ៉ាងតិច ១ម៉ោងកន្លះ/ថ្ងៃ ដើម្បីធ្វើសកម្មភាពផ្សេងៗ ដូចជាលេងកម្សាន្ត រត់ ដើរ ជិះកង់ ឬលេងកីឡាជាដើម។
២. គេង៖ គេងឲ្យបាន ១០-១៣ ម៉ោង/ថ្ងៃ ដោយរាប់បញ្ចូលទាំងការគេងនៅពេលថ្ងៃ និងនៅពេលយប់ ហើយត្រូវកំណត់ពេលចូលគេង និងក្រោកពីគេងវិញឲ្យបានទៀងទាត់។
៣. លេង ឬុមើលគ្រឿងអេឡិចត្រូនិច៖ ក្មេងអាយុ ៣-៤ ឆ្នាំ ត្រូវឲ្យចំណាយពេលមើលអេក្រង់ ដូចជាមើលទូរទស្សន៍ លេងទូរស័ព្ទ iPad ឬគ្រឿងអេឡិចត្រូនិក មិនឲ្យលើសពី ១ម៉ោង/ថ្ងៃ ឡើយ ហើយបើកាន់តែតិចជាងនេះកាន់តែល្អ។
អត្ថបទពាក់ព័ន្ធ៖
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕