ការចិញ្ចឹមកូនបែបតឹងរឹងពេក ឬក៏ហៅថាផ្ដាច់ការពេកនោះ គឺហៅថាផ្ដាច់ការនិយមហើយ។ ប៉ាម៉ាក់ដែលមានលំនាំចិញ្ចឹមកូនបែបនេះ គឺចង់ឲ្យកូនមានវិន័យល្អ និងទទួលបានជោគជ័យទៅថ្ងៃអនាគត។ ប៉ុន្តែ របៀបបែបនេះគឺមានសម្ពាធខ្លាំងទៅលើកូនទៅវិញទេ។ ការចិញ្ចឹមកូនបែបផ្ដាច់ការនេះ គឺតម្រូវឲ្យកូនត្រូវតែសម្របតាមការបង្គាប់បញ្ជារបស់ឪពុកម្ដាយគ្រប់យ៉ាង ដោយមិនចាំបាច់មានការបកស្រាយនោះទេ។ ការចិញ្ចឹមកូនរបៀបនេះគឺតែងតែជួបប្រទះផលមិនល្អទៅលើកូន ដោយមិនអាចជៀសវាងបាន ដូចជា ធ្វើឲ្យកូនអាចមិនសូវមានទំនុកចិត្តលើខ្លួនឯង ជាដើម។