ការចិញ្ចឹមកូនបែបតឹងរឹងពេក ឬក៏ហៅថាផ្ដាច់ការពេកនោះ គឺហៅថាផ្ដាច់ការនិយមហើយ។ ប៉ាម៉ាក់ដែលមានលំនាំចិញ្ចឹមកូនបែបនេះ គឺចង់ឲ្យកូនមានវិន័យល្អ និងទទួលបានជោគជ័យទៅថ្ងៃអនាគត។ ប៉ុន្តែ របៀបបែបនេះគឺមានសម្ពាធខ្លាំងទៅលើកូនទៅវិញទេ។ ការចិញ្ចឹមកូនបែបផ្ដាច់ការនេះ គឺតម្រូវឲ្យកូនត្រូវតែសម្របតាមការបង្គាប់បញ្ជារបស់ឪពុកម្ដាយគ្រប់យ៉ាង ដោយមិនចាំបាច់មានការបកស្រាយនោះទេ។ ការចិញ្ចឹមកូនរបៀបនេះគឺតែងតែជួបប្រទះផលមិនល្អទៅលើកូន ដោយមិនអាចជៀសវាងបាន ដូចជា ធ្វើឲ្យកូនអាចមិនសូវមានទំនុកចិត្តលើខ្លួនឯង ជាដើម។
ប៉ាម៉ាក់ចិញ្ចឹមកូនបែបផ្ដាច់ការ អាចធ្វើឲ្យកូនធំឡើងជួបរឿងមិនល្អទាំងនេះ
ត្រួតពិនិត្យដោយ គឹម កាណែល
១- លក្ខខណ្ឌរបស់ប៉ាម៉ាក់ផ្ដាច់ការ
ជាទូទៅ ចំពោះប៉ាម៉ាក់ដែលផ្ដាច់ការ គឺបានផ្ដល់ឲ្យកូននូវមជ្ឈដ្ឋានដែលមានរបៀបរៀបរយ។ ទាំងនេះគឺជាវិន័យដែលប៉ាម៉ាក់ចង់បានពីកូនដោយគ្មានការជំទាស់។ ប៉ាម៉ាក់របៀបនេះគឺទាមទារខ្ពស់ ហើយមិនទម្លាប់បកស្រាយ ឬឲ្យហេតុផលដល់កូនបានដឹងនោះទេ។ កូនគឺត្រូវតែស្ដាប់តាមគ្រប់ម៉ាត់ទាំងអស់ បើប្រាប់ថាធ្វើអ្វីហើយ ត្រូវតែធ្វើតាម។ ប៉ាម៉ាក់បែបនេះមិនផ្ដល់ឱកាសដល់ភាពច្នៃប្រឌិត និងការបញ្ចេញអារម្មណ៍របស់កូនទេ។ ការគាបសង្កត់ផ្លូវចិត្ត គឺជាអ្វីដែលប៉ាម៉ាក់ផ្ដាច់ការអនុវត្តកន្លងមក។
អត្ថបទពាក់ព័ន្ធ៖
២- បុត្រធីតាដែលមានឪពុកម្ដាយផ្ដាច់ការ
កូនរស់នៅក្នុងលំនាំអប់រំរបៀបផ្ដាច់ការ គឺស្ដាប់បង្គាប់ដោយសារតែកូនត្រូវអនុវត្តរបៀបរស់នៅដោយមិនបានពិចារណា និងធ្វើតាមតែអ្វីដែលបានប្រាប់។ កូនអាចនឹងមានទំនោរទៅជាលាក់បាំងពីអារម្មណ៍ផ្ទាល់ខ្លួន និងធ្វើឲ្យមានគំលាតកាន់តែខ្លាំងក្នុងផ្លូវចិត្ត ដោយសារតែការភ័យខ្លាចនៃការដាក់ទោសពេលធ្វើខុស។ កូននឹងទទួលរងស្ត្រេស ព្រោះថាកូនត្រូវតែម៉ឺងម៉ាត់គ្រប់ពាក្យពេចន៍ និងសកម្មភាពទាំងអស់ពេលដែលប៉ាម៉ាក់នៅជិត។
អត្ថបទពាក់ព័ន្ធ៖
៣- កូនឆ្លើយតបបែបណា?
ទោះបីជាកូនភាគច្រើនដើរតាមលំនាំនេះក៏ដោយ ក៏មានខ្លះមានការប្រឆាំងផងដែរ ភាគច្រើនគឺកូនដែលមានវ័យជំទង់តែម្ដង។ អាចមានជារូបភាព ដូចជា កុហក លឹបល និងមានអាថ៌កំបាំងច្រើនដោយមិនហ៊ានបញ្ចេញមកក្រៅឲ្យប៉ាម៉ាក់ដឹងនោះទេ ហើយក៏មានកូនខ្លះអាចលេចឡើងនូវសកម្មភាពហិង្សាថែមទៀតផង។
៤- ផលប៉ះពាល់ពីប៉ាម៉ាក់ផ្ដាច់ការ
ទោះបីជាការចិញ្ចឹមកូនរបៀបផ្ដាច់ការនេះ អាចធ្វើឲ្យកូនស្ដាប់បង្គាប់ក៏ដោយ តែងតែជួបបញ្ហាជៀសមិនផុត។ កូនដែលមានឪពុកម្ដាយផ្ដាច់ការ គឺខ្វះភាពជឿជាក់លើខ្លួនឯង។ កូនអាចនឹងធំធាត់ឡើងមានអារម្មណ៍ខ្លាចអ្នកដទៃ ហើយការគិតរបស់កូននឹងមានកម្រិត។ ដោយសារតែមានតែការរិះគន់ពេលបញ្ចេញគំនិតនៅមុខម៉ាក់ប៉ា កូននឹងមានទំនោររិះគន់ខ្លួនឯង ឬគំនិតអ្នកដទៃ។ កូនក៏អាចអាចនឹងងាយរងគ្រោះពីការប្រមាថពីមនុស្សជុំវិញខ្លួន។ ថ្ងៃក្រោយទៅ កូនអាចនឹងមានបញ្ហាច្រើនក្នុងការមានទំនាក់ទំនងស្នេហា និងឈានទៅរកហិង្សាទៀតផង។
អត្ថបទពាក់ព័ន្អ៖
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
គឹម កាណែល
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម