ការតាមដានសភាពជំងឺរបស់កូនពិតជាចាំបាច់ និងគួរតែស្វែងយល់ជាមួយអ្នកជំនាញ ដើម្បីដឹងពីការលូតលាស់ និងសុខភាពរបស់កូន។ ក្នុងនោះដែរលោកវេជ្ជបណ្ឌិត លី ឬទ្ធីគុណ ឯកទេសទូទៅបានណែនាំឲ្យម៉ាក់ប៉ាសង្កេត និងស្វែងរកពីមូលហេតុជំងឺមួយចំនួន ព្រមទាំងការមិនញ៉ាំអាហារ ឬញ៉ាំហើយតែមិនឡើងទម្ងន់របស់កូន។
ម៉ាក់ប៉ាត្រូវតាមដាន ជំងឺស្លេកស្លាំង ខ្វះអាហារូបត្ថម្ភ និងកូនមិនញ៉ាំចំណីអាហារ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១- ជំងឺស្លេកស្លាំង
អាការៈស្លេកស្លាំង ឬខ្វះគ្រាប់ឈាមក្រហម អាចជារោគសញ្ញារបស់ជំងឺសាហាវៗមួយចំនួន ដូចនេះត្រូវនាំកូនទៅពិគ្រោះជាមួយគ្រូពេទ្យជំនាញ ដើម្បីស្វែងរកមូលហេតុ និងការព្យាបាលទាន់ពេលវេលា។ ការសង្កេតមើលថា តើកូនស្លេកស្លាំង ឬអត់នោះ ម៉ាក់ប៉ាអាចដឹងតាមរយៈកូនមានអាការៈ នឿយហត់ ខ្សោយ ដង្ហក់ ឆាប់ហត់ជាងធម្មតា ដកដង្ហើមញាប់ សាច់ស្បែកឡើងស្លេក ឬលឿង ពណ៌ខុសប្រក្រតីពីស្បែកដើម។ មួយវិញទៀតអាចសង្កេតលើបបូរមាត់ ឬផ្នែកក្នុងត្របកភ្នែកខាងក្រោម តែបើសិនចង់ដឹងច្បាស់លាស់ ត្រូវជោះឈាមពិនិត្យមើលពណ៌ និងចំនួនរបស់គ្រាប់ឈាមក្រហម។
២- កង្វះអាហារូបត្ថម្ភ
កង្វះអាហារូបត្ថម្ភនេះ អាចមកពី ២ ករណីទី១ កូនមិនបានញ៉ាំអាហារល្អៗសម្បូរជីវជាតិ ព្រោះតែជីវភាពខ្វះខាត និងទី២ មកពីមិនដឹងពីប្រភេទចំណីអាហារល្អសម្រាប់កូន ទាំងដែលជីវភាពសមគួរ។ ដូចនេះគួរតែទៅជួបអ្នកជំនាញ ដើម្បីសាកសួរពីព័ត៌មានចំណីចំណុកល្អសម្រាប់ការលូតលាស់ និងសុខភាពកូន។
៣- កូនមិនញ៉ាំចំណីអាហារ
បញ្ហានេះអាចមកពីចំណីអាហារដែលកូនមិនចូលចិត្ត ឬមិនធ្លាប់ញ៉ាំ ដូចនេះដើម្បីកែប្រែទម្លាប់ យើងអាចទៅពិភាក្សាជាមួយក្រុមអ្នកជំនាញ ដើម្បីបង្ហាត់បង្ហាញពីរបៀបរៀបចំចំណីចំណុកឲ្យកូនចង់ញ៉ាំ។
អត្ថបទពាក់ព័ន្ធ៖
- កូនគ្រប់អាយុ៦ខែ ម៉ាក់ៗគួរជ្រើសរើសអាហារទាំង៣ក្រុមនេះមកចម្អិនបបរឲ្យញ៉ាំ
- ម៉ាក់ៗវ័យឆ្លាត ត្រូវដឹងវិធីបញ្ចូលបន្លែក្នុងអាហារ បើចង់ឲ្យគ្រួសារសុខភាពល្អ
- ប៉ាម៉ាក់ត្រូវដឹងវីធីដោះស្រាយទាំងនេះ ពេលជួបបញ្ហាកូនមិនចង់ញ៉ាំអាហារ
- ចង់ចាប់ផ្ដើមឲ្យកូនញ៉ាំអាហារមុន ៦ខែ គួរកត់សម្គាល់ចំណុចទាំងនេះ
- កូនក្មេងរលាកបំពង់ករ៉ាំរ៉ៃ អាចវិវត្តទៅកើតជំងឺធ្ងន់ធ្ងរមួយនេះ
- ក្រៅពីទឹកដោះគោ ឲ្យកូនញ៉ាំត្រីប្រភេទនេះក៏ធ្វើឲ្យឆ្អឹងរឹងមាំដែរ
- កង្វះអាហារូបត្ថម្ភ ធ្វើឲ្យកុមារបាត់បង់ឱកាសមាសទាំងនេះ
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយគ្រូពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម