ម៉ាក់ៗមួយចំនួននិយាយថា ពេលក្ដៅខ្លួនការលេបថ្នាំបញ្ចុះកម្ដៅមិនសូវមានប្រសិទ្ធភាពដូចការសុលតាមគូទឡើយ។ រហូតមានម៉ាក់ខ្លះឲ្យតែកូនក្ដៅខ្លួន ដឹងតែជ្រើសរើសវិធីសុលតែម្ដង ដោយមិនលេបថ្នាំឡើយ។
ពេលកូនក្ដៅខ្លួនម៉េចបានសុលតាមគូទឆាប់ត្រជាក់ជាងថ្នាំលេប?
ត្រួតពិនិត្យដោយ គឹម កាណែល
បញ្ហានេះអ្នកស្រីវេជ្ជបណ្ឌិត គុជ ឆោមដាលីន បម្រើការងារនៅ Singapore Medical Center បានឲ្យដឹងថារវាងថ្នាំសុល និងលេបគឺប្រសិទ្ធភាពបញ្ចុះកម្ដៅបានដូចគ្នា ឲ្យតែចំណុះស្មើគ្នា។ មួយវិញទៀតការឲ្យកូនលេបថ្នាំមិនត្រឹមត្រូវតាមបរិមាណ ពេលវេលា ទើបជាហេតុនាំឲ្យកម្ដៅមិនថមថយឆាប់។
ចង់គណនាថ្ងៃមេជីវិតញីទុំធ្លាក់ ចុចទីនេះ!
ចង់ដឹងអត្ថន័យពណ៌ និងរូបរាងលាមកទារក ចុចទីនេះ!
វេជ្ជបណ្ឌិតឯកទេសកុមាររូបនោះបន្តទៀតថា ថ្នាំសុល និងលេបខុសគ្នាត្រង់ផ្លូវចូល ទើបនាំឲ្យសុលអាចត្រជាក់លឿនជាង។ ខាងក្រោមជាការបកស្រាយរបស់វេជ្ជបណ្ឌិត គុជ ឆោមដាលីន៖
– ការលេបថ្នាំចូលពីមាត់តាមបំពង់អាហារ ចូលក្រពះ ពោះវៀនធំទើបដល់ ពោះវៀនតូច ទម្រាំតែស្រូបចូលសព្វរាងកាយមានរយៈពេលយូរ។
– ចំណែកការសុលវិញ គ្រាន់តែដាក់តាមគូទ វាឆាប់ទៅដល់ពោះវៀន ឆាប់សាយភាយ ដូចនេះហើយយើងនឹងឃើញប្រសិទ្ធភាពស្ដែងបន្ទាប់ពីសុលរួចរយៈពេលខ្លី។
ជាចុងក្រោយអ្នកស្រីវេជ្ជបណ្ឌិតបានណែនាំថា បើទោះជាកូនលេបថ្នាំមិនត្រជាក់ ហើយចង់សុលបន្ថែម ត្រូវរង់ចាំរយៈយ៉ាងហោចណាស់ ៤ ម៉ោងសិនដែរ។ មួយវិញទៀតបើកូនក្ដៅខ្លួនខ្លាចឈានដល់ប្រកាច់ ម៉ាក់ប៉ាត្រូវដោះសម្លៀកបំពាក់កូនចេញ និងយកកូនកន្សែងជ្រលក់ទឹក រួចពូតឲ្យស្រស់ទឹក មកជូតខ្លួនកូនតាមកន្លែងមួយចំនួនដូចជាក្លៀក ក ដៃជើង ឬតាមគន្លាក់ដៃជើង។
ទោះយ៉ាងណាក៏ដោយ ការប្រើថ្នាំសុលចំពោះទារក ត្រូវតែមានការប្រុងប្រយ័ត្នបន្តិច អាចនឹងមានការឈឺចាប់ ដាច់រលាត់ផ្លូវលាមកក្មេង បើយើងសុលមិនប្រុងប្រយ័ត្ន ឬមិនបានត្រឹមត្រូវ។
គួរស្វែងយល់៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
គឹម កាណែល
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម