ការលូតលាស់ និងអាកប្បកិរិយា
កូនអាចយល់ពីអ្វីដែលយើងប្រាប់ ដូចនេះវាជាពេលដ៏ល្អសម្រាប់បង្រៀនកូន និងត្រូវប្រើពាក្យថា “សូម’ និង “អរគុណ’ តបទៅក្មេង ហើយប្រែក្លាយពេលរៀបចំរបស់លេងឲ្យមកជាការកម្សាន្តអារម្មណ៍របស់កូន។
អាយុ ៤៧ សប្តាហ៍៖ នៅតូចអ៊ីចឹង បង្រៀនកូនពីខ្លះទៅ?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
នៅសប្តាហ៍ទី ៣ ក្នុងខែទី ១១ កូនយើងអាច៖
– យកម្រាមដៃចាប់កាន់វត្ថុតូចៗ
– ឈរម្នាក់ឯង
– និយាយពាក្យ “ដាដា” ឬ “ម៉ាម៉ា” និងពាក្យផ្សេងៗ
១- បង្រៀនកូនដោយរបៀបណា?
មិនដឹងថាត្រូវបង្រៀនកូនអ្វីខ្លះពេលនេះមែនទេ? មិនបាច់ស្មុគស្មាញពេកទេ ប៉ាម៉ាក់អាចផ្តើមបង្រៀនកូនបន្តិចម្តងៗ រហូតអាអូនដឹងថា គេត្រូវការរូបយើងនៅក្បែរខ្លួន។ មុនដំបូងយើងត្រូវបង្រៀនកូនឲ្យស្គាល់ពីវត្ថុ និងឈ្មោះរបស់វា ដោយព្យាយាមនិយាយរៀបរាប់ឈ្មោះវត្ថុផ្សេងៗជាមួយកូនឲ្យបានច្រើន រាប់ចំនួនជំហានដែលកូនយើងបានបោះទៅមុខ ឬរៀបរាប់ពណ៌ផ្លែឈើនៅហាងទំនិញ-ល-។
យើងក៏អាចអានរឿងដែលមានរូបភាពឲ្យកូនស្តាប់ ហើយចង្អុលវត្ថុនៅក្នុងផ្ទះដែលស្រដៀងគ្នាជាមួយរូបក្នុងសៀវភៅ។ កុំភ្លេចសួរកូនឲ្យញឹកញាប់ផងថា តើកូនចង់ស្រោមជើងពណ៌ក្រហម ឬខៀវ។ តិចនិចមួយទៀត យើងអាចដាក់វត្ថុ ២ នៅចំពីមុខកូន ហើយឲ្យកូនរើសយកមួយ ដំបូងអាអូនអាចមិនខ្វល់ប៉ុន្តែពេលយើងប្រាប់ឲ្យរើសម្តងទៀត កូនយើងនឹងធ្វើតាមហើយរើសយកវត្ថុមួយដែលចូលចិត្ត។
សុខភាព និងសុវត្ថិភាព
២- ពិភាក្សាជាមួយពេទ្យរឿងអីខ្លះ?
ក្មេងជាច្រើនមិនចង់ទៅមន្ទីរពេទ្យដើម្បីពិនិត្យសុខភាពទេ តែបើមានការណាត់ជួបពេទ្យយើងគួរនាំកូនទៅឲ្យបានទៀតទាត់ ដើម្បីតាមដានការលូតលាស់។
៣- ចំណុចត្រូវដឹង
ក្មេងៗចូលចិត្តបៀមមេដៃ និងក្បាលដោះជ័រជាងគេ តើនេះមកពីមូលហេតុអ្វី?
បៀបមេដៃ៖ ការបៀបដៃមិនអាក្រក់ទេ បញ្ជាក់ថាកូនយើងមានសុខភាពល្អ អាអូនអាចលួងខ្លួនឯងដោយការបៀមដៃបាន។ នេះជាការលួងលោមខ្លួនឯងតាមធម្មជាតិ ដែលក្មេងទាំងអស់ចេះ។ សូម្បីតែអ្នកជំនាញក៏យល់ស្របថាវាមិនប៉ះពាល់ដល់ក្មេងដែរ។
បៀមក្បាលដោះជ័រ៖ ក្បាលដោះជ័រគឺជារបស់សម្រាប់លួងក្មេង ប៉ុន្តែយើងមិនចាំបាច់ត្រូវប្រើទេ។ ពេលខ្លះក្បាលដោះជ័រជ្រុះប្រឡាក់ដីកខ្វក់ កូនយើងរើសមកបៀមវិញក៏ថាបាន។ មានរឿងមួយទៀតការបៀមក្បាលដោះអាចធ្វើឲ្យប៉ះពាល់ដល់ការលូតលាស់ធ្មេញក្មេង។
ការព្រួយបារម្ភ
៤- រឿងអ្វីខ្លះត្រូវបារម្ភ?
កូនកាន់តែធំ ហើយគេងនៅជាមួយម៉ាក់ប៉ា ដូច្នេះជៀសមិនរួចពីខ្លាចកូនឃើញយើងធ្វើអ្វីមិនសមរម្យ ឬអត់មានសម្លៀកបំពាក់នោះទេ។ កុំទាន់ភ័យ អ្នកជំនាញនិយាយថា ក្មេងមានអាយុតិចជាង ៥ ឆ្នាំ មិនមានអ្វីប៉ះពាល់នៅពេលឃើញម៉ាក់ប៉ាលែងខ្លួនទទេទេ។ ដូចនេះក្មេងអាយុតិចជាងមួយឆ្នាំ មិនមានអារម្មណ៍អ្វីទាំងអស់ពេលឃើញម៉ាក់ប៉ាមិនស្លៀកខោអាវ។ នេះដោយសារកូននៅក្មេង មិនអាចចាំរាល់អ្វីដែលគេបានឃើញឡើយ។ ប៉ុន្តែអ្នកខ្លះនិយាយថា មិនគួរឲ្យកូនឃើញយើងស្រាតខ្លួនទទេពេលមានអាយុ ៣ ឬ ៤ ឆ្នាំឡើយ។
ពេលកូនចង់ឃើញ និងប៉ះសក់លើប្រដាប់ភេទយើង ឬស្ទាបអង្អែលចុងដោះ នោះយើងគួរបញ្ឈប់សកម្មភាពកូន។ យើងអាចហាមដោយពន្យល់ថា វាជាកេរខ្មាសយើង នោះអាអូនអាចយល់ហើយចេះការពារផ្នែកទាំងនោះរបស់គេពេលធំបន្តិច។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម