ចូលចិត្តព័ត៌មាន “Hello គ្រូពេទ្យ” សូមចូលរួមស្ទង់មតិនៅទីនេះ។ មតិអ្នកទាំងអស់គ្នា ពិតជាមានតម្លៃសម្រាប់ “Hello គ្រូពេទ្យ” អាចកែលម្អព័ត៌មានឲ្យកាន់តែប្រសើរ!
កូនតឹងច្រមុះផ្ដាសាយគួរបន្តក់ ឬឆ្ពង់សេរ៉ូមប្រៃ? មួយណាអាចកាត់បន្ថយអាការៈបានល្អ?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
កូនដែលកើតជំងឺផ្ដាសាយហៀរសម្បោរ តឹងច្រមុះ ក្រៅពីការលេបថ្នាំតាមវេជ្ជបញ្ជាម៉ាក់ប៉ាអាចឆ្ពង់ច្រមុះ ឬបន្តក់សេរ៉ូមប្រៃ ដើម្បីកាត់បន្ថយអាការៈទាំងនោះ។ តែក្នុងជម្រើស ២ នេះមួយណាល្អសម្រាប់កូនជាង?
វេជ្ជបណ្ឌិត ហ៊ាង រតនា បានឲ្យដឹងថា ការដកដង្ហើមបានស្រួលពិតជាសំខាន់ចំពោះសុខភាពកូនតូច ហើយការតឹងច្រមុះ ពិតជារំខាន និងនាំឲ្យមួម៉ៅរករឿងច្រើន។ ក្នុងចំណោមមធ្យោបាយទាំង ២ ដោយការប្រើសេរ៉ូមប្រៃដូចគ្នា ការឆ្ពង់គឺមានប្រសិទ្ធិភាពជាងការបន្តក់ ប៉ុន្តែក្មេងខ្លះមិនចូលចិត្តផ្សែងដែលចេញពីម៉ាស៊ីន ទើបមិនងាយឲ្យឆ្ពង់។
លោកបានបន្តថា តឹងច្រមុះអាចបន្តក់បាន តែមិនសូវមានប្រសិទ្ធភាពខ្ពស់ដូចការឆ្ពង់ឡើយ ព្រោះពេលតឹង សាច់ច្រមុះខាងក្នុងបានហើមទៅហើយមិនមែនបណ្ដាលមកពីស្លេសឡើយ។ នៅពេលតឹងច្រមុះបានឆ្ពង់ សាច់ហើមក្នុងច្រមុះនោះអាចបង្រួមមកវិញខ្លះ ទើបវាងាយក្នុងការដកដង្ហើមឡើងវិញ។
តែចំពោះកូនដែលមានបញ្ហាឡើងស្លេស្ម ហៀរសម្បោរ គឺអាចបន្តក់បាន ព្រោះពេលជាតិសេរ៉ូមប្រៃនោះចូលទៅ គឺពង្រាវស្លេសនោះបានយ៉ាងល្អ។ ចំណែកវិធីកាន់តែមានប្រសិទ្ធិភាពមួយទៀត គឺការលាងដោយប្រើសេរ៉ូមប្រៃបាញ់ពីច្រមុះម្ខាង ឲ្យស្លេស្ម ឬសម្បោរចេញមកម្ខាងទៀត ប៉ុន្តែវិធីនេះម៉ាក់ប៉ាត្រូវចេះឲ្យស្ទាត់ជាមុនសិន ចៀសវាងអាចបង្កគ្រោះថ្នាក់ធ្ងន់ទៅវិញ ប្រសិនបើបាញ់ខុសបច្ចេកទេស។
វេជ្ជបណ្ឌិតឯកទេសជំងឺទូទៅបានឲ្យដឹងថា ទោះជាពេលតឹងប្រើវិធីឆ្ពង់បានប្រសិទ្ធិភាពលឿនជាងមែន ប៉ុន្តែកុមារនៅតែត្រូវវបន្តក់សេរ៉ូមប្រៃ ទើបកម្ចាត់មេរោគដែលមាននៅក្នុងច្រមុះ ២ ឬ៣តំណក់ ដើម្បីបន្សើម និងសម្អាតកាកសំណល់រឹងៗក្នុងច្រមុះ។ នៅពេលកូនមានបញ្ហាតឹងច្រមុះ ត្រូវផ្សើមជាតិទឹកឲ្យគ្រប់គ្រាន់ ដោយសារតែការតឹងអាចបណ្ដាលឲ្យពួកគេបាត់បង់ជាតិសំណើមចេញពីក្នុងច្រមុះបាន រលាកទៅជាស្ងួត រលាកក៏មាន។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម