ការលូតលាស់ និងអាកប្បកិរិយា
ក្នុងសប្តាហ៍នេះ កូនយើងចាប់ផ្តើមយល់នូវពាក្យធម្មតាមួយចំនួនហើយ ដូចនេះយើងគួរតែព្យាយាមនិយាយជាមួយអាអូនឲ្យបានច្រើនតាមដែលអាចធ្វើទៅបាន។ យើងគួរបង្ហាត់កូនដោយនិយាយតាមពាក្យគេបាននិយាយ ឬពាក្យមនុស្សពេញវ័យប្រើ។ ឧទាហរណ៍ ពួកគេនិយាយ “បាៗ’ យើងអាចនិយាយជាមួយកូន ដូចជា “កូន! កូនចង់បានដបទឹកដោះគោមែន?’។ ដើម្បីឲ្យការវិវត្តរបស់កូនបានល្អប្រសើរយើងមិនគួរប្រើពាក្យសម្តីរបស់ទារកតបទៅកូនទេ។ ទោះបីពេលខ្លះយើងមានអារម្មណ៍ថាដូចមនុស្សឆ្កួតក៏ដោយ ក៏គួរតែព្យាយាមលើកទឹកចិត្តកូនតូចក្នុងការនិយាយដោយឆ្លើយតបទៅវិញរហូត។