ទារកគ្រប់រូបទាមទារឲ្យការយកជិតទុកដាក់ និងថែទាំពីយើងច្រើន ព្រោះអាអូននៅខ្ចីមែនទែន ងាយនឹងប្រឈមការឆ្លងមេរោគបណ្ដាលឲ្យទៅជាឈឺជាដើម។ ក្នុងនោះ មានទារកមួយចំនួនកើតមក ជួបបញ្ហានៅលើស្បែក ដូចជារបកស្បែកទាំងផ្ទាំងៗ រហែកស្បែក។ល។ បើអាអូននៅតូចចឹង ជួបបញ្ហានេះ អាចបណ្ដាលមកពីការរោលទឹកភ្លោះអត់?
ពិតអត់ ស្បែកទារកឡើងប្រេះ និងរបកអាចបណ្ដាលមកពីការរោលទឹកភ្លោះ?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ទាក់ទងនឹងបញ្ហានេះ លោកវេជ្ជបណ្ឌិត ឃួន សុវណ្ណារិទ្ធ បានបកស្រាយឲ្យដឹងថា ករណីទារកកើតមករបកស្បែកនេះ ខាងក្រុមគ្រូពេទ្យបានជួបប្រទះញឹកញយដែរ ហើយការរបកស្បែករបស់ទារកមិនដូចគ្នាទេ។ ប៉ុន្តែចំពោះករណីដែលថា កូនមានបញ្ហារបកស្បែក ដោយសាររោលទឹកភ្លោះនោះ គឺគ្មានទេ ព្រោះទឹកភ្លោះមានតួនាទីសំខាន់ជួយចិញ្ចឹម ក៏ដូចជា ការពារទារកក្នុងផ្ទៃពីការប៉ះទង្គិចផ្សេងៗ។ ដូចនេះ ការដែលកូនមានបញ្ហារបកស្បែកមិនមែនដោយសារតែទឹកភ្លោះទេ។
“បញ្ហាស្បែកដែលទារកទើបកើតជួបប្រទះនឹង ខាងពេទ្យជួបច្រើនហើយ តែបញ្ហាអស់នោះមិនមែនកើតដោយសារទឹកភ្លោះទេ។ ករណីដែលរបកស្បែកទារកទើបកើត មិនទាក់ទងនឹងទឹកភ្លោះ បើមានអ្នកយល់បែបនេះ អាចដោយសារគាត់មិនមានជំនាញច្បាស់លាស់ ឬគាត់ប្រើពាក្យខុសបច្ចេកទេសពេទ្យ។”
លោកបន្តថា ជួនកាល អាអូនរបកស្បែកអាចគ្រាន់តែជាករណីស្រាល ដែលឆ្លងមេរោគពីម្ដាយដូចជា ម្ដាយមានជំងឺឆ្លង ឬឆ្លងតាមមេរោគតាមទ្វារមាសម្ដាយ។ល។ ក្នុងករណី អាអូនរបកស្បែកតិចតួច វាអាចគ្រាន់តែជាជំងឺសើស្បែកនៅលើក្មេងប៉ុណ្ណោះ។
វេជ្ជបណ្ឌិតផ្នែកសម្ភពរូបនេះ បញ្ជាក់ថា ចំណែកករណីខ្លះវិញទៀត ទារកកើតមកមានបញ្ហារបកស្បែកទាំងផ្ទាំងៗ ដែលវាបង្កឡើងដោយខុសក្រូម៉ូសូមពីកំណើត ហើយជំងឺប្រភេទនេះពិបាកក្នុងការជួយទារក និងមានជំងឺស្បែកពីកំណើតមួយប្រភេទទៀតដែលយើងភាគច្រើនហៅថា ស្បែកពស់ (Harlequin Ichthyosis) ជាជំងឺកម្រ កើតនៅលើស្បែកទារកពីកំណើតតែម្ដង។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម