មានម៉ាក់មួយចំនួនពេលយកកូនទៅជួបពិគ្រោះព្យាបាលជំងឺ ហើយពេលត្រលប់មកផ្ទះវិញ មិនបានសួរគ្រូពេទ្យពីរបៀបលេបថ្នាំ បែរជាអ្នកធ្លាប់មានកូនឈឺដូចគ្នាទៅវិញ។
ម៉ាក់ៗយកកូនទៅពេទ្យ គួរសួរសំណួរទាំងនេះ កុំមកផ្ទះវិញទាំងឆ្ងល់
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
លោកវេជ្ជបណ្ឌិត ហ៊ាង រតនា ឯកទេសជំងឺទូទៅបានឲ្យដឹងថា ទង្វើបែបនោះមិនសមគួរសោះ ព្រោះម៉ាក់ៗដែលមានកូនឈឺកន្លងមក មិនមែនជាគ្រូពេទ្យ ហើយប្រភេទជំងឺកូនក៏ខុសគ្នា អាយុ ទម្ងន់ ក៏ខុសគ្នាទាំងអស់។ ដូចនេះប្រសិនបើធ្វើតាមការណែនាំរបស់ម៉ាក់ៗ អាចនាំគ្រោះថ្នាក់ដល់កូនទៅវិញទេ។
វេជ្ជបណ្ឌិតរូបនោះក៏បានបន្តទៀតថា ថ្ងៃក្រោយពេលនាំកូនទៅពេទ្យ យើងជាអាណាព្យាបាលមានសិទ្ធិសួរសំណួរខ្លះៗទៅកាន់គ្រូពេទ្យពីដំណើរការនៃការព្យាបាលនីមួយៗ។ ឧទាហរណ៍៖ កូនឈឺអី? ថ្នាំហ្នឹងត្រូវលេបចំណុះប៉ុន្មាន? មួយថ្ងៃប៉ុន្មានដង? ថ្នាំហ្នឹងវាមានមុខងារម៉េចខ្លះ? ថ្នាំហ្នឹងលេបទៅវាព្យាបាលរបៀបម៉េច វាត្រូវនឹងអីខ្លះ ជាដើម។
សំណួរទាំងនេះ យើងអាចមានសិទ្ធិសួរ ដើម្បីឲ្យអស់ចម្ងល់ និងការប្រើប្រាស់ទៅមានប្រសិទ្ធភាពខ្ពស់ ហើយក៏ធ្វើឲ្យយើងមានការយល់ដឹងខ្ពស់។ ចំណែកគ្រូពេទ្យវិញក៏មានភារកិច្ចពន្យល់សាច់ញាតិអ្នកជំងឺឲ្យអស់ចម្ងល់តាមដែលអាចធ្វើទៅបាន ហើយគ្រូពេទ្យក៏មិនមានសិទ្ធិស្តីឲ្យយើងដែរ តែគាត់មានសិទ្ធិមិនឆ្លើយសំណួរខ្លះ និងមានសិទ្ធិមិនធ្វើតាមសំណូមពរខ្លះរបស់យើង ទៅតាមស្ថានភាពសមស្របជាក់ស្ដែងរបស់គាត់។
លោកបានបន្ថែមទៀតដែរថា បើមានចម្ងល់ត្រូវសួរពេទ្យភ្លាមៗ មិនមែននាំចម្ងល់មកផ្ទះវិញ ហើយឲ្យកូនលេបថ្នាំទាំងមិនច្បាស់នោះទេ មានហានិភ័យខ្លាំងណាស់ ព្រោះបើលេបត្រូវក៏មិនអី តែបើខុសវិញមានបញ្ហាធំហើយ។
អត្ថបទពាក់ព័ន្ធ៖
- ហេតុអ្វីបានត្រូវចាក់វ៉ាក់សាំង ការពារជំងឺផ្ដាសាយធំ?
- វ៉ាក់សាំងសំខាន់ តើផលអាក្រក់អ្វីខ្លះនៅពីក្រោយ ដឹងអត់?
- មកដឹងពីអាការៈផ្សេងៗរបស់ទារក ក្រោយចាក់វ៉ាក់សាំងរួច
- វិធីការពារកូនតូចៗពីជំងឺរលាកទងសួត និងរលាកបំពង់ក
- កូនៗមានសុវត្ថិភាពពីវីរុសកូរ៉ូណាថ្មី បើម៉ាក់ៗធ្វើតាម ៤ ចំណុចនេះ
- បកស្រាយចម្ងល់ ស្រីៗពពោះចាក់វ៉ាក់សាំងផ្ដាសាយ នៅតែឈឺដដែល
- អាកាសធាតុក្តៅបែបនេះ ថែទាំកូនយ៉ាងម៉េច កុំឲ្យខ្វះជាតិទឹក កើតជំងឺរាក?
- ហេតុអីពេទ្យហាមមិនឲ្យប្រើថ្នាំមានជាតិសំណ លើក្មេងអាយុក្រោម២ឆ្នាំ?
- ម៉ាក់ៗចាក់វ៉ាក់សាំងផ្ដាសាយពេលពពោះ អាចជួយការពារដល់កូនកើតបាន ៦ ខែ
- មកស្វែងយល់ពីស្នាមចាក់វ៉ាក់សាំងលើកដំបូងរបស់ទារក ម៉េចបានពេលខ្លះទៅជាខ្ទុះ?
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម